اصل مراسلہ منجانب : سید انجم شاہ

اسلام و علیکم!‌تمام معزز دوستوں کی رہنمائی اور حوصلہ افزائی کا شکریہ،میں سمجھتا ہوں کہ آج میں جس مقام پر ہوں وہ مقام مجھے میری ماں کی دعائوں اور دوستوں کے تعاون سے حاصل ہوا ہے سبنت کے موضوع ہر میں لکھ رہا ہوں اور ابھی یہ تحریر کسی بھی اخبار کو نہیں بیجھی پہلے آپ دوستوں کی نظر کرتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔
بسنت! ایک غیر مزہب ہندوانہ تہوار تحریر شہر اقبال سے سید انجم شاہ

ہر قوم اور ملت کی اپنی شناخت اور پہچان ہوتی ہے مسلمانوں کی بحثیت قوم مذہب ،ثقافت کی صاف ستھری روشن مثالیں موجود ہیں اس میں شائستگی وقار ہے اور یہ اس ثقافت کی تعریف ہے جو فحاشی عریانی بد اخلاقی سے پاک ہے اگر یہ کچھ نہ ہو تو یہ ثقافت نہیں شقاوت ہے ہمارے ہاں جشن بہاراں کی آڑ میں ایک تہوار بنام ثقافت تفریح کے نام سے بسنت منایا جاتا ہے جو اپنی ابتدا سے انتہا تک بےہودہ ،غیر شائستہ،اخلاق سوز ہونے کے علاوہ جان لیوا ہلاکت اور بربادی کو موجب ہے اس کو منانے میں‌رقم کا ضیاع قیمتی جانوں کا تلف ہونا اس تہوار کا خاصہ ہے ایک طبقہ وہ ہے جو بنست مناتے ہوئے چھتوں سے گر کر اپنی جانیں گنواتا ہے جو حرام موت ہے ایک طبقہ وہ ہے جو چھتوں پر بسنت نہیں منا سکتا وہ پارکوں،باغوں، میدانوں،سڑکوں پر بسنت مناتا ہے جس کے نتیجے میں راہ گیروں کی گردنوں پر تیز دھار ڈور پھرنے سے گردنوں کے کٹ جانے کے واقعات رونما ہوتے ہیں اس سے زیادہ غیر مذہبی ہلاکت خیز تہوار کیا ہو گا جو انسان کیع قل وشعور کو کند کر دے اس پر رقم خرچ کر کے جان کو ہلات میں ڈالتا ہے اس سے نہ صرف وہ جان گنواتے ہیں بلکہ قیمتی اعضا سے بھی محروم ہو جاتے ہیں بسنت کے دن ہسپتال والے چوبیس گھنٹے کھولنے کا اعلان کرتے ہیں بسنت منانے والے چھتوں پر مقابلے ،بے ہودہ گالیاں،اونچی آواز میں گانے ،ہوائی فائرنگ کر کے دوسروں کا جینا محال کرتے ہیں یہ سب پروگرام کے تحت ہوتا ہے کیونکہ اس کی تیاری بہت پہلے کی جاتی ہے جو مالی طور پر کمزور ہوتے ہیں وہ پتنگ اور ڈور لوٹنے میں اپنا وقت گزارتے ہیں اور شوق پورا کرتے ہیں ہم اس تہوار کو بڑی سادگی سے موسمی تہوار جشن بہاراں قرار دے دیتے ہیں کیونکہ ہمارے ہاں کسی غیر مذہبی اور مکروہ فعل و عمل کو پذیرائی دینے کےلئے اسکےساتھ جشن کا سابقہ لگا دینا ہماری قومکا شیوہ بن چکا ہے ہلاکت خیزی اخلاق سوزی کے اعتبار سے یہ جشن بہاراں نہیں جشن اغیاراں ہے یہ تمثیلا نہیں بلکہ حقیقت ہے یہ ہماری دشمن قوم ہندوئوں کا محبوب مرغوب مذہبی اور ثقافتی تہوار ہے
ہم اس ملک کے ہیں جن کو ہمارے بزرگوں نے بڑی قربانیاں دے کر حاصل کیا تھا جس کی آزادی کےلئے ہماری کئی مائوں بہنوں نے اپنی عصمتوں لٹائیں کنویں میں چھلانگ لگا کر اپنی عصًت بچائی ہم اس ملک کے باشندے ہیں مگر ہم نے ان کی قربانیوں کا صلہ کیا دیا آج ہم ان کے پسندیدہ کھیل کو اپنے کلچر کا حصہ بنا چکے ہیں ہن نے کہا کہ اے دشمنوں اگرچہ ہم آزاد قوم ہیں پر تم گھبراو مت ہم تمہارے اس مہلک اور جان لیوا تہوار پر آنچ نہیں آںے دیں گے اور جوش و خروش سے منائیں گے تمہاری تہذیب ہماری من پسند ہیں ہم انتہا پسند بنیاد پرست نہیں ہیں ہم بڑے فراخ دل اور وسعت قبول کے مالک ہیں ہمیں مال کی ضیاع قبول ہے ،ہمیں جانوں کا ضیاع بھی قبول ہے !
