منتظمین

کافی دن پہلے کی بات ہے۔ میں حرم شریف میں عمرے کے لیے گیا۔ یہی کوئی دوپہر کا ٹائم ہوگا۔ میں خانہ کعبہ کا طواف کر رہا تھا۔ کہ اتنے میں ایک شخص نے مجھے روک لیا۔ میں نے مڑ کر دیکھا تو وہ کوئی پاکستانی ہی تھا۔ کیونکہ اس نے شلوار قمیض پہن رکھی تھی اور صاف اردو بول رہا تھا۔ سلام کے بعد کہنے لگا کہ آپ کہا سے ہو- میں نے کہا کہ میں پاکستان سے ہوں تو کہنے لگا کہ میں بھی پاکستان سے ہوں اور اپنی فیملی کے ساتھ عمرے کے لیے آیا ہوا ہوں۔ وہ دیکھنے میں کافی اچھا اور پڑھا لکھا لگ رہا تھا۔ میں نے کہا کہ جی فرمائیں میں کیا کر سکتا ہوں تو کہنے لگا کہ میرا تمام سامان، پیسے اور ضروری کاغذات چوری ہو گے ہیں اور میری ساتھ میری فیملی بھی ہے۔ تو ہو سکے تو میری کچھ مدد کر دیں۔
میں نے اس سے کہا کہ آپ نے پولیس میں رپورٹ کی ہے تو وہ کچھ پریشان سے ہو گیا۔ اتنی دیر میں ایک سپاہی ہم سے کچھ فاصلے پر کھڑا تھا میں نے اس کی طرف دیکھا تو وہ لڑکا ایک دم سے گھبرا گیا تو میں فورا سجھ گیا کہ یہ حضرت پاکستان سے آئے ہی اس کام کے لیے ہیں۔ میں نے اس کو کچھ پیسے دے اور آگے چل دیا۔۔۔۔۔۔۔۔

__________________
تم سپاہی نہیں ہو پیشہ ور قاتلو!

خرم شہزاد خرم

اچھا جی وہاں بھی ایسا ہوتا ہے کیا

پاکستانی

محمدعدنان

بہت شرم کی بات ہے

زبیر

کافی شرمناک بات ہے کہ پاکستانی اللہ کے گھرمیں بھی باز نہیں آتے

بلال عباسی

اسلام علیکم۔

جناب بلکل اس جیسا واقعہ میرے ساتھ بھی پیش آچکا ہے اور بہت سے پاکستانی حضرات اس معاملے میں پیش پیش ہیں۔ ہم کو چاہیے کہ ان کی حوصلہ افزائی کرنے کی بجائے فورا قانوں نافظ کرنے والے اداروں کے حوالے کر دیا جائے۔ ایسے لوگوں کی وجہ سے وہ تمام لوگ مفت میں مارےجاتے ہیں جن کے ساتھ حقیقت میں ایسا ہوا ہوتا ہے۔ لیکن افسوس اس بات کا کہ یہ لوگ یہ نہیں سمجھتے کہ ایک دن انھوں نے اس رب کے سامنے حاظر ہونا ہے جسکے پاک گھر میں وہ فراڈ کرتے ہیں۔

اللہ ہم سب کو راہِ ہدایت دے۔

آمین۔

رضی الدین رضی

ایسے لوگ ہی ملک کی بدنامی کا باعث ہیں

ایم اے راجا

میں نے ایسے کافی واقعات پڑھے اور سنے ہیں بہت شرمندگی کا باعث بنتے ہیں ایسے لوگ ملک اور قوم کے لیئے ہمیں ایسے واقعات کی حوصلہ شکنی کرنی چاہیے۔

shafresha

یہ ایک طاقتور مافیا کا حصہ ہیں اور خلیجی مملک میں کافی تعداد میں ہیں۔

ھارون اعظم

اس طرح کے واقعات سے اصل محتاج بندے کی پہچان مشکل ہوجاتی ہے۔

گلاب خان

تقریبآ ہر شخص کو ایسے کسی تجربہ سے واسطہ پڑا ہوگا۔ یہ اپنے ملک کی بات ہے کہ میں ایک روز رات کے وقت سڑک سے گزر رہا تھا کہ ایک سوزوکی مہران میرے قریب رُک گئی، جوان آدمی گاڑی کی ڈرائیونگ سیٹ پر تھا اس کے ساتھ فرنٹ سیٹ پر ایک خاتون بیٹھی تھی، اس شخص نے آواز دی، میں پاس چلا گیا کہ شاید کسی جگہ کا پتہ معلوم کرنا چاہتا ہے۔ اگر میں بھول نہیں رہا تو کہنے لگا کہ "گوجرانوالہ سے مری گئے تھے کہ رقم وغیرہ گم ہوگئی ہے واپس جانے کے لئے گاڑی میں گیس ڈلوانے کے لئے روپے نہیں ہیں"۔ مجھے بہت عجیب لگا معلوم نہیں ٹھیک کہہ رہا تھا یا غلط اللہ ہی جانتا ہے۔

