نیویارک : موجودہ عہد ٹیکنالوجی کا سمجھا جاتا ہے تو پھر یہ سوال پیدا ہوتا ہے کہ 2011ء میں اس حوالے سے کون سرفہرست رہا؟ اس سوال کا جواب امریکی جریدے کی فہرست میں دیا گیا ہے جس میں رواں سال مقبول ترین ویب سائٹس کا تعین کیا گیا ہے۔ اس حوالے سے سماجی رابطوں کی ویب سائٹس میں فیس بک سب سے مقبول رہی۔ سرچ انجنز میں گوگل ایک بار پھر خود کو منوانے میں کامیاب رہا۔ آن لائن گیمز کے لئے زنگا سرفہرست رہی تو اپیلیکشنز کے لئے لوگوں کا انتخاب اینگری برڈ رہا۔ اسٹارٹ اپ کے لئے سپوٹی فائی نے پہلا نمبر لیا تو لائف اسٹائل کے لئے ٹمبل نے اپنے حریفوں کو پچھاڑا۔ ای ایس پی این مقبول ترین اسپورٹس ویب سائٹ رہی اور نیوز میں یہ اعزاز برطانیہ و امریکہ میں شائع ہونے والے اخبار ہوفنگٹن پوسٹ کے نام رہا۔ انٹرٹینمنٹ نیوز ویب ساٹ کے لئے ٹی ایم زیڈ اولین ترجیح رہی تو میڈیا اسٹریمنگ کے لئے سپوٹی فائی کا انتخاب ہوا۔


اردوٹائمز