ہاں جی اگر میں چیف آف آرمی سٹاف ہو تا
تو مجھے دعوٰی ہے کہ میں ٹھیک پندرہ سالو ں میں اس ملک کو ایسا نظام دیتا کہ جس میں ہر شخص عزت دار ہوتا۔ کوئی شخص بنیادی ضروریات سے محروم نہ ہوتا۔ کوئی بے گھر نہ ہوتا۔کہیں قتل و غارت نہ ہوتی۔کوئی بیٹی اپنے والدین کیلئے بوجھ نہ ہوتی۔کوئی بیٹا بے روزگار نہ پھرتا۔
آپ سو چ رہے ہونگے کہ وہ کونسی جادو کی چھڑی ہے جس سے ایک پل میں صدیوں سےبگڑا ہوا نظام یکسر بدل جائے گا۔کیا آج تک کوئی بھی اس نتیجے پہ نہیں پہنچا جس پہ آج میں پہنچ چکا ہوں۔مجھے ان کی نیت پہ تو شک نہیں لیکن میرا دعوٰی ہے کہ مصلحتوں کے سائے میں کبھی مقاصد پروان نہیں چڑھتے ۔ کسی بھی انقلاب کیلئے کم ازکم ایک نسل کو تو قربانی دینی ہی پڑتی ہے اور یہ توقع ہم ہر آنے والی اگلی نسل پہ چھوڑتے چلے جا رہے ہیں اور یوں ہم قیامت کے اتنے قریب پہنچ چکے ہیں کہ اب بگل بجنے ہی والا ہے۔اور مزید ستم ظریفی یہ کہ ہم قومِ بنی اسرائیل کی طر ح اپنے آپ کو جنت کا وارث بھی کہتے ہیں اور مو ت کی تمنا بھی نہیں کرتے۔
کیا کہتے ہیں کہ نہ خدا ہی ملا نہ وصالِ صنم۔نہ ادھر کے رھے نہ اُدھر کے رہے۔جنت ملتی نہیں اور دنیا کو جہنم بنا رکھا ہے۔اور جو اس دنیا کو جنت بنائے بیٹھے ہیں۔ زرا سنئے تو:
یہ کوٹھی جو تم کو نظر آرہی ہے
جو اپنی ادائوں پہ اِترا رہی ہے
زرا اِس کے گملوں میں پھولوں کو سونگھو
تو خونِ غریباں کی بُو آ رہی ہے
ہر وہ شخص جو خوشحال بنا پھر تا ہے کسی غریب کی آہو ں اور سسکیوں کا نزرانہ لیئے ہوئے ہے۔یاد رہے کہ نہ میں کمیو نسٹ ہوں نہ دہریہ۔ میں ایک مسلم ہوں جس پر مجھے فخر ہے ۔میرے نزدیک کائنات میں قرآن سے بڑی کوئی کتاب نہیں ۔نبی پاک صلعم سے بڑا کوئی انسان نہیں اور صحابہ کرام سے بہترین کوئی جماعت نہیں۔ ہر وہ شخص جو ان کے نقش قدم پہ چلتا ہے معزز ہے اور جو نہیں چلتا اُس سے ہمیں کوئی سرروکار نہیں۔
جس نظام کا زکر میں کرتا ہوں ہم مسلمانوں کیلئے نیا نہیں فرق صرف اتناہے کہ اسےہم بھول چکے ہیں۔ تاریخ کا ایک مسلمہ اصول ہے کہ جھوٹ کو اگر دو صدیوں تک مسلسل دہرایا جائے تو تیسری صدی تک وہ سچ بن جاتا ہے ہمارے ساتھ بھی یہی کچھ ہوا ہے
ہاں اگر میں چیف آف آرمی سٹاف ہوتا تو کو نسا ایسا نسخہ استعمال کرتا کہ یک لخت یہ دنیا جہنم سے جنت میں تبدیل ہو جاتی اس کے لئے میرے پاس یک نکاتی ایجنڈا ہے جو اس فورم میں بحث کیلئے حاظر ہے اس پر آپ مجھ سے ہر نقطہ پر بحث کر سکتے ہیں شرط صرف ایک ہے کہ سمجھنا اور سمجھانا مقصد ہو ۔ میں بھی ایک انسان ہوں ہر وقت غلطی ممکن ہے۔میرے نزدیک غلطی کرنا جرم نہیں بلکہ اسے تسلیم نہ کرنا جرم ہے۔
یک نکاتی ایجنڈا۔

زاتی ملکیت کے تصور کا خاتمہ


مزید بحث آپکی آرا اور سوالات پر۔۔۔۔۔