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

کنعان

السلام علیکم و رحمۃ اللہ و برکاتہ

مبارک ہو بھائی آپ حرم شریف کی آپ کو زیارت نصیب ہوئی شکر الحمد اللہ

والسلام

__________________

کنعان

السلام علیکم و رحمۃ اللہ و برکاتہ

کعبۃاللہ اور مسجد نبوی شریف حج یا عمرہ کی سعادت جب نصیب ہوتی ھے تو پھر اس کے ساتھ وہاں پر کچھ انسیڈنٹ بھی ہوتے ہیں میں ان کو مثبت انداز میں پیش کرنے کی کوشش کروں گا۔

تین قسم کے حادثات ہوتے ہیں جن میں سے ایک کا ذکر میں‌ نہیں کروں گا جس سے ہماری پوری فیملی گزری تھی کیونکہ ادب اور تعظیم کا مقام ھے اور یہ بھی امتحان کی ایک قسم ھے اس لئے اس میں خاموش رہنا ہی اچھا ھے۔

باقی دو میں سے ایک قسم یہ ھے کہ وہاں پر کچھ لوگ فیملی کے ساتھ ایک بجٹ کے تحت حج یا عمرہ کے لئے جاتے ہیں تو جو ان کو بجت پاکستان میں بتایا جاتا ھے وہ ان کے وہاں پہنچنے تک بدل چکا ہوتا ھے، یا کچھ ایسی ضروریات وہاں پر پڑ جاتی ہیں کہ ان کا بجٹ ڈیمج ہو جاتا ھے۔ جس سے وہ وہاں پر مجبور ہو جاتے ہیں مانگنے پر مگر ان کے پاس ایک ہی آپشن ہوتا ھے ہمارا سامان یا بیگ وغیرہ گم ہو گیا ھے یا کسی نے اٹھا لیا ھے جس میں ہمارے پیسے تھے۔ فرق صرف سمجھنے کا ھے ان کے ساتھ ایسا بجٹ ایرر کی وجہ سے ہوتا ھے۔
اسی میں ایک قسم ھے جو لوگ اکیلے حج و عمرہ کرنے گئے ہوتے ہیں۔ ان کا بجٹ یہ ہوتا ھے کہ بے چاروں کے پاس ہوٹل میں رہنے کے بھی پیسے نہیں ہوتے اور وہ وہیں اپنے چھوٹے چھوٹے بیگ لٹکا دیتے ہیں اور ادھر ادھر جہاں بھی جگہ ملتی ھے وہیں‌ سو جاتے ہیں اور وہاں کی بلدیہ جہاں پر بیگ لٹکے ہوئے دیکھتی ھے وہ کاٹ کر لے جاتی ھے اور گمشدہ میں جمع کروا دیتی ھے۔ سب سے سخت ترین رویہ ان کے ساتھ ہوتا ھے۔

تیسری قسم ان کی ھے جو فیملیاں خانہ کعبہ اور مدینہ شریف میں قیام پذیر ہیں۔ ان میں سے بہت سے پاکستانی جنہوں کی تنخواہیں بہت کم ہیں اور انہوں نے اپنی فیملیاں وہاں اپنے ساتھ رکھی ہوئی ہیں یہ میاں بیویاں بچوں سمیت شام کو وہیں پہنچ جاتے ہیں، پھر یہ مرد حضرات مردوں سے اور ان کی عورتیں بھی اتنی ایکسپرٹ ہوتی ہیں کہ وہ بچے اپنے ساتھ رکھتی ہیں اور اتنی عجیب قسم کی سٹوریاں یہ سب سناتے ہیں اور ساتھ میں روتے بھی ہیں اور لوگوں سے پیسے بٹورتے ہیں۔ یہ فیملیاں وہاں پر پروفیشنل ہیں یہ فیملیاں کسی بھی قسم کی رعایت کے مستحق نہیں ھیں۔

اور ایک بات کا خیال رہے کہ یہ کام صرف پاکستانی ہی نہیں کرتے، میں نے اس پر بہت سروئے کیا تھا ہر ملک کا بندہ یہی کہتا ھے کہ ان کے ساتھ بھی ایسا ہی ہوتا ھے مگر ہم سمجھتے تھے کہ ہمارے ملک کے لوگ ہی اس طرح کرتے ہیں مگر ایسا نہیں ہر ملک کے لوگ اس میں شامل ہیں مگر اپنے اپنے ملک کے بندوں سے ہی مانگتے ہیں۔

اللہ تعالی سب کے حال پر رحم فرمائے اور سب کی دلی مرادیں پوری کرے آمین

والسلام