سیپ

۔۔۔۔ کبھی ایسا ہوتا ہے ، کہ آپ سے بات کرنے والا کوئی نہیں ہوتا ، اور کبھی ایسا

بھی ہوتا ہے کہ لوگ تو بہت ہوتے ہیں ، لیکن بات ہی نہیں ہوتی۔۔۔۔

آج کے دور میں کسی کے پاس اتنا وقت کہاں کی کسی کے دل کا حال جان سکیں ، اور اگر

کوئی وقت نکال کے آ بھی گیا تو اپنا ہی دکھ رونے ۔ ۔۔

ایسے میں کمپیوٹر ایسی ایجاد ہے کہ ، کم از کم ، کوئی سنے نہ سنے ، دکھ رقم کرنے کا

بہانہ تو مل جاتا ہے ، آنسو بہانے کو کندھا تو نہیں لیکن ، غم غلط کرنے کا ذریعہ تو

مل جاتا ہے ۔

آج ایسے ہی سر چ میں “ بلا گ “ لفظ ٹائپ کیا تو ، لوگوں کے دکھوں کی داستانیں کھلتی

چلی گئیں ۔ کسی کے دکھ بڑے تھے ، کسی کے چھوٹے ، اور کسی کے دکھ تو دکھ بھی نہیں تھے ،

بس ، دکھ نما تھے ، اور کسی کے دکھ توبظاہر خوشی تھے ، میں سوچنے لگی کہ ، لگتا ہے اب ہم

دکھ اور خوشی کی پہچان بھی کھونے کو ہیں ۔ ۔۔

ہمارا دور بھی عجیب دور ہے ، بس سب کچھ کھو دینے کا دور ،،، کیا پہچان ، تو کیا

اخلاق ۔ تو کیا تہذ ہب اور نہ جانے کیا کیا ۔۔۔۔ اتنا کچھ کھو کے باقی ہمارے دامن میں رہے

گا ۔۔۔۔۔۔۔۔۔۔۔۔۔۔ کیا آخر؟ ۔۔۔۔ بس کوئی نہ کوئی “ دکھ“ ۔۔۔۔۔یہ سوچتے ہی آج کا دکھ

ر قم کرنے لگی ہوں ۔

ہر طرف بھیڑ ہے ، لیکن تنہائی ہے کہ جاتی نہیں ۔۔۔۔۔ ہر طرف خوشحالی ہے ، لیکن بھوک

ہے کہ جاتی نہیں ۔۔۔۔۔ہر طرف دوا ہے ، لیکن بیماری ہے کہ جاتی نہیں ۔۔۔۔ ہر طرف خوشی

کے بہانے ہیں ، اور دکھ ہیں کہ کم نہیں ہوتے ۔۔۔۔فاصلے سمٹتے جا رہے ہیں لیکن آپس کی

نفرت بڑھتی جا رہی ہے ،۔۔۔۔ امن کے نعرے بلند ہو رہے ہیں اور جنگ ہے کہ پھیلتی جا

رہی ہے ۔۔۔۔سب کچھ الٹا کیوں ہو رہا ہے ؟؟؟

دنیا الٹی چلنے لگی ہے یہ میں ہی سر کے بل چل رہی ہوں ؟؟؟

یہ کیسا دکھ ہے کہ ۔ اس کا کوئی سرا ہی نہیں مل رہا ؟؟؟

اور ہر کوئی ایک ہی دکھ رقم کر رہا ہے لیکن مفہوم کسی کو سمجھ نہیں آرہا ۔۔۔۔۔

یہ کیا ہے فضا میں کہ ۔۔۔۔ سب اپنی ہوش بھی اب “ کھونے “ لگے ؟؟؟

سب کچھ کھو دینے کے بعد ، اب کیا کھونے کا ڈر ہے ، جو کسی طور جاتا ہی نہیں ؟؟؟

__________________

ابن جلال

آپ کی ڈائری میں مجھے سب سے زیادہ یہ تحریر پسند آئی ۔

محمدخلیل

بہت ہی اچھا لکھا ہے آپ نے پڑھ کے بہت مزا آیا

عروج

صحیح کہا ثوبیہ۔کبھی کبھی دکھ کی پہچان ھی نہیں ھو پاتی ۔ جب دوسرے کا دکھ سنیں تو احساس ھوتا ھے کہ دکھ دراصل یہ ھوتا ھے۔