کیا میں چور ہوں؟

کیا میں چور ہوں؟ · 03-04-11, 05:01 AM

بسم اللہ الرحمٰن الرحیم
السلامُ علیکم و رحمۃ اللہ و برکتہ

ایک سوڈانی ڈاکٹر کہتا ہے کہ وہ میڈیکل کی ایک سپیشلائزیشن کے پہلے پارٹ کے امتحان کے سلسلہ میں ڈبلن گیا۔۔ اس امتحان کے لئے فیس ۳۰۹ پاؤنڈ تھی۔ مناسب کھلے پیسے نہ ہونے کی وجہ سے اُس نے متعلقہ ادارے میں ۳۱۰ پاؤنڈ ادا کیئے، بھاگ دوڑ اور رش کے باعث باقی کے پیسے لینا یاد نہ رہے، امتحان دے کر واپس اپنے ملک چلا گیا۔ واپسی کے کُچھ عرصے بعد اُسے سوڈان میں ایک خط موصول ہوا، خط کے ساتھ ایک پاؤنڈ کا چیک منسلک تھا اور ساتھ ہی وضاحت بھی کی گئی تھی کہ اُسے ایک پاؤنڈ کا یہ چیک کس سلسلے میں بھیجا گیا تھا۔

سچی بات تو یہ ہے کہ اس قصے نے مُجھے اپنے ساتھ پیش آنے والا ایک واقعہ یاد دلا دیا ہے۔۔ سن ۱۹۶۸ کا ذکر ہے جب میں نے انگلینڈ بیڈفورڈ کمپنی کے خرطوم میں ایجنٹ سے ایک لاری مبلغ ۲۴۰۰ سوڈانی پاؤنڈ میں خریدی۔ اب میں جو کُچھ آپ کو بتانے جا رہا ہوں اُس پر زیادہ حیران نہ ہوں، یہ اُن اچھے دنوں کا واقعہ ہے جب انسانی اقدار مادیت پر حاوی ہوا کرتی تھیں،،، لاری خریدنے کے کوئی چار یا چھ مہینے کے بعد مُجھے اُس ایجنٹ سے ایک لیٹر موصول ہوا جس میں درج تھا کہ انگلینڈ بیڈفورڈ کمپنی نہایت ہی شرمندگی کے ساتھ اس بات کا اعتراف کرتی ہے کہ لاری کی پیداواری لاگت اور بیچنے کی قیمت میں حسابی غلطی ہو گئی تھی۔ اصولا ہمیں ۲۳۷۰ پاؤنڈ لینا چاہیئے تھے مگر ہم نے ۲۴۰۰ پاؤنڈ وصول کرلیئے ہیں۔ ساتھ ہی مُجھے کہا گیا تھا کہ میں اُن سے رابطہ کروں تاکہ وہ مُجھے ۳۰ پاؤنڈ لوٹا سکیں۔

ان ۳۰ پاؤنڈ کے ملنے پر مُجھے اس قدر خوشی ہورہی تھی جو اس بناء پر نہیں تھی کہ مُجھےغیر متوقع طور پر ۳۰ پاؤنڈ کی آمدنی ہونے جارہی تھی۔ اور نہ ہی ۳۰ پاؤنڈ میرے لئے کوئی ایسی بڑی رقم تھی جس سے میرے دن پھرنے جارہے تھے۔ مُجھے خوشی اس عالی القدر اخلاق، ا مانت کی اس نادر مثال اور انسانی اقدار کی اس عظیم حفاظت پر ہورہی تھی جس سے برطانوی قوم بہرہ ور تھی۔

جبکہ میں اپنے ہی آس پاس، اپنے ہم مذہب اور ہم جنس کاروباری لوگوں، تاجروں، دُکانداروں اور حتیٰ کہ جن پیشوں سے مُنسلک لوگوں کو عملی اخلاق و کردار اور اعلیٰ معاملات کے نمونہ ہونا چاہیئں اُن کی خیانت، بد دیانتی، غلط ترین معاملہ، بداخلاقی اور کم ظرفی کو دیکھتا ہوں تو غم اور غصہ کے مارے رو پڑتا ہوں۔ سخت رو، درشت اور احساس سے عاری لوگ جو اپنے ہی ہم وطنوں سے امانت و صداقت سے دور رہ کر برتاؤ کرتے ہیں۔ دوسروں کے حقوق غصب کرلینا یا قومی سرمایہ کو باطل طریقوں سے لوٹنا تو بعد کی بعد ہے، عوام الناس کو کس طرح لوٹا جائے کے طریقوں پر اس طرح سوچا اور غور کیا جاتا ہے جس طرح کہ گویا یہی ان کی عاقبت کو سنوارنے والا معاملہ ہو۔ مذہب کی تعلیمات کی تو کُچھ پرواہ ہی نہیں رہی، دونوں ہاتھوں سے پیسہ لوٹنے کو نصب العین بنا لیا گیا ہے۔

