پاکستانی

اِک پشیماں سی حسرت سے مجھے سوچتا ہے

اِک پشیماں سی حسرت سے مجھے سوچتا ہے
اب وہی شہرِ محبت سے مجھے سوچتا ہے

میں تو محدود سے لمحوں میں ملی تھی اُس سے
پھر بھی وہ کتنی وضاحت سے مجھے سوچتا ہے

جس نے سوچا ہی نہ تھا ہجر کا مُمکن ہونا
دُکھ میں ڈوبی ہوئی حیرت سے مجھے سوچتا ہے

میں تو مر جاؤں اگر سوچنے لگ جاؤں اُسے
اور وہ کتنی سُہولت سے مجھے سوچتا ہے

گرچہ اب ترکِ مراسم کو بہت دیر ہوئی
اب بھی وہ میری اجازت سے مجھے سوچتا ہے

کتنا خوش فہم ہے وہ شخص کہ ہر موسم میں
اِک نئے رُخ، نئی صورت سے مجھے سوچتا ہے

نوشی گیلانی

کتاب :‌محبتیں جب شمار کرنا

__________________

محمدعدنان

بہت اچھے پاکستانی بھائی بہت عمدہ شئیرنگ ہے سرکار

سیپ

Assalam-o-Allykom Wrt Wbrkt

Miss Khan

غزل کا ہر ایک شعر ایک سے بڑھ کر ایک ہے
اور یہ تو بہت ہی اعلیٰ
میں تو محدود سے لمحوں میں ملی تھی اُس سے
پھر بھی وہ کتنی وضاحت سے مجھے سوچتا ہے

اور اس شعر کو sms میں اتنا توڑ مروڑ کے پیش کیا جاتا ہے کہ بس ۔۔۔۔۔۔۔

نبیل خان

میں تو محدود سے لمحوں میں ملی تھی اُس سے
پھر بھی وہ کتنی وضاحت سے مجھے سوچتا ہے