سیپ

السلام علیکم ورحمتہ اللہ و برکاتہ
مرے ہم سفر ، تجھے کیا خبر
یہ جو وقت ہے کسی دھوپ چھاؤں کے کھیل سا
اسے دیکھتے، اسے جھیلتے
مری آنکھ گرد سے اٹ‌گئی
مرے خواب ریت میں‌کھو گئے
مرے ہاتھ برف سے ہوگئے
مرے بے خبر، ترے نام پر
وہ جو پھول کھلتے تھے ہونٹ پر
وہ جو دیپ جلتے تھے بام پر
وہ نہیں‌رہے
وہ نہیں‌رہے کہ جو ایک ربط تھا درمیاں وہ بکھر گیا
وہ ہوا چلی
کسی شام ایسی ہوا چلی
کہ جو برگ تھے سر شاخ جاں ، وہ گرا دیئے
وہ جو حرف درج تھے ریت پر، وہ اڑادیئے
وہ جو راستوں کا یقین تھے
وہ جو منزلوں کے امین تھے
وہ نشان پا بھی مٹادئیے
مرے ہم سفر، ہے وہی سفر
وہ جو ہاتھ بھر کا تھا فاصلہ
کئی موسموں میں بدل گیا
اسے ناپتے، اسے کاٹتے
مرا سارا وقت نکل گیا
تو مرے سفر کا شریک ہے
میں ترے سفر کا شریک ہوں
یہ جو درمیاں سے نکل گیا
اسی فاصلے کے شمار میں
اسی بے یقیں سے غبار میں
اسی رہگزر کے حصار میں
ترا راستہ کوئی اور ہے
مرا راستہ کوئی اور ہے

__________________

مون

اچھی شیرنگ ہے ، شکریہ

فیاض انصاری

بہت عمدہ شئیرنگ۔ شکریہ۔ بہت بہت

Miss Khan

اسی رہگزر کے حصار میں
ترا راستہ کوئی اور ہے
مرا راستہ کوئی اور ہے

بہترین ۔۔۔۔۔۔!

سیپ

السلام علیکم ورحمتہ اللہ و برکاتہ
شکریہ