جو بات مُجھے غصہ دلا رہی ہے وہ مُجھے ۱۹۷۸ کا وہ یاد آنے والا واقعہ ہے جب میں پہلی بار سیر و تفریح کے لئے لندن گیا۔ اُس وقت لندن جانے کا تصور میرے لئے بہت ہی فرحت بخش اور میرا مقصد وہاں کی ہر تفریح اور سیر و سیاحت والی جگہ سے لطف اندوز ہونا تھا۔ سچ تو یہ ہے کہ میں اس سفر کو اپنے لئے یادگار بنانے کے لئے گیا تھا۔

میں نے لندن میں بادنگٹن کے علاقے میں رہائش رکھی ہوئی تھی۔ آمدورفت کے لئے روزانہ زیر زمین ٹرین استعمال کرتا تھا۔ میں جس سٹیشن سے سوار ہوتا تھا وہاں ایک عمر رسیدہ عورت کے سٹال سے ہوکر گزرنا پڑتا تھا۔ اُس کے سٹال پر ٹھہر کر اُس سے چند باتیں کرنا میرا معمول تھا اور ساتھ ہی میں روزانہ اُس سے ایک چاکلیٹ بھی خرید کر کھایا کرتا تھا جس کی قیمت ۱۸ پنس تھی۔ چاکلیٹ کے یہ بار قیمت کی آویزاں تختی کے ساتھ ایک شیلف پر ترتیب سے رکھے ہوا کرتے تھے۔ گاہک قیمت دیکھ کر اپنی پسند کا خود فیصلہ کرکے خرید لیتے تھے۔

حسب معمول ایک دن وہاں سے گُزرتے ہوئے میں اس عورت کے سٹال پر ٹھہرا اور اپنا پسندیدہ چاکلیٹ بار لینے کے لئے ہاتھ بڑھایا تو یہ دیکھ کر حیران رہ گیا کہ آج وہ چاکلیٹ دو مختلف شیلف میں رکھے ہوئے تھے۔ ایک شیلف میں رکھے ہوئے کی قیمت حسبِ معمول ۱۸ پنس ہی تھی مگر دوسرے شیلف میں رکھے ہوئے کی قیمت ۲۰ پنس لکھی ہوئی تھی۔

میں نے حیرت کے ساتھ اُس عورت سے پوچھا؛ کیا یہ چاکلیٹ مختلف اقسام کی ہیں؟ تو اُس نے مختصرا کہا نہیں بالکل وہی ہیں۔ اچھا تو دونوں کے وزن میں اختلاف ہوگا؟ نہیں دونوں کے وزن ایک بھی جیسے ہیں۔ تو پھر یقینایہ دونوں مختلف فیکٹریوں کے بنے ہوئے ہوں گے؟ نہیں دونوں ایک ہی فیکٹری کے بنے ہوئے ہیں۔

میری حیرت دیدنی تھی اور میں حقیقت جاننا چاہتا تھ، اس لئے میں نے اس بار تفصیل سے سوال کر ڈالا؛ تو پھر کیا وجہ ہے کہ ایک شیلف میں رکھے ہوئے چاکلیٹ کی قیمت ۱۸ پنس ہے جب کہ دوسرے شیلف میں رکھے ہوؤں کی قیمت ۲۰ پنس! ایسا کیوں ہے؟

اس بار اُس عورت نے بھی مُجھے پوری صورت حال بتانے کی غرض سے تفصیلی جواب دیتے ہوئے ہوئے کہا کہ آج کل نائجیریا میں جہاں سے کاکاؤ آتا ہے کُچھ مسائل چل رہے ہیں جس سے وجہ سے چاکلیٹ کی قیمتوں میں ناگہانی طور پر اضافہ ہوگیا ہے۔

میں نے یہاں عورت کی بات کاٹتے ہوئے کہا مادام، آپ سے بیس پنس کی چاکلیٹ کون خریدے گا جبکہ وہی اٹھارہ پنس کی بھی موجود ہے؟ عورت نے کہا؛ میں جانتی ہوں ایسا کوئی بھی نہیں کرے گا۔ مگر جیسے ہی پُرانی قیمت والے چاکلیٹ ختم ہوں گے لوگ خود بخود نئی قیمتوں والے خریدنے لگیں گے۔

اپنی فطرت اور ماحول پروردہ خوبیوں کے ساتھ، روانی میں کہیئے یا اپنی عادتوں سے مجبور، میں نے کہا؛ مادام، آپ دونوں چاکلیٹ ایک ہی خانے میں رکھ کر بیس پنس والی نئی قیمت پر کیوں نہیں بیچ لیتیں؟

میری بات سُننا تھی کہ عورت کے تیور بدلے، چہرے پر موت جیسی پیلاہٹ مگر آنکھوں میں خوف اور غصے کی ملی جُلی کیفیت کے ساتھ لرزتی ہوئی آواز میں مُجھ سے بولی؛ کیا تو چور ہے؟

اب آپ خود ہی سوچ کر بتائیے کیا میں چور ہوں؟ یا وہ عورت جاہل اور پاگل تھی؟ اور شاید عقل و سمجھ سے نا بلد، گھاس چرنے والی حیوان عورت!

