عدنان دانی

نماز کا مکمل طریقہ تصاویر کے ذریعے

عدنان دانی

نماز کا مکمل طریقہ تصاویر کے ذریعے

عباد

محترم دوست! آپ کی دی گئی تصاویر سے تو یہ لگتا ہے جیسے خواتین اور مردوں کی نماز کا طریقہ کار الگ الگ ہے۔ کیا آپ کوئی حدیث پیش کر سکتے ہیں جس سے پتا چلے کہ واقعی عورتوں کی نماز کا طریقہ، مردوں کی نماز کے طریقے سے الگ ہے؟؟
جب جبرائیل علیہ السلام نے حضور پاک صلی اللہ علیہ وسلم کو نماز پڑھنا سکھائی تو کیا انھوں نے آپ کو دو طرح کی نماز سکھائی کہ عورتوں کا طریقہ یہ ہے اور مردوں کا یہ؟
جب آپ کو نماز سکھائی گئی تو آپ نے ویسے ہی تمام صحابہ کرام اور صحابیات (رضی اللہ عنہم) کو سکھائی۔ بڑی مشہور حدیث ہے کہ ’’تم اس طرح نماز پڑھو جیسے مجھے پڑھتے دیکھتے ہو۔‘‘

عبدالقدوس

رکوع کے بعد قیام میں ہاتھ کھلے ہوتے ہیں لیکن آپ نے جو تصویر لگائی اس میں ہاتھ بندھے ہوئے ہیں

__________________

عباد

وہ تصویر انھوں نے شاید غلطی سے بعد میں لگا دی ہے۔ وہ قیام کی ہی تصویر ہے۔ ویسے آپ کی معلومات کے لیے عرض ہے کہ رکوع سے کھڑا ہونے کے بعد قیام کی طرح ہاتھ باندھنے بھی حدیث مبارکہ سے ثابت ہے اور بہت سے لوگ اس پر عمل بھی کرتے ہیں۔ یعنی رکوع سے اٹھ کر آپ قیام کی طرح ہاتھ باندھ لیں اور اس کے بعد سجدے میں جائیں۔

عبدالقدوس

میرے لئے نئی بات ہے کیا کوئی حوالہ مل سکتا ہے؟

عباد

یہ لنکس ملاحظہ فرمائیے:

عباد

عبدالقدوس

پہلے ریفرنس میں ناکافی جواب ہے
دوسرے میں اختلافی مسئلہ بنتا نظر آرہا ہے

عباد

میں نے بھی یہی کہا ہے کہ بعض لوگ اس پر عمل کرتے ہیں۔

sahj

السلام علیکم بھائی عباد

حضرت ابوھریرہ رضی اللہ تعالٰی عنہ سے روایت ھے کہ آنحضرت صلی اللہ علیہ وسلم نے ایک آدمی کو نماز کی تعلیم دیتے ھوئے فرمایا
ثمہ ارکع حتی تطمعن ثم ارفع حتی تمتد قائما ثمہ اسجد
پھر تم رکوع کرو یہاں تک کہ اچھی طرح اطمینان سے رکوع کرنے والے ھو پھر اپنا سر اٹھاؤ پھر بلکل سیدھے کھڑے ھو اور پھر سجدہ کرو۔
(((بخاری۔۔۔ترمزی۔۔۔۔ابوداؤد(((

اک اور حدیث میں ھے

حضرت رفاعہ بن رافع رضی اللہ عنہ کی روایت ھے کہ آنحضرت صلی اللہ علیہ وسلم نے فرمایا
ثمہ ارکع فاطمن راکعً ثمہ اعتدل قائماً ثمہ اسجد
پھر رکوع کرو اطمینان سے پھر اعتدال سے بلکل سیدھے کھڑے ھو پھر سجدہ کرو
(((ترمزی۔۔۔۔ابوداؤد(((

عباد بھائی ان احادیث سے یہ ثابت ھے کہ رکوع کے بعد قومہ کی حالت میں بلکل سیدھے ھو کر کھڑے ھونے کا حکم ھے ۔دوبارہ ہاتھ باندھنے کا نہیں۔ آپ نے لکھا ھے کہ ۔۔۔ آپ سے درخواست ھے کہ کوئی حوالہ پیش کرسکیں تو پیش کریں۔

جزاک اللہ

والسلام

__________________
حضور صلی اللہ علیہ وسلم نے فرمایا کہ میں سویا ہواتھا کہ میں نے خواب میں جنت دیکھی ۔ میں نے دیکھا کہ ایک عورت ایک محل کے کنارے وضو کررہی ہے ۔ میں نے پوچھا یہ محل کس کا ہے ؟ تو فرشتوں نے جواب دیا کہ عمر رضی اللہ عنہ کا۔صحیح بخاری

sahj

(1)
حضرت حماد کہتے ہیں کہ " جب عورت نماز شروع کرتی ھے تو وہ اپنے ہاتھ چھاتی تک اٹھائے"۔
عن حماد انہ یقول فی المراءہ اذا استفتحت الصلوٰۃ ترفع یدیھا الی ثدیھا
(مصنف ابن ابی شیبہ ،ص239،ج1)

