عدنان دانی

انٹرنیٹ پر خفیہ معلومات جاری کرنے والی ویب سائٹ وکی لیکس عراق اور افغانستان میں امریکی فوج کے واقعات اور انٹیلیجنس رپورٹس پر مبنی خفیہ معلومات منظر عام پر لانے کی وجہ سے ایک بار پھر توجہ کا مرکز بن گئی ہے۔

کلِک عراق پر جاری ہونے والی چار لاکھ خفیہ دستاویزات اور اسی سال جولائی میں افغانستان پر ستر ہزار خفیہ دستاویزات شائع کرنے کے بعد اس نے صحافتی اور حکومتی حلقوں میں ہلچل مچا دی ہے۔اس ویب سائٹ کی جانب سے اپریل دو ہزار دس میں کلِک ایک ویڈیو جاری کی گئی تھی جس میں دکھایا گیا تھا کہ دو ہزار سات میں عراقی دارالحکومت بغداد میں ایک امریکی اپاچی ہیلی کاپٹر نے برطانوی خبر رساں ادارے رائٹرز کے دو صحافیوں سمیت بارہ افراد کو ہلاک کیا تھا۔اکتوبر دو ہزار نو میں ان لوگوں کے نام اور پتے کی فہرست جاری کی تھی جن کے بارے میں اس کا دعویٰ تھا کہ ان کا تعلق برٹش نیشنل پارٹی سے ہے۔ پی این پی نے فہرست کو جعلسازی قرار دیا تھا۔دو ہزار آٹھ میں امریکی انتخابات کے دوران اس نے ایک میل بکس کے خاکے جاری کیے تھے جن میں اس وقت کی نائب صدر کی امیدوار سارہ پالن کی تصاویر اورایڈریس بک کے متعلق معلومات تھیں۔
س ویب سائٹ کو سن شائن نامی تنظیم چلاتی ہے اور اس کا دعویٰ ہے کہ انسانی حقوق کی تنظیمیں، عام شہری، تحقیقاتی صحافت کرنے والی صحافی اور ٹیکنالوجی کے ماہرین ان کو مالی وسائل مہیا کرتے ہیں۔

جب سے یہ ویب سائٹ انٹرنیٹ پر سامنے آئی ہے اس وقت اس کو ختم کرنے یا آف لائن کرنے کی باتیں ہو رہی ہیں اور اس حوالے سے اسے متعدد قانونی مشکلات کا سامنا ہے۔مثال کے طور پر دو ہزار آٹھ میں ویب سائٹ کو بند کرنے کے متعلق ایک سوئس بینک جولیس بیور نے ایک مقدمہ جیتا تھا۔ ویب سائٹ پر اس بینک کی غیر ملکی سرگرمیوں کے بارے میں دستاویزات جاری کی گئی تھیں۔

تاہم سائٹ کے کئی چہرے ہیں اور یہ دنیا کے مختلف ممالک سے چلائی جا رہی ہے۔

وکی لیکس کا دعویٰ ہے کہ جب سے یہ قائم ہوئی ہے اس وقت سے لے کر اب تک یہ ایکسو قانونی حملوں کا مقابلہ کر چکی ہے۔

یہ ویب سائٹ بنیادی طور پر سویڈن کے ایک انٹرنیٹ مہیا کرنے والے ادارے ’پی ایس کیو‘ کی طرف سے چلائی جا رہی ہے۔ یہ ادارہ فائلز کے تبادلے یا فائل شیئرنگ کی ویب سائٹ پائریٹ بے کی وجہ سے مشہور ہے۔
سانچ نے بی بی سی کو بتایا کہ ویب سائٹ نے بہت ترقی کی ہے اور اس کو بہت زیادہ مقدار میں مواد وصول ہوا ہے۔

رواں سال امریکی اخبار نیویارک ٹائمز، دی گارڈین اور جرمن جریدے دے سپیگل کے ساتھ شراکت داری کے ساتھ افغان جنگ سے متعلق معلومات جاری کرنا اس کی ایک نئی حکمت عملی تھی۔
بی بی سی اردو

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !

عبدالقدوس

ٹورنٹ استعمال کرنے والووووووووووووو اب بھی سنبھل جاو

عبدالقدوس

پائرٹس بے جرمنی میں اور ویکی لیکس فرانس میں ہے یہ تو پاکستانی پولیس والا کیس لگتا ہے
لڑکی کراچی سے پکڑی لڑکا کامونکی سے اور پرچا اکٹھے بیٹھنے کا بنادیا

__________________

یاسر عمران مرزا

اچھی معلومات ہیں‌عدنان بھائی۔ بہت بہت شکیرہ

عدنان دانی

شکریہ بھائی

زارا

السلام علیکم

معلومات کا شکریہ

محمدخلیل

اچھا جی مجھے بھی ابھی پتا چلا ہے لیکس کے بارے میں بہت شکریہ دانی بھائی