اچھا میں مان لیتا ہوں کہ میں چور ہوں تو یہ سب کون ہیں جو غلہ اور اجناس خریدتے ہی اس وجہ سے ہیں کہ کل مہنگی ہونے پر بیچیں گے۔

کس جہنم میں ڈالنے کے لئے پیاز خرید کر رکھے جاتے ہیں جو مہنگے ہونے پر پھر نکال کر بیچتے ہیں۔

اُن لوگوں کیلئے تو میں کوئی ایک حرف بھی نہیں لکھنا چاہتا جن کی چینی گوداموں میں پڑے پڑے ہی مہنگی ہوجاتی ہے۔ نہ ہی مُجھے اُن لوگوں پر کوئی غصہ ہے جو قیمت بڑھاتے وقت تو نہیں دیکھتے کہ پہلی قیمت والا کتنا سٹاک پڑا ہے مگر قیمتیں کم ہونے پر ضرور سوچتے ہیں کہ پہلے مہنگے والا تو ختم کرلیں پھر سستا کریں گے۔

کیا ہمارے تاجر نہیں جانتے کہ مخلوق خدا کو غلہ و اجناس کی ضرورت ہو اور وہ خرید کر اس نیت سے اپنے پاس روک رکھیں کہ جب اور زیادہ گرانی ہوگی تو اسے بیچیں گے یہ احتکار کہلاتا ہے۔ روزِ محشر شفاعت کے طلب گار شافعیِ محشر صلی اللہ علیہ وسلم کا غلہ کے احتکار اور ذخیرہ اندوزی پر کیا فرمان اور کیا وعید ہے کو تو نہیں سُننا چاہتے کیونکہ وہ فی الحال اپنی توندوں اور تجوریوں کو جہنم کی آگ سے بھرنے میں جو لگے ہوئے ہیں۔

مُجھے کسی پر غصہ اور کسی سے کوئی ناراضگی نہیں، میں تو اُس جاہل عورت پر ناراض ہوں جس نے محض میرے مشورے پر مُجھے چور کا خطاب دے دیا۔ اچھا ہے جو وہ برطانیہ میں رہتی تھی، ادھر آتی تو حیرت سے دیکھتی اور سوچتی کہ وہ کس کس کو چور کہے! اور اُسے کیا پتہ کہ جسے بھی وہ چور کہنا چاہے گی وہ چور نہیں بلکہ ہمارے سید، پیر، مخدوم، شیخ، حکام اور ہمارے راہنما ہیں۔

جاہل کہیں کی!

**حیدر** · 03-04-11, 08:22 AM

اقتباس:

ادھر آتی تو حیرت سے دیکھتی اور سوچتی کہ وہ کس کس کو چور کہے! اور اُسے کیا پتہ کہ جسے بھی وہ چور کہنا چاہے گی وہ چور نہیں بلکہ ہمارے سید، پیر، مخدوم، شیخ، حکام اور ہمارے راہنما ہیں

چوروں کے رہنما چور ہی ہوا کرتے ہیں۔ خوب لکھا۔

**عبدالقدوس** · 03-04-11, 09:39 AM

اقتباس:

ادھر آتی تو حیرت سے دیکھتی اور سوچتی کہ وہ کس کس کو چور کہے! اور اُسے کیا پتہ کہ جسے بھی وہ چور کہنا چاہے گی وہ چور نہیں بلکہ ہمارے سید، پیر، مخدوم، شیخ، حکام اور ہمارے راہنما ہیں۔

بات تو سچ ہے مگر بات ہے رسوائی کی

**محمد عاصم** · 03-04-11, 09:41 AM

ایک مسلم معاشرے میں جو اقدار ہونی چاہیں تھیں وہ اب نہیں رہیں اب صرف نام کے مسلمان ملتے ہیں کردار کے مسلم بہت کم ملیں گے۔
اللہ نے قرآن میں حکم دیا ہے کہ دین اسلام میں پورے کے پورے داخل ہو جاؤ مگر ہمارے یہاں کچھ اور ہی معاملہ ہے نماز پڑھی مگر دیانتداری نہ کی، حج کیا مگر جھوٹ بولنا نہ چھوڑا، زکوۃ دی مگر حرام مال کمانا نہ چھوڑا ان عبادات کا تب ہی فائدہ ہوگا جب دین پر مکمل عمل کیا جائے گا۔
اللہ ہی ہم پر رحم فرمائے اور ہمیں سچا مسلم بنائے آمین