(2)
حضرت عبد ربہ بن زیتون کہتے ہیں کہ میں نے حضرت ام درداء رضی اللہ عنہا (صحابیہ) کودیکھا ھے۔ وہ نماز شروع کرتے وقت اپنے ہاتھ کندھوں کے برابر اٹھاتی تھیں۔
(مصنف ابن ابی شیبہ،ص 239، ج1)

(3)
امام زہری سے بھی اسی طرح منقول ھے کہ عورت ہاتھ کندھوں کے برابر اٹھائے۔
(مصنف ابن ابی شیبہ ، ص239،ج1)

(4)
حضرت ابن جریح کہتے ہیں ، میں نے حضرت عطاء سے کہا ، کیا عورت بھی تکبیر کے وقت اپنے ہاتھ اسی طرح اٹھائے جس طرح مرد اٹھاتے ہیں؟۔ تو انہوں نے کہا کہ وہ اسُ طرح ہاتھ نہ اٹھائے اور پھر انہوں نے اپنے ہاتھوں کو پست کیا اور اکٹھا کیا اور بتلایا کہ اس طرح عورت ہاتھ اٹھائے اور پھر کہا کہ عورت کے لئے نماز میں ایسی ہئیت ھے جو مرد کے لئے نہیں ۔ اور اگر وہ اس کی پابندی نہ کرے تو کوئی حرج نہیں۔(یعنی عورت کے لئے ایسا کرنا مستحب اور بہتر ھے)
( مصنف ابن ابی شیبہ ص 239،ج1)


حضرت علی رضی اللہ تعالی فرماتے ہیں کہ

” اذا سجدت المرأة فلتحتفز ولتضم فخذیہا ببطنھا “
(بیہقی‘ج2،ص222،مصنف عبدالرزاق ،ج3،ص138،،مصنف ابن ابی شیبہ،ج1،ص270)
یعنی جب عورت سجدہ کرے تو سرین کے بل بیٹھے اور اپنی رانوں کو ملا لے


عن وائل بن حجر رضی اللہ تعالی قال : قال لی رسول اللہ صلی اللہ علیہ وسلم : یا وائل ابن حجر! اذا صلیت فاجعل یدیک حذاء اذنیک‘ والمرأة تجعل یدیہا حذاء ثدییہا ۔
(مجمع الزوائد‘ج2،ص103(
ترجمہ:۔ ” حضرت وائل بن حجر رضی اللہ تعالی فرماتے ہیں کہ مجھے حضور صلی اللہ علیہ وسلم نے فرمایا : اے وائل بن حجر! جب نماز شروع کرو تو اپنے ہاتھ کانوں تک اٹھاؤ اور عورت اپنے ہاتھ چھاتیوں تک اٹھائے
عورت نماز میں سمٹ کر سرین کے بل بیٹھ۔

شکریہ

یاسر عمران مرزا

حضور صلی اللہ علیہ والہ وسلم نے نماز کے دوران رفع یدین بھی کیا اور نہیں بھی کیا۔ نماز کے لیے بہت سے طریقے تو نہیں‌ہیں۔ لیکن جو انداز حضورصلی اللہ علیہ والہ وسلم نے جو طریقہ کار اختیار کیے ہم ان سے نماز پڑھ سکتے ہیں۔
نماز پڑھنے کا مقصد اپنے رب کے سامنے حاضر ہونا ہوتا ہے ۔ اگر کوئی قیام میں ہاتھ باندھتا ہے ، رفع یدین کرتا ہے یا نہیں کرتا۔ یہ اس کا عمل ہے۔اور وہی اللہ تعالی کو اسکا جواب دے گا۔ کسی کو ٹوکنا یا اس کے طریقہ کار پر اعتراض کرنا ،یہ ہمارے مسائل نہیں۔ وہ خود ان چیزوں کا جواب دہ ہے اور اسی کا فرض ہے کہ وہ نماز کا درست طریقہ کار اختیار کرے۔ آپ اسے کھینچ کھانچ کر مصلے تک لے آئیں یہی بہت ہے۔

معاشرے میں اکثر افراد دوسرے کے نماز کے طریقے پر اعتراض کرتے ہیں‌لیکن وہ خود نماز پڑھتے بھی نہیں ہوتے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

