خرم شہزاد خرم

سلیما پوڈری (سلیم پوڈری)


“بیٹا تم میرے پاس نا بیٹھا کرو لوگ مجھے غلط سمجھتے ہیں وہ سمھتے ہیں میں ان کے بچوں کو خراب کرتا ہوں اس لیے بہتر ہے بیٹا تم میرے پاس نا بیٹھا کرو”

“چچا سلیم میں آج آپ سے آپ کے بارے میں پوچھنا چاہتا ہوں”

“نہیں بیٹا ابھی تم جاؤ تم کو کسی نے دیکھ لیا تو وہ مجھے ماریں گے اور تم تو جانتے ہو میں مار برداشت نہیں کرستا ہوں”

” اچھا چچا میں چلتا ہوں کل آپ سے ضرور پوچھوں گا”

“ہاں بیٹا ٹھیک ہے اب تم جاؤ”

کسی زمانے میں سلیم بہت خوبصورت جوان ہوا کرتا تھا ہر کسی کی مدد کرتا اور ہر کسی کے کام آتا علاقے میں اس جیسا خوبصورت جوان کوئی نہیں تھا۔ گندمی لیکن رنگ، گول چہرہ اور اس پر کالی کالی اور موٹی موٹی آنکھیں، ہلکے سنہری بال، ہلکی ہلکی مونچھیں کاٹن کی قمیض شلوار اور ذری کی چپل پہنے رکھتا تھا۔

کچھ عرصہ پہلے ہی اس کی منگنی ہوئی تھی جتنا خوبصورت خود تھا اتنی ہی خوبصورت اور نیک منگیتر ملی تھی اس کوکسی چیز کی کمی نہیں گھر باہر میں عزت بہت خوشگوار زندگی گزر رہی تھی۔ لیکن جانانے سلیم کو کس کی نظر لگ گی اور وہ نجانے کون تھے جنوں نے سلیم کو پوڈر جیسی لعنت پر لگا دیا۔ یہ لعنت سلیم کے ایسے گلے پڑی کے اس کے بڑے بھائی نے اس کو گھر سے باہر نکال دیا۔ جتنا لوگ اس سے محبت کرتے تھے اب اتنا ی نفرت کرنے لگے کوئی بھی سلیم کو اپنے گھر نا آنے دیتا اور اپنے بچوں کو بھی سلیم سے دور رکھتے۔ سلیم کی حالت دیکھی نا جاتی تھی۔ کبھی کسی گلی میں اور کبھی کسی میدان میں پڑا ہوتا کوئی پوچھنے والا نا ہوتا۔

میں نے بہت دفعہ کوشش کی چچا سلیم سے پوچھنے کی کے وہ سلیم سے سلیما پوڈری کیسے بنا۔

لیکن وہ مجھے اپنے پاس بیٹھنے ہی نہیں دیتے تھے۔

” بیٹا اچھوں کے پاس بیٹھو گے تو اچھے کام سیکھو گے اور غلط لوگوں کے پاس بیٹھو گے تو غلط کام سیکھو گے۔ مجھے سب غلط کہتے ہیں تم میرے پاس نا بیٹھا کرو جاؤ گھر چلے جاؤ”

مجھے اب بھی چچا سلیم کی باتیں یاد آتی ہیں تو ایک اداسی سی چھا جاتی ہے۔ ایک دفعہ مجھے میری امی کسی کام کے لیے بلا رہی تھیں لیکن میں کھیل رہا تھا اور امی کو کہتا آپ جائیں میں کھیل کر آتا ہوں یہ سب چچا سلیم نے کہیں سے دیکھ لیا تو اگلے دن کہنے لگے۔

” بیٹا ماں کے قدموں تلے جنت ہوتی ہے دیکھو نا میں نے اپنی ماں کی عزت نہیں کی تو مجھے دنیا میں ہی دوزخ مل گی ہے ماں کا خیال رکھا کرو اور ماں کی بات سنا کرو ورنہ میرے جیسا حال ہو گا اور میں نہیں چاہتا کہ کسی بھی ماں کا لال میری طرح ہو”۔

