اویسی

السلام علیکم
دوست آپ کی خدمت ایک فری آن لائن اردو لغت ویب سائٹ پیش ہے۔
فری اردو لغت کیلئے کلک کریں

اس سائٹ میں کسی بھی لفظ کے معنی اور دیگر تفصیل دیکھنا انتہائی آسان ہے۔ سرچ کے علاوہ آپ یہ بھی دیکھا سکتے ہیں کہ کس حرف سے کون کون سے لفظ اردو میں موجود ہیں۔





"آن لائن اردو لغت" ایک جامع لغت ہے جس میں ایک لاکھ، بیس ہزار سے زائد الفاظ اور مرکبات شامل ہیں جن میں سے بیشتر الفاظ کی تمام تر تاریخی، لسانی اور معنوی تفصیلات شامل ہیں اور ان کی وضاحت کے لیے امثال مع حوالہ جات درج ہیں۔ مزید برآں نسبتاً زیادہ مستعمل الفاظ کے محاورات اور ضرب الامثال بھی درج ہیں۔ اس لغت میں تلفظ کی وضاحت کے سلسلے میں ہر ممکنہ ابہام کو دور کرنے کے لیے الفاظ کے ارکان درج کرنے کے ساتھ ساتھ اضافی علامات کی مدد سے تلفظ واضح کیا گیا ہے۔ اردو لغت میں الفاظ کے معنوی مترادفات اور املائی متغیرات بھی فراہم کیے گئے ہیں۔ "آن لائن اردو لغت" میں صرفی حوالے سے کسی بھی لفظ کی تصریف شدہ مستعمل حالتیں حتی الامکان درج کی گئیں ہیں اور اردو الفاظ کا انگریزی ترجمہ بھی پیش کیا گیا ہے۔ "آن لائن اردو لغت" سے استفادہ کے لیے "مدد" اور "لفظ کی تلاش" میں حتی الامکان جدید سہولیات کا خیال رکھا گیا ہے۔ "آن لائن اردو لغت" وزارت براۓ انفارمیشن ٹیکنالوجی کے" منصوبہ برائے اردو لوکلائزیشن" کے تحت الیکٹرانک گورنمنٹ ڈائریکٹوریٹ کی نگرانی میں تیار کی گئی ہے۔
آن لائن اردو لغت کی تیاری کے سلسلے میں کئی لغات سے استفادہ کیا گیا اور جن لغات کو بنیادی ماخذ کے طور پر استعمال کیا گیا وہ درج ذیل ہیں۔
اردو لغت (اردو لغت بورڈ، کراچی)
قاموس مترادفات (وارث سرہندی، اردو سائنس بورڈ)
John T. Platts, Dictionary of Urdu, Classical Hindi and English
Duncan Forbes, Dictionary, Urdu and English
John Shakespear's Dictionary, Urdu - English and English - Urdu

دوستو! امید کرتا ہوں کہ میری یہ پوسٹ آپکو پسند آئے گی
اپنی رائے کا اظہار ضرور کریں
شکریہ

__________________

باخدا دیوانہ باشد بامحمد ہوشیار!
طالبان اور امریکہ کا ایک ہی مقصد ۔ مسلم کشی

عارف اقبال

السلام علیکم
بہت اچھی شئیرنگ ہے
بہت بہت شکریہ

shafresha

بھائی اویسی،
واقعی یہ بہت ہی کارآمد اور مفید شئیرنگ ہے!

عبداللہ آدم

گڈ جی۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔

shafresha

حالانکہ کے یہ اچھی کوشش ہے مگر حکومت فنڈ اور سرپرستی کو مدنظر رکھیں‌تو یہ کہنا پڑتا ہے کہ یہ بہت اچھا کام نہیں‌ہے۔
ناجانے کتنا پیسہ اسے بنانے کے دوران خُردبُرد کیا گیا ہوگا؟؟؟؟؟؟

اویسی

بھائی آپکی ساری بات کو درست تسلیم کرتاہوں۔ میں بھی ایک سرکاری ملازم ہوں، میرا واسطہ تعمیرات سے ہے۔ سرکاری کاموں میں جتنی خردبرد ہوتی میں جانتاہوں،مگر ان تمام باتوں سے قطع نظر یہ ایک ایسی کاؤش ہے جو کوئی نجی شعبہ ابھی تک اتنے اچھے طریقہ سے سرانجام نہیں دے سکا۔
آپ کسی بھی نجی شعبہ کی بنائی ہوئی لغت سائٹ کا وزٹ کریں تو وہ اشتہاروں سے بھری ہوگی۔ اس میں کوئی خاص معلومات بھی نہیں ہوئی۔ اور نہ ہی وہ معلومات مستند ہوگی۔
چلیں اگر انہوں نے زیادہ پیسہ کھایا ہے ہمیں چیز تو اچھی مل گئی ہے۔
شکریہ

shafresha

اویسی بھائی السلام علیکم،
کیا آپ اس کا مقابلہ مختلف غیر ملکی نجی کمپنیوں‌کی جانب سے بنائی ہوئی انگلش کی ڈکسشنری والی سائیٹس سے کرسکتے ہیں؟؟؟؟؟؟
اُن سے ان کا تو کوئی مقابلہ ہی نہیں ہے۔
یہی پیسے اگر کسی باصلاحیت پاکستانی کو دے دیئے جاتے تو اس سے بہت کام ہوتا، ہمارے فورم کے "آروز" اس سے بہت کام کرنے کی صلاحیت رکھتے ہیں۔
بہرحال کچھ نا ہونے سے تو کچھ ہونا بہتر ہے۔

