یہ آرٹیکل نام نہاد بلوچ ویب سائٹ پر لکھا گیا ۔ اس میں جو شر پسندی اور فاتر العقلی نظر آ رہی ہے اس پر کسی تبصرے کی ضرورت نہیں ہے۔ یہ آرٹیکل انگلش میں لکھا گیا تھا۔تاہم میں اس کے کچھ حصوں کا تلخیص و ترجمہ اردو میں پوسٹ کررہا ہوں تاکہ شاید کبھی کوئی سوچنے سمجھنے والا بلوچ ادھر آئے تو اسکو آزادی کی تحریک کی اصلیت کا اندازہ ہو سکے۔
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بلوچوں کو ہندو بن جانا چاہیے
بلوچ ہمیشہ سے غضب ناک قبائل رہے ہیں تاہم پچلے 50 سال میں پاکستان کے نام پر انکو پنجابیوں کا غلام بنا دیا گیا ہے۔اس لیے یہ کہنا درست ہوگا کہ بلوچ درحقیقت پنجابیوں کے غلام ہیں۔ بلوچ اپنی زبان میں اسمبلی میں بات نہیں کر سکتے اور اگر اپنی زبان میں بات کرنا چاہیںتو انکے مائک بند کر دیئے جاتے ہیں۔

جب تمام قبائلی سرداروں نے پاکستان کا حصہ بننے کی مخالفت کی تھی تو یہ صرف سردار اکبر خان بگٹی ہی تھا جس نہ غیر مشروط پاکستان کی حمایت کی اور بلوچستان کی پاکستان میں شمولیت کا بنیادی محرک بنا۔
پاکستان نے اسکے اس احسان کا شکریہ جس انداز میں ادا کیا وہ سامنے ہے۔

آج تمام قبائل پاکستان سے آزادی چاہتے ہیں اور اس کے حاصل کرنے کے دو طریقے ہیں۔

پہلا طریقہ پرانا ہے۔
اس میں تمام بلوچوں کو گوریلا بننا پڑے گا اور پاکستان کی بے پناہ فوجی مشینری کے خلاف ہتھیار اٹھانے پڑیں گے۔ اس طریقہ میں زیادہ چانسز یہی ہیں کہ بلوچوں کو بہت زیادہ جانی نقصان اٹھانا پڑے گا اور متوقع طور پر 60000 ہزار سے زائد بلوچ نوجوان اس آپریشن میں ہلاک ہو جائیں گے۔ جو بلوچ قوم کا بہت بڑا نقصان ہوگا۔ کیونکہ ہم بلوچ پاکستان کی طاقتور فوجی مشینری کا مقابلہ نہیں کر سکتے کیونکہ اس صورت میں افسوس ناک طور پر قبائل کے قبائل یا شاید پوری بلوچ قوم ہی صفحہ ہستی سے مٹ جائے۔اس لیے ہمکو دوسرا طریقہ اپنانا ہوگا

یہ دوسرا طریقہ امن کا راستہ ہے۔اس سے یقنی نتائج ملیں گے۔ لیکن یہ گاندھی کا راستہ بھی نہیں ہے کیونکہ اگر گاندھی پاکستان میں ہوتا اور امن کی تحریک چلاتا تو پاکستانی بلا توقف اسکو گولیوں سے بھون ڈالتے۔

میں جس امن کے راستے کی بات کر رہا ہوں شاید بہت کم لوگ اس کو سمجھ پائیں اور اس پر راضی ہوں۔مگر میرے نزدیک پاکستان سے نجات کا یہی راستہ سب سے بہتر ہے۔

آزادی کا سب سے پر امن راستہ یہ ہے کہ تمام بلوچ ہندو ہو جائیں۔

کیونکہ پاکستان کا بنیادی نظریہ اسلام ہے اور چاروں صوبے اسی اسلام کی وجہ سے ہی پاکستان کا حصہ بنے ہوئے ہیں تو اگر بلوچستان کی تمام کی تمام آبادی ہندو مت قبول کر لے تو پھر پاکستان کے پاس بلوچستان پر قبضہ جاری رکھنے کا کیا جواز ہوگا؟

میں کسی ایک بلوچ کے ہندو ہونے کی بات نہیں کر رہا۔میں پوری قوم کے ہندو مت کی طرف آنے کی بات کرہا ہوں۔ کیونہ اگر چند ہزار افراد ہندو ہو گئے تو پاکستانی حکومت انکو گرفتار کر لے گی لیکن اگر پوری کی پوری قوم ہندو ہو جائے تو کیا پاکستان پوری قوم کو جیل میں ڈال سکے گا؟ ہرگز نہیں۔

اگر تمام قبائل ہندو ہو جائیں تو ایسے میں پنجاب کیا کر لے گا؟ کچھ بھی نہیں۔ کیونکہ ہم اس طریقے سے پنجاب پر کسی قسم کی جنگ کا اعلان نہیں کر رہے ہوں گے کہ وہ ہم پر حملہ کرنے کا جواز ڈھونڈ سکے۔ لیکن حقیقت میں اس چال کے ذریعے ہم پاکستان اور اس کے بنیادی نظریہ کے خلاف جنگ کا اعلان کر دیں گے اور وہ اس کا کوئی توڑ بھی نہیں کر سکے گا۔

چونکہ پاکستان کی سوچ ہندو دشمنی پر مبنی ہے اور اگر ہم کسی اور مذہب جیسے عسائیت قبول کر لیں تو وہ ہم کو اہل کتاب مان کر ہمارے ساتھ رہنا اور ہم پر اپنی حکومت جاری رکھیں گے لیکن وہ کسی ہندو کو برداشت نہیں کر سکتے۔چناچہ وہ کسی ہندو بلوچستان کو برداشت نہیں کر پائیں گے اور ان کے پاس اس کے علاوہ کوئی اور چارہ نہیں ہو گا کہ ہندو بلوچستان کو آزاد کر دیں ۔

اگر پوری کی پوری آبادی ہندو ہو جائے تو یہ ایک بین القوامی خبر بن جائے گی اور ہندوستان و دیگر طاقتور حکومتیں اس پر سنجیدہ نوٹس لے لیں گی۔ پھر پاکستان کے پاس اس کے علاوہ کوئی اور چارہ نہیں ہو گا کہ وہ یا تو خود کو سیکولر سلطنت ہونے کا اعلان کرے یا پھر بلوچستان کو آزاد کر دے۔

پاکستان کشمیر کا تقاضہ اس لیے کرتا ہے کہ وہ مسلم اکثریت کا علاقہ ہے جبکہ ہندوستان سیکولر ملک ہے اسی لیے اس میں کئی علاقے ایسے بھی ہیں جو دیگر مذاہب کی اکثریت پر مشتمل ہیں ۔ لیکن پاکستان میں صرف وہی علاقے رہ سکتے ہیں جومسلم اکثریت کے ہوں ۔چونکہ بلوچستان پھر ہندو اکثریت کا ہو جائے گا تو پاکستان کے پاس اس پر قبضہ جاری رکھنے کا کوئی جواز نہ ہوگا اور پاکستان تباہ ہو جائے گا۔

میں ایک بات واضح کرتا چلوں کہ میرا مقصد یہ ہرگز نہیں کہ پوری قوم ہمیشہ ہمیشہ کے لیے ہندو ہو جائے۔ایک مرتبہ ہم پاکستان سے نجات حاصل کر لیں پھر ہر کسی کو آزادی ہو گی وہ جس مذہب پر چاہے عمل کرے۔

آزاد بلوچستان زندہ باد
__________________
بدرالزمان بلوچ
کوئٹہ - پاکستان