یاسر عمران مرزا

میری بہت عرصے سے یہ خواہش تھی کہ میں مکمل قرآن کریم اپنے بلاگ میں شامل کروں ۔ اس سلسلے میں اپنے بلاگ پر میں نے کئی پوسٹس کیں جن میں قرآن کریم یا تو ڈاؤن لوڈ کے لیے پیش کیا گیا یا قرآن کریم کی تلاوت ڈاؤن لوڈ کرنے کا لنک دیا گیا۔ تاہم ورڈ پریس بلاگ پر قرآنی سورتیں اٹیچ نہ کی جا سکیں کیوں کہ ورڈ پریس ڈاٹ کام بلاگ پر ڈاکومنٹس اور تصاویر تو اٹیچ کی جا سکتی ہیں لیکن صوتی فائلز نہیں۔ بعدازاں میں نے بلاگر ڈاٹ کام پر بھی آڈیو فائلز شامل کرنے کی کوشش کی مگر وہ طریقہ کار بھی جما نہیں۔ کئی بار میں نے سوچا کہ اپنی ہوسٹنگ خرید کر اس پر بلاگ بناؤں اور اس میں قرآن کریم کی تلاوت شامل کروں لیکن وہ خیال بھی تاخیر کا شکار ہوتا رہا۔

کچھ عرصہ قبل میں نے بلاگ ڈاٹ کام پر موجود نظام کا جائزہ لیا تو معلوم ہوا وہاں پر اگر چہ ورڈ پریس پلیٹ فارم ہی کام کر رہا لیکن صوتی یعنی آڈیو فائلز شامل کرنے کے گنجائش موجود ہے۔ اس بات کا علم ہونے کے ساتھ ہی قرآنی تلاوت پر مشتمل بلاگ بنانے کا خیال ایک بار پھر جاگ اٹھا۔ جس پر میں نے بلاگ ڈاٹ کام پر ایک نئی سب ڈومین حاصل کی۔

http://quranmp3.blog.com


پھر امام کعبہ ماہر المعیکلی کی تلاوت حاصل کی اور اسے بلاگ پر اپ لوڈ کرنا شروع کر دیا۔ یکے بعد دیگرے تمام قرآنی صورتیں شامل کیں اور انہیں ترتیب میں درست کیا۔ جس کا نتیجہ قرآن ایم پی تھری بلاگ کی صورت میں آج مکمل ہو چکا ہے۔ تمام قرآنی سورتوں تک رسائی حاصل کرنے کے لیے اوپر ایک نیوی گیشن بار موجود ہے ۔جہاں پر تمام صفحات کے لنک شامل ہیں۔ ہر صفحہ دس سورتوں پر مشتمل ہے ، یوں مکمل قرآنی سورتیں بارہ صفحات پر سمائی ہوئی ہیں۔اور کسی ایک سورت کی تلاوت سننے کے لیے اس کے ٹائٹل پر کلک کرنے کے بعد ذیلی صفحہ موجود ہو گا جہاں پر ایک آن لائن پلئر تلاوت چلانا شروع کر دیتا ہے۔

میں اس پراجیکٹ پر مزید کام کرنے کا ارادہ بھی رکھتا ہوں اور ارادہ ہے کہ مزید قاری حضرات کی تلاوت بھی اس بلاگ پر شامل کروں۔ اگرچہ انٹرنیٹ بہت وسیع ہے اور اس پر قرآنی تلاوت سننایا ڈاؤن لوڈ کرنا کوئی غیر معمولی بات نہیں ۔ آپ کو درجنوں ایسی ویب سائٹس مل جائیں گی جہاں تلاوت موجود ہے۔ لیکن قرآن پیغام حق ہے اور یہ جس قدر زیادہ پھیلایا جا سکے اس قدر بہتر ہے۔ چنانچہ انٹرنیٹ پر تلاوت کے ذخیرے میں میری یہ ایک چھوٹی سی کوشش بھی شامل ہو جائے اور اللہ تعالی میرا یہ عمل قبول فرمائیں۔


یہ پراجیکٹ میں اپنے ماں باپ اور اپنے استادوں کے نام منسوب کرتا ہوں جنہوں نے مجھے اس قابل بنایا کہ میں قرآن شریف پڑھ سکوں اوراسے دوسروں تک پہنچا سکوں۔ بہت شکریہ

نوٹ: چونکہ یہ قرآن سے متعلقہ بلاگ ہے اس لیے میں نے ہر ممکن کوشش کی ہے کہ اس میں کوئی غلطی نہ ہو اور اختتام پر میں نے تمام پوسٹس کا پھر سے جائزہ بھی لیا ہے ۔ اس کے باوجوداگر کوئی غلطی نظر آئے تو مجھے جلد از جلد ای میل کر دیں تاکہ غلطی کو درست کیا جا سکے۔

http://quranmp3.blog.com/

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

یاسر عمران مرزا

کوئی تبصرہ نہیں کرے گا؟

راجہ اکرام

السلام علیکم
یاسر بھائی بہت زبردست کام کیا ہے آپ نے اللہ جزائے خیر دے

میں نے وزٹ کیا اور سننے کی کوشش بھی کی لیکن کامیابی نہیں‌ہوئی
کیا ابھی قابل سماعت نہیں بنایا اس کو یا میرے پاس مسئلہ ہے؟

