کوئی موسم تو ایسا ہو
کہ جب بچھڑے ہووٴں کی یاد کے جگنو
چمک کھو دیں
کسی کے ہجر میں رونے سے پہلے ہی مری آنکھیں
کبھی سودیں
کوئی موسم تو ایسا ہو
کہ جب سب پھول الفت کے
کسی انمٹ محبت کے
مرے دل میں کھلیں، پر ان میں وہ خوشبو نہ ہو باقی
وہ خوشبو جو تمہارے قرب سے محسوس ہوتی تھی
کوئی موسم تو ایسا ہو
کہ دل کے زخم بھر جائیں
اگر ایسا نہیں ہوتا تو پھر
یہ کتنا اچھا ہو
کہ ساری خواہشیں دل کی
وہ سارے خواب اور ارماں
یونہی گھٹ گھٹ کر مر جائیں
مجھے آزاد کر جائیں
کوئی موسم تو ایسا ہو
کہ جو موسم،
تمہاری یاد کا موسم نہ ہوں جاناں