قصہ چہار درویش

لو یہ کون خوابوں میں آنے لگا ہے
مجھے رازِ ہستی بتانے لگا ہے

اے نا آشنا رمزِ امروز و فردا
تجھے زندگانی سے کیوں ہے یہ شکوہ

ادھر آ تجھے رازِ ہستی بتادوں
تجھے زندگانی کا شیدا بنادوں

تری قلزمِ ہستی آساں طلب ہے
اسی واسطے زندگی جاں بلب ہے

تیرے بحر کی لے سہل آشنا ہے
تڑپنے پھڑکنے سے نا آشنا ہے

تیرا جوہرِ ذات کھویا گیا ہے
تلاشِ مسلسل ہی اس کی دوا ہے

ہے جوہر زمانے میں گر کوئی پیدا
ہے جہدِ مسلسل سے ہی وہ ہویدہ

تیری فکر پر زنگِ سسُتی چڑھا ہے
تیرے رخ پہ غفلت کا پردہ پڑا ہے

اے ناداں تو ہے حاصلِ بزمِ ہستی
کیوں ہے قیدیءِ رنگ و بو تیری ہستی

تیری مستیءِ دل ہے رشکِ ملائک
ہے تو مبتلا عشقِ بزمِ خلائق

تلاش اس کو کر ہے یہ جوہر یگانہ
چلے تو فرشتوں کے شانہ بشانہ

ہو خلوت نشیں مثلِ موسیٰ جہاں سے
ہے تیری اصل کیا تو آیا کہاں سے

بنا کیمیا اپنے شعلے کو شر سے
درندے بھی ہوتے ہیں تادیب ہنر سے

تجھے ہے حذر شورشِ زندگی سے
کسے ہے حذر یورشِ زندگی سے

ہیں ہنگامے تجھ کو اٹھانے کی خاطر
تیرے سوئے جوہر جگانے کی خاطر

تو کل تک تھا نا آشنا درد و غم سے
ہوئے تجھ پہ آساں یہ صبر و حََکم سے

یہ غم ہیں تجھے آزمانے کی خاطر
تجھے خس سے گوہر بنانے کی خاطر

اے ناداں انہیں تو سمجھتا ہے آفت
اسی میں ہے پوشیدہ انساں کی عظمت

اب اٹھ کہ زمانے کے انداز بدلے
تیری سوچ کے زاوئے آج بدلے

ہے عالم تیری سوچ کا ایک پرتو
بنا اپنی دنیا الگ بے خطر تو

ہے تیرا جہاں تیری قوت سے پیدا
کرے سیپ قطرے سے موتی ہویدہ

جھنجھوڑ اپنے ایمان کو اور یقیں کو
نچوڑ اپنے قطرے کو نم دے زمیں کو

تیرے دل کی بنجر زمیں مر نہ جائے
تجھے رسوا زیرِ زمیں کر نہ جائے

تو نا آشنائے حقیقت ہے اپنی
تو با آشنائے حیقیت ہو اپنی

تو زرّہءِ بے مایہ سمجھا ہے خود کو
تو وسعت میں سحرا ہے پہچان خود کو

تیری وسعتِ دل کے گردوں گواہ ہیں
مسخّر مقیّد خدا ماسوا ہیں

مجھے کچھ پیامی نے ایسا پڑھایا
جو خوابوں میں دیکھا تھا سچ کر دکھایا