امریکہ اور اس کے اتّحادی فوجیں عراق سے واپسی کا ارادہ کرنے لگی ہیں مگر اس تمام صورتحال کا اثر پاکستان کی مغربی سرحد پر پڑے گا کیونکہ غیر ملکی قابض افواج کا پورا زور اب افغانستان پر لگےگا۔ وہ اب مکمّل توجّہ افغانستان پر مرکوز کریں گے۔
چونکہ ان کی کوئی بات اور کوئی حکمت عملی مستقل بنیاد نہیں رکھتی اس لئے ان کا ساتھی رہتے چوکنّا رہنا پڑے گا۔ اس مقصد کے لئے ہم کو پاکستان کی تمام دفاعی ضروریات مغربی سرحد کے حالات کو مدّنظر رکھ کر پوری کرنا پڑیں گی۔ ہر صورت میں اس علاقے میں امن قائم رکھنا پڑے گا تاکہ ضرورت کے وقت کُھل کر کام کیا جا سکے۔