سیپ

میرے دوست ، میرے بہت ہی پیارے دوست ،

آ کہ تیرے کاندھے پر سر رکھ کر اپنے آنسووں کو آسرا دوں ،

آ کہ مجھے آج پھر تمہارے ہی دلاسوں کی ضرورت آن پڑی ہے ، آ ،،،ایک بار پھر

میرے نالوں کی آہ فغاں کو سن ، آ کہ مجھے آج تجھے پاس پانے کے احساس نے

پاگل کیا ہے ، آ ،،، کہ میں آج پھر سے ہاری ہوں ، آ کہ ۔۔میری ہار کی داستاں کو صرف

اور صرف تو ہی سمجھ سکتا ہے ، آ ۔۔۔کہ تجھ سا سمجھنے والا اور کوئی نہیں ۔

آ میرے دوست ، میرے ساجھی ،،،، میرے آنسو پونچھ ، میرے ٹوٹے ہوئے دل پر

صبر کے پھاہے رکھ ،،، آ میرے دکھ کو زبان سے ۔

آ میری غلطیوں کی تو بھی فہرست بتا ۔۔۔ آ میرے دوست مجھے آیئنہ دکھا ۔۔۔

خود میں اپنے عکس سے خائف ہوں ، یہ اپنی پرچھایئں مجھے طعنے دیتی ہے ،

مجھ پر انگلیا ں اٹھاتی ہے ، آ ،،میرے عکس کے طعنوں کا فیصلہ کر ، مجھے

غلط اورصحیح کی پہچان بتا ۔۔۔۔ آ ۔۔۔۔ آ میری الجھن سلجھا ۔


۔۔۔۔


مجھے بتا ۔۔۔۔ کہ میں کتنی خراب ہوں ، کتنی خود غرض اور کتنی نا سمجھ ۔۔۔۔

آ مجھے میرا اپنا آپ دکھا ۔۔۔۔کہ مجھے صرف تجھ پر ہی اعتبار ہے ، صرف

تیرے بتانے سے ہی مجھے سمجھ آئے گی ۔۔۔صرف تیرے آنے سے ہی میں اپنی

ذات کو پہچانوں گی ۔

۔۔۔۔۔ہاں ۔۔۔اگر تو نے بھی وہی کہ دیا جو دنیا کہتی ہے تو پھر میرا کیا

ہو گا ؟؟؟ میں کس در جاءوں گی ؟ کس کا آسرا ڈھونڈوں گی ؟ دکھ سے

جی پاوں گی بھی کہ نہیں؟

مگر ۔۔۔ میرے دوست ،

مجھے یقین ہے ، تو میرا حال مجھ سے بھی بہتر جانتا ہے ، تو کبھی غلط

نہیں کہے گا ۔۔۔ تیرے فیصلے کو میں نہ بھی مانوں تو ۔۔۔پھر بھی تو ماننا

سکھا دے گا ۔۔۔

مجھے یقین ہے ، بھلے ہی تو بھی مجھے غلط کہ دے ۔۔۔ بھلے ہی تو بھی مجھ سے

خفا ہو ۔۔۔ بھلے ہی تم مجھے کوئی سزا بھی سنا دو ۔۔۔ مگر پتہ ہے مجھے یقین ہے

۔۔۔۔۔۔۔۔۔۔تو مجھے کبھی بے آسرا نہیں چھوڑے گا ۔کسی بھی فیصلے کی صورت

تو میرے ساتھ رہے گا ۔میرے آنسووں کو ہمیشہ سمیٹے گا ۔میری خوشیوں کا

ہمیشہ سامان کرے گا ۔۔۔ دنیا میرے منہ پر خاک بھی مل دے تو مجھے چاہنا

نہیں چھوڑے گا ۔۔۔ میری غلطیوں کو ہمیشہ معاف کر دے گا ۔۔۔

کہ تیری دوستی ، میری اس حقیر ذات سے بھی عظیم تر ہے ۔کہ ایک صرف یہی

گمان تو میرا سرمایہ حیات ہے ۔ دیکھ ۔۔۔۔۔۔۔۔۔۔

مجھ سے میرا یہ گمان کبھی نہ چھیننا ۔۔۔۔ مجھے اسی خوش فہمی میں

زندہ رہنے دینا ۔۔۔۔ مجھے صرف اسی دولت سے مالا مال رکھنا ۔۔۔کہ تیرے

پاس ہونے کا احساس ہی تو زندگی ہے ۔میرے دوست ۔۔۔

مجھ سے خفا ہو جانا ۔۔۔ میں کوشش کر کے منا لوں گی ۔۔۔مگر کبھی

بھی مجھے بے آسرا نا چھوڑنا ۔۔۔ اور مجھے یقین ہے ، میرا کہنا تو بس

دل کا دلاسہ ہے ،اور تو نے تو مجھے کبھی نہیں چھوڑنا ۔۔۔ کبھی بھی نہیں ۔

۔۔۔۔۔ہاں ۔۔۔ مجھے تیری دوستی پر یقین ہے ۔۔۔ بہت یقین۔

__________________

ابن جلال

بہت خوب۔۔۔۔۔۔۔۔۔۔۔۔۔۔۔۔۔
اچھا سلسلہ ہے ۔ جاری رکھے۔

محمدعدنان

ثوبیہ آپی بہت خوب
اچھا سلسلہ شروع کیا ہے

wajee

ہاں جی دوست پر ہی بھروسہ ہونا چاہے اچھا لکھا ٹائپ کیا ہے

ابن جلال

نہیں پائپ کیا ہے ۔
۔۔۔۔۔۔۔۔۔۔۔

محمدخلیل

بہت ہی اچھا لکھا ہے آپ نے پڑھ کے بہت مزا آیا