عبدالقدوس

نادرا یعنی National Database And Registration Authority میں Registration Officer المشہور Data Entry Operator کی نوکری کا اشتہار آیا ہے

__________________

فرحان دانش

اشتہار کہاں ہے؟؟؟؟؟؟؟؟؟؟؟؟؟؟؟

عبدالقدوس

بھائی چھینٹے مار کر آو یہاں پر ہی چسپاں ہیں

اویسی

ہاہاہاہاہاہاہاہاہاہاہا

محمدخلیل

عمر کا تقاضا کچھ زیادہ ہی ہے

عبداللہ آدم

کس کی عمر کا؟؟؟؟؟؟؟؟

نورالدین

کراچی میں اس کا ايڈ آیا تھا تو میں انٹر ویو دیا تھا ۔۔
اول تو انٹرویو نے ہی تھکا کے مار دیا اس پر سے اس بات نے کہ تن خواہ بہت کم دے رہے تھے
پرائیوٹ کمپنی ز میں ڈیٹا انٹری آپریٹر کو کم سے کم چھ ہزار دے رہے تھے ان دنوں اور یہ لوگ ساڑھے چار ہزار کی بات کر رہے تھے ۔ ۔
انٹرویو لینے والوں کے اس رویے سے ہی اندازہ ہو رہا تھا کہ وہ لوگ ہمیں رکھنا ہی نہيں چاہ رہے ۔ بس اوپر والوں کو جواب دینے کے لیے انٹریو لے رہے ہیں ۔ شاید امیدواران کا انتخاب اندر ہی اندر ہو چکا تھا ۔ کیوں کہ سینکڑوں لڑکے اپنی باری کے لیے باہر لائن میں کھڑے تھے اور گاہے بگاہے اندر سے کوئی پرچی چوکیدار کے پاس آتی تھی کہ فلاں صاحب آجائیں ۔

صبح ۱۰ بجے گیا تھا انٹرویو دینے ۔ رات کے ۱۲ بجے گھر پہنچا تھا ۔

یہ کراچی کے حالات ہیں آپ کا اشتہار راولپنڈی کا ہے ۔ اللہ جانے وہاں کے حالات ایسے ہیں یا نہيں
اللہ کرے ایسے نہ ہوں ۔ ۔ کسی کی حق تلفی نہ ہو ۔۔ کسی کا ٹائم ضائع نہ ہو ۔۔ باقی عبد القدوس بھائی بتا سکتے ہیں کہ کیا حالات ہیں۔

__________________
انسان کو زندگی میں وہی کام کرنا چاہیے جس کی اسے ضرورت ہو ۔

عبدالقدوس

بھائی سب سے پہلے تو یہ کہ یہ اشتہار اسلام آباد کا نہیں لاہور کا ہے۔۔
دوسرے نمبر پر آپ کو اپنا تجربہ بتاتا چلوں کہ جب میں ٹیسٹ کے لئے پہنچا تو مجھ سے پہلے عوام کا ایک ہجوم تیار بیٹھا تھا اور متواتر پرچی یعنی رول نمبر تقسیم ہورہے تھے لوگوں کے ڈاکیومنٹس کی فائلز کم از کم آدھ کلو کی تھی۔ جبکہ میرے پاس بس ایک انٹرمیڈیٹ کا رزلٹ کارڈ۔۔۔۔
میں ایک فٹ پاتھ پر صبح 7 بجے جاکر بیٹھ گیا اور 3 بجے ہمت کرکے لائن میں لگ گیا کہ چلو واپس تو ہم نے جانا نہیں وجہ یہ تھی کہ مجھ سے زیادہ کسی اور کو اعتماد تھاکہ میں بھرتی ہوجاوں گا۔۔۔
( پرائیویٹ بات ہے زیادہ تفتیش مت کرنا اب )
خیر جناب ہمیں بھی رول نمبر مل گیا اور ہم بھی ٹیسٹ میں بیٹھ گئے رفتار کا ٹیسٹ ہوا تو اپنا 16 واں نمبر آیا پھر I.Q ٹیسٹ ہوا اپنا تو پہلے ہی کافی کمزور تھا لیکن پھر بھی اللہ کا شکر ہے 6 نمبر پر آگئے
اب مزے کی بات یہ کہ I.Q ٹیسٹ تھا تو 30 منٹ کا لیکن میں نے 3 منٹ میں کرلیا ٹیسٹ لینے والے صاحب کو جب میں نے آواز دی تو وہ سمجھے شائد کہ مجھے سافٹ وئیر سمجھنے میں دقت پیش آرہی ہے لیکن جب میں نے کہا کہ جناب ختم شد تو حیران ہوگئے ۔۔۔ اور مجھے تھپکی دےکر بولے زبردست یار جب میں باہر آیا تو انتظامیہ کہ ایک بندے نے پوچھا کتنے نمبر آئے ہیں میں نے کہا مجھے کیا پتا تو وہ حضرت فرمانے لگے میاں جب ختم شد پر کلک کرتے ہیں تو وہاں پر حاصل کردہ نمبر آتے ہیں میں اپنا سا منہ لیکر رہ گیا۔۔۔ کہ لو جی دیکھ بھی نا سکا۔۔۔۔۔