**منتظمین** · 03-04-11, 01:27 PM

سرورق کے لیے پیش کریں

**abrarhussain_73** · 05-04-11, 01:04 AM

کیا خوب کہا تھا شاعر نے کہ۔
کہنے کو مسلماں میں بھی ہوں لیکن کہتے شرماتا ہوں

**احسا ن بٹ** · 05-04-11, 12:59 PM

اچھا ہے بہت اچھے
very very good

**محمدمبشرعلی** · 05-04-11, 03:48 PM

یہ مسلمان ہیں جنہیں دیکھ کرشرمائیں یہود

03-04-11, 09:41 AM	#4
محمد عاصم Senior Member تاریخ شمولیت: Feb 2010 مقام: گجرات مراسلات: 1,683 کمائي: 52,639 شکریہ: 5,151 1,536 مراسلہ میں 5,934 بارشکریہ ادا کیا گیا	ایک مسلم معاشرے میں جو اقدار ہونی چاہیں تھیں وہ اب نہیں رہیں اب صرف نام کے مسلمان ملتے ہیں کردار کے مسلم بہت کم ملیں گے۔ اللہ نے قرآن میں حکم دیا ہے کہ دین اسلام میں پورے کے پورے داخل ہو جاؤ مگر ہمارے یہاں کچھ اور ہی معاملہ ہے نماز پڑھی مگر دیانتداری نہ کی، حج کیا مگر جھوٹ بولنا نہ چھوڑا، زکوۃ دی مگر حرام مال کمانا نہ چھوڑا ان عبادات کا تب ہی فائدہ ہوگا جب دین پر مکمل عمل کیا جائے گا۔ اللہ ہی ہم پر رحم فرمائے اور ہمیں سچا مسلم بنائے آمین Share Share this post on Digg Del.icio.us Technorati Twitter Facebook! __________________ یا اللہ پوری اُمتِ محمد علیہ السلام کو قرآن و سنت پر جمع کر دے آمین http://muslim-islamicpoint.blogspot.com

03-04-11, 01:27 PM	#5
منتظمین Administrator تاریخ شمولیت: May 2007 عمر: 36 مراسلات: 11,360 کمائي: 171,653 شکریہ: 9,809 7,525 مراسلہ میں 22,596 بارشکریہ ادا کیا گیا	سرورق کے لیے پیش کریں Share Share this post on Digg Del.icio.us Technorati Twitter Facebook!

05-04-11, 01:04 AM	#6
abrarhussain_73 Member اجنبی تاریخ شمولیت: May 2009 مقام: KPK عمر: 39 مراسلات: 81 کمائي: 1,604 شکریہ: 328 47 مراسلہ میں 111 بارشکریہ ادا کیا گیا	کیا خوب کہا تھا شاعر نے کہ۔ کہنے کو مسلماں میں بھی ہوں لیکن کہتے شرماتا ہوں Share Share this post on Digg Del.icio.us Technorati Twitter Facebook!

05-04-11, 12:59 PM	#7
احسا ن بٹ Junior Member اجنبی تاریخ شمولیت: Apr 2011 مقام: Pakistan مراسلات: 3 کمائي: 193 شکریہ: 0 ایک مراسلہ میں 2 بارشکریہ ادا کیا گیا	اچھا ہے بہت اچھے very very good Share Share this post on Digg Del.icio.us Technorati Twitter Facebook!

05-04-11, 03:48 PM	#8
محمدمبشرعلی Senior Member تاریخ شمولیت: Dec 2007 مقام: اسلام آباد عمر: 23 مراسلات: 1,442 کمائي: 21,476 شکریہ: 2,638 1,002 مراسلہ میں 2,161 بارشکریہ ادا کیا گیا	یہ مسلمان ہیں جنہیں دیکھ کرشرمائیں یہود Share Share this post on Digg Del.icio.us Technorati Twitter Facebook!

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
میں کیا کروں؟	حیدر	Ask Experts ماہرین کی رائے	22	15-05-10 01:53 AM
میں کیا کرُوں؟	حیدر	گپ شپ	53	10-05-10 06:05 PM
کیامیں صحیح ہوں؟	مشال خان	سیاست	1	04-03-09 01:36 AM
کیامیں صحیح ہوں؟	مشال خان	سیاست	3	25-02-09 08:22 PM
میں انسان ہوں؟	خرم شہزاد خرم	گپ شپ	8	02-11-08 07:49 PM