خرم شہزاد خرم

آگے جمالِ یار کے معذور ہوگیا
گُل اک چمن میں دیدۂ بے نور ہوگیا

اک چشمِ منتطر ہے کہ دیکھے ہے کب سے راہ
جوں زخم تیری دوری میں ناسور ہوگیا

پہنچا قریبِ مرگ کے وہ صیدِ ناقبول
جو تیری صید گاہ سے ٹک دور ہوگیا

اُس ماہِ‌ چاردہ کا چھپے عشق کیوں کہ آہ
اب تو تمام شہر میں‌ مشہور ہوگیا

شاید کسو کے دل کو لگی اُس گلی میں چوٹ
میری بغل میں شیشۂ دل چور ہوگیا

دیکھا جو میں نے یار کو وہ میرؔ ہی نہیں
تیرے غمِ فراق میں‌ رنجور ہوگیا

__________________

محمدعدنان

بہت اچھی شاعری ہے جناب
شکریہ شئیر کرنے کا