__________________
محتاج اصلاح و دعا

شمشاد احمد

ماشاء اللہ بہت خوب محنت ہے۔

اور ميں نے سنا ہے اور بہت لطف آيا۔۔۔۔ مزےكي بات يہ كہ تلاش بھي بہت آسان ہے۔۔۔

اللہ تعالي آپ كو جزاء خير عطاء فرمائے۔۔۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

شمشاد احمد

ميرے پاس تو اے ون كام كر رہا ہے۔۔۔۔ شروع ميں ميں بھي سورت پر كلك كر كے بيٹھ‌گيا تھا ليكن آواز نہيں آئي پھر تھوڑا تلاش كيا تو پتہ چلا كہ پلے كے بٹن پر شكريہ كے بٹن كي طرح كلك كرنا پڑتا ہے۔۔۔


اگر پھر بھي مسئلہ حل نہيں ہو رہا تو۔۔۔۔۔۔۔ كہاني كچھ اور بھي ہو سكتي ہے۔۔۔۔عين ممكن ہے اسے سنانے يا سننے كے لئے دربار پر ہي ہميں بلانا پڑے۔

یاسر عمران مرزا

آپ کے پاس کوئی مسئلہ ہے ، میں تو کئی بار کئی سورتوں کی تلاوت سن چکا ہوں۔

یاسر عمران مرزا

جزاک اللہ بہت بہت شکریہ۔ اس کی مزید ترویج کرنے میں‌میری مدد کیجیے۔۔۔

شمشاد احمد

جي ضرور اس نيك كام ميں شموليت انشاء اللہ باعث سعادت ہو گي۔۔۔ آپ بتائيں كس طرح اور كيا كرنا ہے۔۔ انشاء اللہ بندہ حاضر ہے

عبیداللہ عبید

جزاک اللہ احسن الجزاء

اللہ مزید کی توفیق عطا فرمائے ۔اور اسے آپ کے لیے زادِ آخرت بنائے۔

پیارا

مزا آگیا ہے اب میں کام کرتے ہوئے ساتھ قرآن بھی سنتا ہوں۔ جزاک اللہ بھائی۔
اگر کوئی ساتھ اردو ترجمہ ہوتا تو اور مزا آجاتا

راجہ اکرام

السلام علیکم
ماشاء اللہ بہت خوبصورت
اب میں بھی سننے میں کامیاب ہو گیا
جزاک اللہ خیر

عبیداللہ عبید

کیا کسی دوست کو سدیس کی ایسی تلاوت کے متعلق پتہ ہے جس میں اس کے ساتھ عبدالماجد دریابادی رحمہ اللہ کا انگریزی ترجمہ ہو ؟؟؟

احمد بلال

یقینا بہت محنت کی ہے آپ نے۔ اللہ آپکو جزا دے۔ یہ فنگشن ڈال دیں تو مزہ آ جائے۔ جب کسی سورت کو سننے کے لئے منتخب کی جائے تو ساتھ میں آپشن ہو کہ کس قاری کی آواز میں سننا ہے۔

یاسر عمران مرزا

اگر آپ کسی بلاگ یا ویب سائٹ کے مالک ہیں تو قرآن ایم پی تھری کا لنک وہاں پر شامل کریں۔ ایک معلوماتی پوسٹ بھی لگا سکتے ہیں۔
آپکے ایسے دوست جو آپ کی ریکمنڈ کی گئی چیزوں میں دلچسپی رکھتے ہوں انہیں بذریعہ ای میل قرآن ایم پی تھری بلاگ کا لنک بھیج دیں۔ اسلامی مواد کے شوقین حضرات کے لیے بھی یہ لنک پسندیدہ ہو سکتا ہے۔

یاسر عمران مرزا

بہت بہت شکریہ بھائی۔ آپ تلاوت سنتے ہیں تو اسکا مطلب یہ ہوا کہ میرا کام صدقہ جاریہ ہو گیا۔ کبھی موقع ملے تو نماز کے بعد میرے لیے اور میرے ماں‌باپ کے لیے دعا کے دو لفظ اللہ تعالی کے حضور پیش کر دیجیے گا۔

اردو ترجمے پر مشتمل تلاوت بھی جلد ہی پیش کرنے کا ارادہ رکھتا ہوں۔
ایک اور صاحب نے رائے دی ہے کہ انگریزی انٹرفیس پر مشتمل پہلے ہی کافی سائٹس موجود ہیں۔ لیکن اردو میں سائٹس موجود نہیں ہیں تو اردو میں قرآن کی تلاوت والا بلاگ/ویب سائٹ بھی بنائی جائے۔
اس کے لیے میرے پاس امام کعبہ عبدالرحمن السدیس کی آواز میں قرآن کریم بھی موجود ہے۔ جس کی ہر آیت کے بعد اردو ترجمہ بھی پڑھا جا رہا ہے۔ وہ تلاوت بھی جلد ہی پیش کرنے کی کوشش کروں گا۔