خیر جناب میں تو اللہ کا نام لیکر شام 6 بجے وہاں سے گھر کے لئے روانہ ہوگیا لیکن بعد میں معلوم یہ ہوا کہ ٹیسٹ رات 12 بجے تک چلتا رہا ہے اور 2 بجے اس کا نتیجہ آیا ہے۔۔ جس میں اپنا نام پھر 3 نمبر پر۔۔۔۔ انٹرویو کے وقت موجودہ اسسٹنٹ مینجر ہیومن ریسورس کہنے لگے کہ بھائی یہ جینز اور ٹی شرٹ انٹرویو کا لباس نہیں ہوتا جاو تبدیل کرکے آو ورنہ کرنل صاحب نے دروازے سے ہی گیٹ آوٹ کی آواز لگا دینی ہے۔۔۔
میں وہیں سے مسلم ٹاون موڑ پر واقع ایک دوکان سے کافی مہنگی ڈرس شرٹ لیکر وہیں پر پہن کر آیا راستہ میں میرا ایکسڈنٹ ہوگیا اور بائیں کہنی ٹوٹ گئی لیکن ہمت نہیں ہاری اور یوں ہی انٹرویو کے میدان میں چھلانگ لگا دی۔۔۔
سوالات و جوابات ہوئے جن میں سب سے پہلا سوال کل والے صاحب ہی کا تھا کہ بھئی وہ سرخ رنگ کی ٹی شرٹ کہاں ہیں تو میں بولا جناب نیچے پہن رکھی ہے جس پر تمام جیوری مسکرا اٹھی
اور بالآخر میں الحمداللہ منتخب ہوگیا۔۔۔ تنخواہ 6500 تھی لیکن پرواہ کسے تھی اب بھی گو کہ کم ہے لیکن انگریز کا یہ اصول مجھے بہت پسند ہے کہ بھئی 18 برس پڑھائی میں لگا دیتے ہو 2 برس مفت کام کرو گے تو کیا قیامت آجائے گی۔۔۔

طاھر

ایسا اصول تو پہلے کبھی نہیں سنا لیکن خیر اچھی بات ہے۔ تعلیم کے ساتھ تجربے کی ضرورت ہوتی ہے اور تجربے کبھی کبھی کم پیسے لیکر بھی حاصل کیا جاسکتا ہے۔

بہت اچھے عبدالقدوس ویل ڈن
ہمت مردان مدد خدا
نوکری کوشش، استقامت اور قسمت سے ہی ملتی ہے۔

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

محمدخلیل

میرے خیال سے قسمت سے ہی ملتی ہے

فیصل ناصر

میرے خیال سے "قسمت" ہمت استقامت اور اللہ سے دعا کا نام ہے

محمدخلیل

اور میرے خیال سے آپ کا خیال بھی ٹھیک ہے بھائی

احمد بلال

عبدالقدوس بھائی اتنی مشکلات سہیں آپ نے ۔ آُکی ہمت کی داد دینی پڑے گی۔ ماشاءاللہ انتی آوٹ سٹینڈنگ پرفامنس کو وہ کیسے اگنور کر سکتے تھے۔
لیکن ایک بات کہوں اس میں پرقابلیت کے ساتھ ساتھ قسمت کا بہت رول ہے۔ قسمت اچھی تھی تو اگلے دن وہ بندہ بھی انٹرویو میں تھا جس نے آپکو آئی کیو اتنی جلدی حل کرتے دیکھا
ورنہ
آپکی قابلیت کوئی اور دیکھتا رہتا اور انٹرویو میں کوئی پرچی آپکی سیٹ لے جاتی۔

عبدالقدوس

میں یہ نہیں کہتا کہ میں بہت قابل ہوں لیکن یہ ضرور جانتا ہوں کہ کوئی بھی ادارہ چلانے کے لئے میرٹ پر بھرتی لازمی ہوتی ہے 100 میں سے 10 افراد تو پرچی پر رکھے جاسکتے ہیں 100 کے 100 نہیں۔

طاھر

واہ جناب

آپ قابل ہوں یا نہ ہوں " سمجھدار " ضرور ہیں‌
یہی حقیقت ہے۔