آئیے
سوچیں
اور اپنی سوچ کو مثبت رُخ دیں
اور عمل کریں
اور مل کر خدا سے دعا مانگیں عاجزی کے ساتھ


خدایا۔۔۔

تُو ہمیں اپنے دشمن کی پہچان عطا کر۔۔۔ آج بھی ۔۔۔ آئندہ بھی۔۔۔

ہمارے پیارے پاکستان کی حفاظت فرما اور ہمیں اس کی سلامتی و بقا کی خاطر اپنی فروعی سوچوں سے نکلنے کا شعور عطا فرما

اتحاد کے معانی و مفہوم کو ہمارے لئے پہلے سے کہیں واضح تر اور روشن تر کردے اور متحد رہنے کی قوت سے دے

ہماری لغزشوں سے درگذر کر کے ہمیں آپس میں اُلجھنے سے بچا لے

ہمیں عمل کی قوت دے

ہمیں مثبت سوچ دے

ہمیں منفی سوچ سے بچا


جس آزادی کو حاصل کرنے میں ہمارے بزرگوں نے اپنا سب کچھ لُٹا دیا تھا ہمیں توفیق دے کہ ہم اس آزادی کو اپنی آئندہ نسلوں تک منتقل کرسکیں

فرقہ واریت اور گروہی تعصب دیمک ہے ہمیں اس سے کھوکھلا نہیں ہونا

مجھے نہیں معلوم اگر آزادی سے بڑی کوئی نعمت ہے یہ آزادی جس ایک نام کی سلامتی میں مضمر ہے اس کا نام ہمارے لئے پاکستان ہے اس نام کا جھنڈا لہرائے رکھنا ہے اگر یہ لہراتا رہے گا تو میں آزاد رہوں گی ، ہم آزاد رہیں گے۔۔۔۔مقید ہوا زہریلی ہوتی ہے مقید ہوا میں سانس نہیں لی جا سکتی۔۔۔ وہ نسلوں کو زہر آلود کر دیتی ہے۔۔۔



مجھے دعا مانگنا نہیں آ رہا۔۔۔ شاید آپ لوگ مجھ سے بہتر دعا مانگ سکیں۔۔۔
مجھ سے بہتر سوچ سکیں۔۔۔
مجھ سے بہتر عمل کر سکیں۔۔۔

اصل مراسلہ منجانب : ابن جلال اللہ پاک ہمیں دین اسلام کی تعلیمات پر صحیح طور سے عمل کرنے کی توفیق دے۔

اصل مراسلہ منجانب : محمدخلیل بہت ہی اچھا لکھا ہے آپ نے پڑھ کے بہت مزا آیا