قصہ چہار درویش

تھا سینہ خزینہ گہر بار اسکا
نظر چرخ پر قلب ہشیار اسکا

بنی دوستی پھر سے انکی مثالی
وہی گہما گہمی وہی ہم خیالی

رہے ایک عرصہ یونہی ساتھ چاروں
تمہی‌ یاد ہوگا یہ اب تک نظاروں

گئیں پھر نہ جائے کہاں ساری باتیں
محبت کی راتیں محبت کی باتیں

بہت سست سیلی سے بدلا زمانہ
گیا دورِ ماضی نیا تھا فسانہ

وہ رعنائیاں سب کہاں کھو گئیں ہیں
وہ خوشیاں نہ جانے کہاں سو گئی ہیں

انہیں کیا کسی کی نظر کھا گئی ہے
کوئی بد بختی کی رت آگئی ہے

نہ وہ یار باشی نہ وہ گوش باشی
اگر ہے کوئی تو ہے خود گوش باشی

کہاں اب وہ محفل میں خو بو رہی ہے
گلوں میں کہاں اب وہ خوشبو رہی ہے

ملن گاہے گاہے تو ہوتا ہے اب بھی
دلوں میں‌مگر کچھ کیا ہوتا ہے اب بھی

بنی تھی جو ان کے ملن کا بہانہ
جماعت ہے خود ڈیرہء شاخسانہ

گیا وقت واپس نہ آیا پلٹ کر
میں راتوں میں یادوں سے رویا لپٹ کر

کبھی دررِ ماضی رلاتا ہے مجھ کو
جھروکوں سے ماضی دکھاتا ہے مجھ کو

مگر ایک بلبل اکیلا چمن میں
فنا جیسے نابود بو ہو سمن میں

اکیلا ہی فطرت سے گرمِ نوا ہے
یہی اس کے مرضِ کہن کی دوا ہے

کہ فطرت نے بخشا ہے وہ ساز اسکو
ہو فطرت کی رعنائی مضراب جسکو

سنو گے کیا تم ہم سے قصہ ہمارا
نہ تھا زندگانی میں حصہ ہمارا

گیا خشک سالی کا پچھلا زمانہ
نیا رشک سالی کا آیا زمانہ

گیا دورِ خوابِ گراں کا زمانہ
کہ ہے بزمِ ہستی کا سر عاشقانہ

درختوں پہ گل مسکرانے لگے ہیں
چمن میں سمن کھلکھلانے گلے ہیں

شفق سے دھنک مل کے ہنسنے لگی ہے
کہ ظلمت میں ضو آکے بسنے لگی ہے

وہ گلشن جو ویرانیوں کا نشاں تھا
فلک دیکھ کو جس کو گِریہ کناں‌ تھا

شجر داستانِ کہن کہ رہے تھے
تھا گوشہء جنت نشاں کہ رہے تھے

پرندے وہاں آنے جانے لگے ہیں
بہاروں کے سر گنکنانے لگے ہیں