وطن عزیز پاکستان کے دگرگوں حالات میں دہشت گردی کے جن نے جو ہڑبونگ مچا رکھی ہے اس نے باشندگان پاکستان کے دل و دماغ میں ایک تلاطم برپا کر رکھا ہے۔

ان حالات میں حکومت میں موجود وزرا اور مشیران کرام جلتی پر تیل ڈآلنے کا کام کر رہے۔ تاہم ان میں محترم رحمان ملک صاحب ایک الگ حیثیت رکھتے ہیں۔وہ ہر دم وطن عزیز کے باشندگان کے چہروں پر رونق واپس لانے کی تگ و دو میں مصروف ہیں۔ انہی کوششوں میں انکی کئی کوششیشں گنوائی جا سکتی ہیں۔ جیسے دہشت گردی کی روک تھام کے لیے ایس ایم ایس پرپادندی وغیرہ۔
ہم انکی پر خلوصانہ کوششوں کو سراہتے ہوئے دہشت گردی کی روک تھام کے لیے چند کنکریٹ اقدامات کا مشورہ پیش کرتے ہیں امید کرتے ہیں کہ رحمان ملک صاحب جو ہر دم ملک و قوم کی خدمت میں مصروف ہیں اور ایسا کوئی موقع جانے نہیں دیتے جس سے عوام کی "خدمت" کی جاسکے تو وہ ہمارے مشورے سن کر پھڑک اٹھیں گے اور اسی خوشی میں ہم پر کچھ نئی پابندیوں کا اضافہ کر دیں گے اور یہ بھی وہ محض ملک و قوم کی فلاح کے لیے کریں گے

جی میں محترم رحمان ملک صاھب اور انکی کمٹمنٹ یعنی دہشت گردی کی روک تھام میں مزید رکاوٹ نہیں بننا چاہتا اور انکی خدمت میں یہ مشورے پیش ہیں۔

1۔ مردوں کی قمیضیں اتروانا
چونکہ حالیہ دہشت گردی کی وارداتیں ایک بات کو واضح کرتی ہیں کہ خواتین جس طرح دوسرے شعبوں میں مردوں کے شانہ بشانہ ہیں ۔ ۔ ۔ بدقسمتی سے وہ دہشت گردی کے میدان میں اس طرح اپنے جوہر نہیں دکھا پا رہیں ( حقوق نسواں کے علبرداروں اورجدید یت پرستوں کے لیے لمحہ فکریہ)۔ اور مزید یہ کہ زیادہ تر حملے خودکش جیکٹیں پہن کر ہوئے ہیں جو کہ قمیصوں کے نیچے پینے جاتے ہیں اس لیے رحمان ملک صاحب بلاتکلف یہ احکامات جاری کر دیں کہ آیندہ سے کوئی بھی مرد یا بچہ اپنی قمیص پہن کر باہر نہیں نکلے گا۔ جو کوئی مرد یا لڑکا قمیص پہن کر باہر نکلا اسکو 14 سال کی قید با مشقت اور تمام جائداد بحق سرکار زرداری کا جرمانہ سنایا جائے گا۔ اس طرح دہشت گرد دور سے ہی پہچانے جائیں گے اور دہشت گردی کے واقعات کی روک تھام کی جا سکے گی۔

2 ۔ لنگوٹی کا استعمال
اس میں چند بیوقوف یہ اعتراض کر سکتے ہیں کہ جناب اگر دہشت گردوں نے شلوار کے نیچے بارودی جیکٹ پہننا شروع کر دی تو؟ میں آپکو یقین دلاتا ہوں کہ یہ اعتراض کرنے والے جمہوریت دشمن ہیں۔کیونکہ جیکٹ ہمیشہ دھڑ کے اوپر والے حصے پر پہنی جا سکتی ہے۔ تاہم اسکا توڑ بھی آپکو ابھی سے بتا دیتا ہوں کہ اگلا حکم آپ یہ دے سکتے ہیں کہ آئندہ سے ہر مرد یا لڑکا ہمیشہ کچھا یعنی لنگوٹی کر آیا کرے گا۔اس طرح دھڑ کے زیریں حصہ پر یہ خطرہ ٹل جائے گا اور اس کے مزید فوائد بھی ایسے ہیں کہ قوم رہتی دنیا تک آپکو دعاوں میں یاد رکھے گی۔
پہلا فائدہ یہ ہے کہ گرمی کے موسم میں پسینہ بہت آتا ہے۔ تو اس مسئلہ سے نجات ممکن ہوگی۔
دوسرا فائدہ یہ ہو گا کہ کپڑے دھونے کے جھنجھٹ سے جان چھؤٹ جائے گی۔ اس طرح نہ صرف قوم میں بچت کی عادت جڑ پکرے گی بلکہ بجلی کی بچت بھی ہوگی ۔ اس طرح بجلی کے وزیر محترم بھی آپکے مشکور ہوں گے۔
مزید فوائد بھی تلاش کیے جا سکتے ہیں اگر ضرورت پڑی تو۔

فی الوقت صرف یہی دو مشورے لکھنے میں مجھے 5 گھنٹے لگے ہیں۔جو میں بصد و چشم اپنی کوتاہی تسلیم کرتا ہوں کہ بجلی کے نہ رہنے میں محض میرا قصور اور میرا مفاد ہے جیسے کرنٹ کا نہ لگنا وغیرہ اور یہ بھی کہ بجلی دوبارہ جانے میں محض چند منٹ رہ گئے ہیں تو میں اپنے مشورے یہیں ختم کرتا ہوں۔ جیسے جیسے بجلی نے موقع دیا میں ایسے ہی نادر العقول مشورے لے کر آُپکی خدمت میں حاضر ہوتا رہوں گا

میں یہ بھی امید کرتا ہوں کہ مقابلہ مضمون نویسی کے ارکان اس مضمون سے کما حقہُ فائدہ اٹھائیں گے اور اس قسم کے مشورے دے کر ملک و ملت کا نام روشن کریں گے