شمشاد احمد

جس زمانے ميں ميں ايك پرائيوٹ سكول اور كالج ميں پڑھا رہا تھا تو ايك مرتبہ ميٹرك كے طلبا ء ميں يہ بحث چل نكل كہ نماز ميں ہاتھ كہاں باندھے جائيں گے۔۔۔۔ سينہ پر يا ناف كے نيچے۔۔۔۔۔ بريك ميں ان كي يہ بحث نكل پڑي اور فيصلہ يہ ہوا كہ مجھ سے فيصلہ كروايا جائے۔۔۔۔۔۔
ميں جب كلاس ميں‌گيا تو مقدمہ ميرے سامنے پيش ہوا۔۔۔۔۔۔ ميں نے دونوں طرف سے ايك ايك لڑكوں كو بات كرنے اور اپنا اپنا مؤقف پيش كرنے كا كہا۔۔۔‌اور كہا كہ بھائي آپ جتنا زور ايك نمازي پر اس بات پر لگا رہے ہو كہ كہ ہاتھ اوپر باندھے يا نيچے باندھے اتنا ہي زور اورتوانائي آپ كسي دوسرے بے نمازي پر لگا لو تا كہ وہ نمازي بن جائے۔۔۔۔۔
وہ كہنے لگے نہيں سر آپ ہي بتائيں درست طريقہ كيا ہے۔۔۔۔ ہم نے فيصلہ آپ پر چھوڑا ہے۔۔۔۔۔ ميں نے‌كہا ميري لئے يہ فيصلہ كرنا مشكل ہے۔۔۔ آپ كو جس عالم پر اعتبار ہے اور اس كي علمي قابليت اور ديانت داري اور تقوي پر آپ كو غالب گمان ہے اس كے مطابق عمل كرو۔۔۔‌كہنے لگے۔۔۔۔ بس ہميں آپ پر ہے۔۔۔۔ آپ جو كہيں‌گے وہي ہمارے لئے قابل قبول ہے۔۔۔



ميں نے ان سے پوچھا كہ كيا دونوں فريق اس پر قائم ہيں‌تو كہنے لگے ہاں۔۔۔۔۔۔‌تو ميں نے‌كہا كہ آپ نہ ہاتھ سينہ پر باندھيں نہ ناف كے نيچے بلكہ كمر كے‌پيچھے باندھ كيا كريں يا سر پر ركھ ليا كريں۔۔۔۔۔۔‌تو تعجب سے كہنے لگے سر يہ كيا بات كر رہے ہيں۔۔۔۔۔ يہ تو آپ مذاق والي بات كر رہے ہيں۔۔۔۔ خود كہتے ہيں‌كہ دين سے‌مذاق مت كيا كرو اور خود آپ بات كو يوں ٹال رہے ہيں۔۔۔۔۔ ميں نے ان سے‌كہا نہيں ميں بات كو نہ تو ٹال رہا ہوں اور نہ ہي معاذ اللہ دين سے مذاق كر رہا ہوں۔۔۔۔‌ميں آپ كو بات سمجھا رہاہوں۔۔۔۔
ميرا سوال يہ ھے‌كہ آپ كو كيسے معلوم ہوا كہ نماز ميں ہاتھ سينہ پر يا ناف كے نيچے ركھنے چاہے۔۔۔۔۔‌كہنے لگے احاديث سے اور اسي كے مطابق حضرات صحابہ نے بھي نمازيں ادا كي ہيں۔۔۔۔‌تو ميں نے‌كہا گويا كہ آپ كا اختلاف دو طريقوں‌پر كسي تيسرے پر نہيں۔۔۔۔‌كہنے لگے جي۔۔۔
تو ميں نے عرض كيا كہ جب آپ كو معلوم ہے‌كو دونوں طريقے احاديث ميں موجود ہيں۔۔۔ دونوں طريقوں سے حضرات صحابہ كرام نے بھي نمازيں ادا كي ہيں۔۔۔ تو اب آپ آپس ميں الجھنے ، اختلاف كرنے، اور اپني توانائناں صرف كرنے كے اس تيسرے كے خلاف متحدہ ہو جاؤ جو احاديث رسول كے خلاف پر عمل كا كہتا ہے۔۔۔ چاہے وہ كوئي نماز كا مسئلہ ہو يا عقيدے كا۔۔۔

اپني اس سوچ كو تبديل كرو كہ دو صحيح ميں سے ايك اس صحيح كو مانو جس كو ميں درست مانتا ہوں۔۔۔۔۔۔۔ہاں ايك صحيح ہو گا دوسرا اولي ہو گا۔۔۔۔۔ جو جس كو اولي سمجھے اسي پر عمل كرے۔۔۔۔۔ دوسرے كو محبت حكمت سے تو سمجھا دے۔۔۔۔نفرت اور مخالفت كا انداز نہ اختيار كرو۔۔۔۔

الحمد للہ بات ان كي سمجھ ميں آ‌گئي۔۔۔۔۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