خرم شہزاد خرم

سحر سے کچھ پہلے
کتنا عجیب وقت ہوتا ہے “سحر سے کچھ پہلے” نا روشنی ہوتی ہے نا اندھرا لیکن اس وقت کے شروع ہوتے ہی روشنی اور اندھرے کا فیصلہ ہوتا ہے۔ اندھرا اپنی کالی چاد اوڑے ہوئے کسی دوسرے دیس کی تیاری کرتا ہے تو روشنی اس کی جگہ لینے کو تیار کھڑی ہوتی ہے۔ سورچ اپنی پرواز کے لیے پر تول رہا ہوتا ہے، تو چاند تھک ہار کے اپنی نئی منزل کی طرف رحتِ سفر بھاند لیتا ہے۔ جہاں پرندوں کو نئی زندگی ملتی ہے وہی پر تاروں کی موت بھی ہوتی ہے۔ ہاں سحر سے کچھ پہلے، ہاں کچھ پہلے ہی یہ سب کچھ پل اور لمحوں میں ہوجاتا ہے ایک روشن تروتازہ صبح کا وجود میں آنا اور ایک تاریک گنی رات کا کوچ کرجانا، ظاہر ہے کچھ پانے کے لیے کچھ کھونا تو پڑتا ہے ایسا تو ممکن نہیں ہم سب کچھ پا لیں لیکن کچھ کھونا نا پڑے۔ جہاں صبح آتی ہے وہاں رات جاتی ہے، جہاں اچھے دن ہوتے ہیں وہاں بُرے دن بھی ہوتے ہیں، جہاں اچھے لوگ ہوتے ہیں وہاں بُرے لوگ بھی ہوتے ہیں جہاں کام کرنے والے ہوتے ہیں، وہاں صرف باتیں کرنے والے بھی ہوتے ہیں، اور اس وقت ہم سب یہی کام کرتے ہیں حاصل کرنا چاہتے ہیں کھونا نہیں‌چاہتے کامیاب ہونا چاہتے ہیں محنت کرنا نہیں چاہتے، باتیں کرتے ہیں عمل نہیں‌کرتے، تقریریں کرتے ہیں مدد نہیں کرتے، آخر کچھ تو کرنا ہوگا اپنے لیے، اپنی قوم کے لیے، اپنے ملکِ پاکستان کے لیے۔ قطرے جمع کرنے پڑتے ہیں سمندر بنانے کےلیے۔ تنکے جمع کرنے پڑتے ہیں گھر بنانے کے لیے۔ تو کیوں نا ہم بھی اپنی سحر کے سحر سے کچھ پہلے ہی انتظامات کر لیں، تاروں کی موت کے ساتھ اپنی سستی کو بھی مار دیں اور پرندوں کی زندگی کے ساتھ ایک نیا ارادہ لے کر منزل کی تلاش کو نکل پڑے، دوسروں پر تنقید اور دوسرے پر الزام لگانے کو چھوڑ دیں اور اپنے حصے کا کام کریں بلکے اپنے حصے کا کام ختم کر کے دوسروں کی مدد کریں، اگر ہم ایسا کرنا شروع کر دیں تو انشاءاللہ وہ دن دور نہیں جب ہم بھی سحر سے پہلے ایک روشن صبح کا انتظار نہیں بلکے ایک روشن صبح ہمارا انتظار کر رہی ہو لیکن اس کے لیے اپنے حصے کا کام ضروری ہے

خرم ابن شبیر

__________________

منتظمین

سرورق کے لیے اپلائی کریں۔