جبکہ ملک معاشی بدحالی کا شکار ہے اور آئے دن قرض لے رہا ہے حکومت اپنی شاہ خرچیاں بڑھا رہی ہے اور پھر پیشہ ور بھکاریوں کی طرح حکمران ملک ملک پھرنے نکل جاتے ہیں اور اس حرکت سے بالکل نہیں شرماتے۔ شائد ہی کسی ملک میں اتنے بڑے پیمانے پر ایک مجمعے کو وزارتوں کے نام پر مراعات دی جاتی ہوں جو اس ترقّی پذیر ملک میں دی جا رہی ہے۔
روایتی وزارتوں کی اگر تعداد کا حساب لگایا جائے تو رسمی(typical/official) وزارتیں زیادہ سے زیادہ پندرہ ہیں جبکہ یہاں انکی تعداد سینکڑہ کو پہنچ رہی ہے۔ ان وزارتوں کے بٹوارے کے ساتھ ساتھ یہ بھی نہیں بھولنا چاہئے کہ حکومت قرضوں کی فرمائش بھی بڑھاتی جا رہی ہے۔ یہ سراسر ملک اور اسکے غریب عوام کے خلاف کام ہو رہا ہے جنکو یہ لوگ غریب تر کئے جا رہے ہیں۔