سلیم چچا کی ماں ہر وقت ان لوگوں کو بدعا دیتی جنوں نے سلیم کو اس لعنت کی عادت ڈالی تھی سلیم کی منگیتر ہر روز چھت پر جا کر چھپ چھپ کر سلیم کو دیکھتی اور روتی رہتی میں ان دنوں میٹرک میں پڑھتا تھا جب چچا سلیم کی حالت بہت خراب ہوگئی کسی نے آ کر ان کے بڑے بھائی کو بتایا پہلے تو بڑۓ بھائی نے کچھ نا کیا لیکن پھر بھائ کا کچھ خیال آ گیا اور اس کی طرف بھاگے اس سے پہلے ہی علاقے والوں نے ان کو ہسپتال پہنچا دیا تھا۔ چچا سلیم ہمارے ساتھ والے گھر میں رہتے تھے۔ چچا سلیم کی اس حالت کی وجہ سے کسی نے بھی ان کی طرف توجہ نا دی اور الٹا ان سے نفرت کرنے لگے جس کی وجہ سے چچا سلیم گھر میں نہیں آتے تھے بلکے ان کا بڑا بھائی ان کو گھر داخل ہی نہیں ہونے دیتا تھا۔ آج جب ان کی حالت بہت خراب ہوئی تو انکا بھائی بھی ہسپتال کی طرف بھاگا لیکن پتہ چلا کے وہ ہسپتال پہنچنے سے پہلے ہی فوت ہو چکے تھے۔ میں اس وقت تو اس بارے میں کچھ سوچ نا سکا لیکن آج مجھے کچھ کچھ سمجھ آ رہی ہے کہ جو بُرے لوگے نظر آتے ہیں وہ اصل میں بُرے نہیں ہوتے بلکے ان کو بُرا بنانے میں ہماراہاتھ ہوتا ہے۔ میری اکثر چچا سلیم سے بات ہوتی تھی وہ مجھے ہمیشہ نصحت ہی کرتے تھے حالانکہ میرا ان سے کوئی خون کا رشتہ نہیں تھا لیکن وہ مجھے اس طرح بیٹا کہتے تھے جیسے کے میں ان کا سگا بیٹا ہوں۔ میں سوچتا ہوں ہم یہ تو سوچتے ہیں۔ کہ وہ پوڈری بن گیا ہے، وہ چور بن گیا ہے، وہ ڈاکو بن گیا ہے، وہ بُرا انسان بن گیا ہے لیکن ہم یہ نہیں سوچتے کہ ان کو اس حال میں لانے والا کون ہے کیا وجہ ہوئی جو وہ اس حالت کو پہنچے چور کی کیا مجبوری تھی کہ وہ چوری کرنے نکل پڑا لیکن ہم تو بُرے کو بُرا ہی کہتے ہیں اس کے بُرے ہونے کی وجہ نہیں تلاش کرتے

خرم شہزاد خرم

__________________
میری وجہ سے جس جس کو بھی تکلیف پہنچی ہے میں ان سب سے معافی چاہتا ہوں ۔ خاص طور پر آپ سے جو اس دستخط کو پڑھ رہے ہیں

راجہ اکرام

بہت خوب خرم بھائی
اسی لئے کہتے ہیں کہ برے سے نہیں بلکہ برائی سے نفرت کرو، برے کو ختم کرنے سے برائی ختم نہیں ہوتی بلکہ اس برائی کو تلاش کرو، اس کے اسباب کا قلع قمع کرو، انشاء اللہ برے خود بخود اچھے ہو جائیں گے۔
ہمارے ہاں اس طرح کے رویے پروان چڑھ گئے ہیں کہ جو تھوڑا برا ہو وہ ان ریوں کی وجہ سے مزید برا ہوتا جاتا ہے اور پھر ایسے مقام پر پہنچ جاتا ہے جہاں سے واپسی کا کوئی راستہ نہیں۔

اللہ ہمیں رویے بدلنے کی توفیق عطا فرمائے ۔۔ آمین

__________________
قریب ہے یارو روزِ محشر چھپے گا کشتوں کا خون کیوں کر
جو چپ رہے گی زبانِ خنجر لہو پکارے گا آستیں کا
محتاج اصلاح و دعا

منتظمین

سرورق کے لیے اپلائی کریں۔

ام طلحہ

بہت بہترین تحریر اور بہترین سوچ۔ لاجواب ہے۔