Zullu230

السلام علیکم دوستو! میں نے کل آپ سے وعدہ کیا تھا کہ میر تقی میر کی ایک شاہکار غزل آ پ کے سامنے پیش کروں گا۔ کافی تلاش کے بعد مجھے غزل مل گئی اور بغیر وقت ضائع کئے آپ کی خدمت میں پیش کر رہا ہوں۔ اس غزل کا ایک ایک شعر پڑھنے کے بعد یوں محسوس ہوتا ہے جیسے یہ ہر کسی کے دل کی آواز ہے۔ میر تقی میر کی غزل گوئی کا یہی کمال تھا کہ وہ سادہ زبان میں اور چھوٹی چھوٹی بحروں میں بہت بڑا مضمون اور دل میں اُتر جانے والے اشعار کہہ دیتے تھے ۔ ۔ ۔یہ اشعارتقریبا تین صدیاں گزر جانے کے باوجود آج بھی زبان زدِ خاص و عام ہیں۔ غزل ملاحظہ فرمائیے اور لطف اٹھائیے۔۔۔۔۔

غزل

ہستی اپنی حباب کی سی ہے
یہ نمائش سراب کی سی ہے
نازکی اُس کے لب کی کیا کہئیے
پنکھڑی اِک گلاب کی سی ہے
بار بار اُس کے در پہ جاتا ہوں
حالت اب اضطراب کی سی ہے
میں جو بولا، کہا کہ یہ آواز
اُسی خانہ خراب کی سی ہے
میر اُن نیم باز آنکھوں میں
ساری مستی شراب کی سی ہے
شاعر: میر تقی میر

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

ثو بےہ شاہ

بہت خوب؛؛؛؛؛؛؛!

منتظمین

جناب ذولفقار صاحب کیا زبردست غزل ہے ۔۔

بہت خوب۔

محمدعدنان

واہ کیا بات ہے جناب

Zullu230

بھائی ثوبے شاہ بہت شکریہ!

زبیر

اچھی غزل ہے