خرم شہزاد خرم

“یہ میرا حق ہے” یہ بات تو تقریباََ سب کو ہی پتہ ہے کہ یہ میرا حق ہے لیکن اپنے فرض کا پتہ ہونے کے باوجود غفلت برتی جاتی ہے حقوق کے ساتھ ساتھ فرائض بھی ادا کرنا فرض ہے اگر یوں کہا جائے کے پہلے اپنے فرائض ادا کریں اور پھر اپنے حقوق کی بات کریں تو زیادہ بہتر ہو گا۔ ہمیں اپنے حقوق کے بارے میں تو آگاہی ہوتی ہے لیکن ہمارے فرائض کیا ہیں یہ جانتے ہوئے بھی ہم سستی کر جاتے ہیں۔ ایک سرکاری ملازم کے کیا فرائض ہیں، ایک چوکیدار کے کیا فرائض ہیں، ایک طالبِ علیم کے کیا فرائض ہیں میرے اور آپ کے کیا فرائض ہیں ہمیں پہلے اس طرف توجہ دینی چاہے۔
ریاست چار لازمی عناصر پر مشتمل ہوتی ہے۔ آبادی، علاقہ، حکومت اور اقتدار اعلیٰ اور ریاست ہی حقوق و فرائض کی تقسیم کرتی ہے اب ہر کوئی اسی نظام کے تحت کام کرتے ہیں حکومت کے اپنے فرائض ہیں، عوام کے اپنے فرائض ہیں یہاں عوام اپنے فرائض تو یاد نہیں رکھتی لیکن حقوق حاصل کرنے کے لیے احتجاج کرتی ہے اور پھر اپنے فرائض سے غفلت کے باعث دوسروں کے حقوق کو بھی پامال کرتی ہے، اسی طرح حکومت اپنے فرائض سے نظر چورا کر عوام کو گمرا کرنے پر لگی رہتی ہے۔
اس سارے سلسلے میں سب سے اہم کام ہمارا اپنا ہے ہماری بہت سی غلطیاں ہیں جس کی وجہ سے ہم اپنے حقوق سے دور ہیں ہمیں پہلے اپنے فرائض پورے کرنے چاہیں پھر اپنے حقوق کی بات کرنی چاہے، پاکستان میں پانی کا مسئلہ ہے ہونا تو یہ چاہے کہ ہم ضرورت کا پانی جمع کریں اور اس کے بعد ٹوٹی بند کر دیں تاکہ کوئی دوسرا اس سے فائدہ حاصل کر سکے۔ لیکن ہوتا اس کے برعکس ہے ہم پانی حاصل کرنے کے لیے موٹر کا استعمال کرتے ہیں جو کے میرے نذدیک اخلاقاََ غلط ہے اس کے بعد اپنے سارے برتن بھر کر اس کے بعد صحن اور گلی کی صفائی شروع کر دیتے ہیں جب تک پانی بند نہیں ہوتا تب تک ہم پانی بہاتے رہتے ہیں اگر ہم اپنے حصے کا پانی جمع کر کے ٹوٹی بند کرکے کسی دوسرے کے حقوق کا خیال کریں گے تو لازم ہے کہ ہمارے حقوق کابھی کوئی خیال کرے گا۔
اگر ملک میں ہر کوئی اپنی ذمہ داری کے بارے میں سوچے اور اسے بہت بہتر طریقے سے نبھائے توشاید دوسروں کو نہ تو اپنے حقوق مانگنے پڑیں نہ چھیننے پڑے۔ جب ہم اپنے فرائض سے غفلط برتتے ہیں تو دوسرے لوگ اس کا فائدہ اٹھاتے ہیں مثال کے طور پر
ایک ڈرائیور کے پاس گاڑی کے کاغذات اور لائسنس ہونا چاہے یہ فرائض میں آتا ہے ہم اپنے اس فرض کو ادا نہیں کرتے جس کی وجہ سے پولیس ہمیں روکتی ہے اور پھر یا تو ہم رشوت دیتے ہیں یا وہ ہم سے رشوت لیتے ہیں
احتجاج کرتے ہیں تو اپنے ہی گھروں، مکانوں، سڑکوں اور سرکاری عمارتوں کو نقصان پہنچاتے ہیں
ہم صرف اور صرف اپنے حقوق کی بات کرتے ہیں اپنے فرائض کی طرف توجہ نہیں دیتے یاد رکھیں جو ہمارے فرائض ہیں وہ کسی کے حقوق ہیں اور جب ہم اپنے فرائض ادا نہیں کرتے تو ہماری اس حرکت سے دوسروں کے حقوق متاثر ہوتے ہیں اور جب ہم کسی دوسرے کے حقوق کا خیال نہیں رکھتے تو کوئی دوسرا ہمارے حقوق کا خیال کیسے رکھے گا۔
جب یہ سب کو پتہ چل جائے گا کہ ہمارے فرائض دوسروں کے حقوق ہیں اور جب ہم اپنے فرائض سرانجام دینا شروع کر دیں گے تو خود کار طریقے سے ہمارے حقوق ہمیں ملنا شروع ہو جائیں گے پھر ہمیں ہمارے حقوق کے لیے احتجاج بھی نہیں‌کرنا پڑے گا لیکن اس کے لیے ہمیں اپنے فرائض ادا کرنے ہونگے
خرم ابن شبیر

__________________

عروج

واقعی ۔ حقوق وفرائض میں برابری ھی میں خوبصورتی ھے۔

خرم شہزاد خرم

شکریہ ادا کرنے والوں کابھی شکریہ اور عروج آپ کا بھی شکریہ