غور کیجئے اس تہوار کا ہماری ثقافت سے کوئی تعلق نہیں جس میں جان و مال کا ضیاع ہو یہ انسانی عقل وشعور کے بھی منافی ہے علاوہ ازیں قومی املاک کا نقصان ۔ٹریفک کے نظام میں‌خٌلل ،بجلی کی ترسیل میں رکاوٹ اس سے ہوتی ہے اہم پہلو ہماری مذۃبی غیرت کی پرکھ ہے اس مکروہ تہوار کے پس منظر گستاخٰ رسوٌل کا ارتکاب کار فرما ہے جس کی تاریخ گواہ ہے
مورخ سید محمد لطیف اپنی تصنیف تاریخ لاہور 1889صفحہ324میں رقمطراز ہیں
ایک ہندو لڑکے حقیقت رائے نے نبی پاک کی شان میں گستاخی کی اس پر قاضی نے حقیقیت رائے کو سزائے موت سنائی حاکم لاہورکے سامنے پیش کیا گیا تو اس نے فیصٌے کی توسیع کی اور کہا کہ اگر حقیقت رائے توبہ کر کے اسلام قبول کر لے تو سزا معاف ہوسکتی ہے لیکن حقیقت رائے نے انکار کر دیا اورا سے سزا دے دی گئی اس وقت سے ہندو اسے اپنا ہیرو سجمھتے ہیں اور بسنت کا تہوار مناتے ہیں اس کی سمادھی کوٹ خواجہ سعید شمالی لاہور میں ہے اس وقت سے اس کی سمادھی پر میلے کو رواج دے کر جو مکروہ کام شروع کیا گیا تھا اسے منانا کیا مسلمانوں کےلئے جائز ہے کیا یہ توہین رسالت نہیں؟
حالانکہ مسلمانوں کی مذہبی ملی ،قومی غیرت اس بات کی متقاضی ہے کہ اس گستاخی رسول پر مبنی تہوار کو ترک کرکے اس سے عملی نفرت کا مظاہرہ کریں اور اپنے ان اعمالوں پر جتنی بھی توبہ کر سکتے ہیں کریں اے اہل اسلام اب فیصٌہ کرنا ہے کہ اس تہوار کو منا کر ہم کس زمرے مٰں شامل ہوں گے!
دعا کا طالب سید انجم شاہ (صحافی) سیالکوٹ 03645698686 daily_pakistan2001@yahoo.com
(نوٹ) دوستوں مختلف روایات میں بسنت کے حوالے سے بہت کچھ تحریر ہے اور میں نے جس کتاب سے پڑھا ہے اس کا حوالہ تحریر کر دیا ہے واضح رہے کہ ایک رپورٹر ہونے کے ناطے میں بسنت کے دن دیکھتا ہوں کے سیالکوٹ شہر میں کتنی اموات ہوتی ہیں اور کتنے افراد چھتوںسے گر کر زخمی ہوتے ہیں کوشش کریں کہ اپنے دوستوں و عزیز اقاراب کو سمجھائیں کہ اس تہوار کو ختم کریں اور اس کا حصہ نہ بنے