میں آج بہت خوش ہوں ،
عافیہ صدیقی والا معاملہ بھی ایک طرح سے تمام ہوا ، اور جو وہ کچھ لوگوں کو ہم وطنیت یا اخلاقیات کے کے بخار میں اُس کا دُکھ تھا یا دُکھ کا شور تھا وہ بھی ٹھنڈے ہوگئے ، اور ایسا ہونا بھی چاہیے ، یہ دُنیا اور اس کے معاملات اس طرح کے جذبات کے مطابق کیے کروانے جانے لگیں تو دُنیا میں پریشانی اور نقصان کے علاوہ کیا ملتا ہے ؟
رہا معاملہ آخرت کا تو جناب وہ کس نے دیکھی ہے ! مولوی کی باتوں پر غور کریں گے تو مرنے سے پہلے ہی مر جائیں گے اور آگے تو جہنم ملے یا نہ ملے یہاں کی زندگی بھی جنہم بنا لیں گے ،
اور یوں بھی عافیہ نہ میری بہن تھی نہ بیٹی ، اور نہ ہی آپ کی ، اس لیے اس قدر غمزدہ ہونے کی ضرورت ہی کیا ہے ،
دیکھیے ناں جب میری اور آپ کی بہنیں ، بیٹیاں اپنے گھروں میں محفوظ ہیں ، تو ہماری بلا سے خواہ سو پچاس عافیہ اور بھی پکڑ ی جائیں اور زندگی بھر کے لیے قید کر دی جائیں ،
میری جیب میں مال بھرا جائے ، میرے کالے کرتوت لوگوں کے سامنے نہ آنے پائیں ، میرا خاندان بچا رہے، میرے کاروبار چلتے رہیں ،میری عہدہ داریاں برقرار رہیں تو،،، میں خود عافیہ صدیقی جیسی سینکڑوں عورتیں میرے پیاروں کو دینے کو تیار ہوں ، کہ وہ ان کی آبرو ریزی کریں ، ان کو حیوانوں کی طرح ماریں اور پھر انہیں زندگی بھر کے لیے قید خانوں میں بند کر دیں ،
میں نے ایسا ہی کرنا تھا ، پس ایسا ہی کیا ، اور جب بھی میرے آقا و مولا امریکہ اور اس کے نإئبوں نے مجھے حکم دیا میں ایسا ہی کروں گا.
کیا آپ نے مجھے پہچان لیا کہ میں ہوں کون !!!

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب