عقرب

بلعون صناع مکین مکاں بفضل خلاق زمین و زماں
السلام علیکم
اردو دائرۃ معارف العلوم حاضر ہے اور توجہ کا طالب ہے دیکھیے اور بتائیے۔
Urdu Encyclopedia اردو دائرۃ معارف العلوم - نو مولود
سائٹ کے مواد کے ماخذ
اس سائٹ کا مواد مقتدرہ آن لائن لغت سے لیا ہے مقتدرہ کی سائٹ میں وائرس موجود ہے جس کے بارے میں فون پر بھی میں نے انہیں مطلع کیا تھا لیکن کچھ نہیں کیا گیا لغت کو میں نے ڈاؤنلوڈ کر لیا اور اس میں سے غلطیوں کو دور کرنے لگا کافی مشکل کام تھا اس میں زیادہ تر ٹائپنگ کی غلطیاں تھیں جو تقریبا درست ہو چکی ہیں لغت میں ہزار کے قریب نئے الفاظ شامل کیے اور کچھ تفصیلات دوسرے الفاظ کی تشریح میں بھی دی اور اب اس کو آہستہ آہستہ مرتب کر رہاں تاکہ تحرریں اپنے زمرہ جات میں پہنچ جائیں تقریبا 3000 تحریروں کو زمرہ جات میں مرتب کر چکا ہوں اصل مشکل زمرہ جات بنانا ہے کیونکہ زمرہ جات کی فہرست نہیں ملتی تقریبا 325 زمرہ جات بن چکے ہیں جن کو بنانے کے لیے میں نے گورنمنٹ کالج چشتیاں کے پروفیسر حضرات سے کافی مدد لی اور ان کا شکر گزار بھی ہوں کہ انھوں نے میری مدد کی۔

اس کے علاوہ اس میں میں شامل مواد جامع اردو انسائیکلوپیڈیا سے شامل کر رہا ہوں۔ اس کو ٹائپ کرنا کافی دشوار ہے لیکن روز کے دس کے قریب صفحات شامل ہو جاتے ہیں۔

کمپیوٹر کی فرہنگ بھی مرتب کر رہا ہوں اس سلسلے میں مقتدرہ کی فرہنگ استعمال کر رہا ہوں وہ صرف اصطلاح اور اس کا اردو ترجمہ ہے جبکہ میں چاہتا ہوں کہ اصطلاح کی کچھ تفصیل بھی ہو پہلے صرف اصطلاح اور اس کا اردو ترجمہ شامل کروں گا تاکہ ہمارے پاس ایک نمونہ آجائے جس سے ہم سافٹ ویرز کی لوکلائزیشن ایک مروجہ اصول سے کر سکیں۔

اس کے بعد اسد الغابہ فی معرفۃ صحابہ از علامہ ابن اثیر رحمہ اللہ علیہ کا اردو ترجمہ جو کہ 8 ہزار صحابہ رضوان اللہ علیہم اجمعین کا بے مثال انسائیکلوپیڈیا ہے شامل کرنے کا ارادہ ہے کتاب میرے موجود ہے اس کو سکین کروں گا تاکہ دوسرے جو دوست اس کام میں شریک ہونا چاہیں ہو جائیں۔

سائٹ کا تکنیکی تعارف
ڈیٹآ لائف انجن کو میں نے خود لوکلائز کیا ہے مکمل اردو نہیں ہے ویب کا حصہ جو صارفین کے لیے ہے وہ مکمل ہے لیکن ایڈمن پینل 90 فیصد ہے اس کو استعمال کرنا نہایت ضروری تھا وکی میڈیا انجن کو استعمال نہیں کر سکتا تھا اس میں بہت بڑی ڈیٹا بیس کی ضرورت ہے تقریبا 20 ہزار اوسط درجہ تحریروں کے لیے 200 ایم بی ڈیٹا بیس ہو جو کافی مہنگی پڑتی لیکن ڈیٹا لائف انجن میں 82898 تحریریں تقریبا 170 ایم بی میں شامل ہو گئیں۔

ابوسعد

آپ کاکا م اچھاہے۔اگر چہ آپ کی اکثر (کمپیوٹر کی اصطلاحی(باتیں ہمیں سمجھ نہیں آسکیں۔اللہ تعالیٰ مزید ہمت دے۔

ھارون اعظم

ماشاء اللٰہ اچھی کوشش ہے۔

چند گزارشات ہیں۔ تحاریر میں جا بجا املاء کی غلطیاں ہیں، ان کو درست کرنے کی ضرورت ہے۔

زمرہ جات کی فہرست میں کہیں بھی کلک کردیں، تو ایک ہی مواد سامنے آتا ہے۔ کیا ہی اچھا ہو اگر تمام فہرست بغیر تفصیل کے میسر ہو، تاکہ بندہ اگر کوئی خاص موضوع پر معلومات چاہے تو بآسانی معلوم کرسکے۔

__________________


http:// haroonazam.wordpress.com

ھارون اعظم کا بلاگ۔

عقرب

املا کی غلطیاں درست کرنے میں مجھے آپ احباب کی مدد درکار ہے

تفصیلی فہرست جلد ہی شائع ہو جائے گی

نوید

السلام علیکم ورحمتہ اللہ وبرکاتہ ۔ امید ہے کہ سب خیریت سے ہونگے ۔

ماشاء اللہ اچھی کوشش ہے ۔۔ ویسے اگر آپ MediaWiki نامی سافٹ وئیر استعمال کریں‌تو کافی آسان ہو جائے گا، اور اس طرح‌دیگر لوگ بھی حصہ لے سکیں‌گے ۔
میڈیا وکی وہی سافٹ وئیر ہے جو Wikipediaپر استعمال ہوا ہے۔

خوش رہیں

عقرب

میڈیا وکی کے بارے میں اپنی رائے دے چکا ہوں اس کو چلانے کے لیے سالانہ کم از کم پچاس ہزار روپیہ سکہ رائج الوقت چاہیے تاکہ ایک اچھا سرور خریدا یا کرائے پر لیا جا سکے، جو ہماری قوت خرید سے باہر ہے۔ آپ اس دائرہ معارف میں بھی اپنی تحاریر شامل کر سکتے ہیں یہ صفحہ ملاحظہ فرمائیں۔