اویسی

اسکو بھی ملاحظہ کریں!
اس کام میں تو ہم پاکستان آگے نکلے گئے



کراچی(محمد عسکری/اسٹاف رپورٹر) اردو ڈکشنری بورڈ کا51 سال قبل شروع ہونے والا منصوبہ بدھ کو مکمل ہوگیا اور اردو لغت کی22ویں اور آخری جلد مکمل ہوگئی ۔ بدھ کواردو لغت کی22 ویں اور آخری جلد مکمل ہونے کی خوشی میں اردو ڈکشنری بورڈ میں شیرینی تقسیم کی گئی۔یہ جلد حروف "ہ ، ء ے" پر مشتمل ہے۔ جلد کی تکمیل کے بعد اب جلد بندی کا عمل شروع کردیا جائے گا اور یہ آکسفورڈ طرزپر اردو کی پہلی جامع ڈکشنریکی 22 ویں اور آخری جلد 15 روز سے ایک ماہ کے اندر فروخت کیلئے دستیاب ہوگی۔واضح رہے کہ آکسفورڈ یونیورسٹی نے 70سال میں 13جلدیں شائع کی تھیں جبکہ اردو ڈکشنری بورڈ نے 51سال میں الف تا ی پر مشتمل 22ویں جلد مکمل کرکے ریکارڈ قائم کیا ہے۔ اردو ڈکشنری بورڈ اب لغت کی تکمیل کے بعد تحقیقی لغت، اسٹوڈنٹس لغت، سائنسی لغت اور فنی لغت کی اشاعت کرے گی جس کی منظوری گزشتہ سال اپریل میں کراچی میں وفاقی سیکرٹری تعلیم کی زیرصدارت اجلاس میں پہلے ہی دی جاچکی ہے۔

جنگ

shafresha

اویسی بھائی آپ نے آکسفورڈ یونیورسٹی کی شائع کردہ جلدوں‌کی ضخامت اور کام کی کوالٹی دیکھی ہے؟؟؟

اویسی

پیارے دوست آپکی بات درست ہے اسکی کوالٹی واقعی بہت اچھی ہے
مگر
اسکو بھی دیکھنا پڑے گا کہ یہ کیسی ہے؟ کیونکہ میںنے یہ اردو لغت نہیں دیکھی۔

اویسی

ضخامت یہ لفظ میرے لیے نیا ہے۔ میں اسکو لغت میں دیکھا تو اسکا مطلب کچھ یوں ہے۔

ذخیرہِ الفاظ میں ا ضافہ کرنےکا شکریہ

اے حق انصاری

نعت شریف
تم ذات خدا سے نہ جدا نہ خدا ہو
اللہ ہی کومعلوم کیا جانیے کیا ہو
یہ کیوں کہوںمجھ کویہ عطا ہویہ عطاہو
وہ دو کہ ہمیشہ مرے گھر بھر کا بھلا ہو
جس بات میں مشہورجہاں ہے لبِ عیسٰی
اے جانِ جہاںوہ تری ٹھوکر سے ادا ہو
ٹوٹے ہوئے دم جوش پہ طوفان معاصی
دامن نہ ملے اُن کا توکیاجانیے کیا ہو
یوں جھک کے ملے ہم سے کمینوں سے وہ جسکو
اللہ نے اپنے ہی لیے خاص کیا ہو
مٹی نہ ہو برباد پسِ مرگ الہٰی
جب خاک اڑے میری مدینہ کی ہوا ہو
منگتا تو ہیں منگتا کوئی شاہوں میں دکھادے
جس کو مرے سرکارسے ٹکڑا نہ ملا ہو
قدرت نے ازل میں یہ لکھا اُن کی جبیں پر
جوان کی رضا ہووہی خالق کی رضاہو
ہروقت کرم بندہ نوازی پہ تُلاہے
کچھ کام نہیں اس سے بُرا ہواکہ بھلا ہو
سوجاں سے گنہگار کا ہو رختِ عمل چاک
پردہ نہ کھلے گر ترے دامن سے بندھا ہو
ابرار نکو کار خدا کے ہیں خدا کے
ان کا ہے وہ وہ اُن کا ہے جو بدہو جو بُرا ہو
اے نفس انہیں رنج دیا اپنی بدی سے
کیا قہر کیا تو نے ارے تیرا بُرا ہو
اللہ یوں ہی عمر گزر جائے گدا کی
سر خم ہو درِ پاک پر اور ہاتھ اُٹھا ہو
شاباش (حسن)اور چمکتی سی غزل پٹرھ
دِل کھول کر آئینہ ایمان کی جلا ہو

shafresha

بھائی حق انصاری السلام علیکم،
آپ نے غلط سیکشن میں‌نعت پوسٹ‌کردی ہے!
آپ سے درخؤاست ہے کہ مندرجہ ذیل سیکشن میں‌جا کر اپنا تعارف کروائیں۔
تعارف - پاکستان کی آواز - پاکستان کے فورمز

rabab

شکریہ ان شاءاللہ مجھے
بہت مدد ملے گئی اردو سیکھنے میں

اویسی

جناب میری دعائیں آپکے ساتھ ہیں
شکریہ