اسلام آباد میں غیر ملکی شہریوں کی یلغار اور انکی مشکوک سرگرمیوں نے متعلقہ اداروں کو چوکنا کر دیا ہے۔یہ مشکوک اضافہ پچلے 2-3 ماہ میں ہوا اور تقریباََ تین سو غیر ملکیوں نے ،جن میں زیادہ تعداد اسرایئلی اور برطانوی شہریوں کی ہے،مہنے کرائے پر مکانات لیے ہیں۔ ان مکانات میں کوئی نہیں رہتا ۔ ۔ ۔ ۔ لیکن ہمسائیوں نے شکایت کی ہے کہ رات کے وقت بڑی بڑی گاڑیاں آتی ہیں اور چیزیں اتارنے اور چڑھانے کی آوازیں آتی ہیں۔اس سببوہاں پر خوف و ہراس پایا جاتا ہے۔
دوسری طرف ایک خوفناک سکینڈل سامنے آیا ہے کہ اسلام آباد کے سیکٹر F-6میں ایک پرائیویٹ ایجنسی پاک آرمی کے سپیشل سروسز گروپ کے کمانڈوز کو بھرتی کر ہی ہے جنکو تربیت غیر ملکی افراد دیتے ہیں۔
کراچی کے اخبار "امت" کی تحقیقات کے مطابق ان کمانڈوز کو بھاری ماہانہ مشاہرہ دیا جاتا ہے اور اس میں نوکری کے لیے بیٹھے ایک امیدوار نے بھی تسلیم کیا کہ اس کمپنی کے اطوار مشکوک لگتے ہیںتاہم معاشی پریشانی کے سبب وہ یہ نوکری کرنے پر مجبور ہے۔ اس سے دستیاب معلومات کے مطابق کمپنی کا تربیتی دفتر روات میں ہے جو کہ بظاہر ایک ورکشاپ ہے۔
تحقیقات کرنے پر معلوم ہوا کہ اس ورکشاپ کو ایک برطانوی شہری میتھیو چلا رہا ہے جو برطانوی کمانڈو ادارے ایس اے ایس سے ہے اور بعد میں کابل میں امریکی دہشت گرد فورس بلیک واٹر کا حصہ رہا ہے۔اس تربیت گاہ میں ایک انسٹرکٹر بھارتی بھی ہے۔ یہ تمام انسٹرکٹرز شلوار قمیص پہنتے ہیں اور انہوں نے داڑھیاں بھی رکھی ہوئیں ہیں۔
ایک تربیت یافتہ کمانڈو نے "امت" کو بتایا کہ دوران انٹرویو اس سے پوچھا گیا کہ کیا وہ غیر ملکیوں کے ساتھ رہنا اور کھانا پسند کرتا ہے؟اگر اسکو دوران ڈیوٹی نماز نہ پڑھنے دی جائے توع اسکا کیا رد عمل ہو گا؟ کیا اس نے کبھی مجاہدین کے ساتھ کام کیا ہے؟
اس کمانڈو نے "امت" کو بتایا کہ منتخب شدہ افراد کو لال مسجد کے پاس ایک ریسٹ ہاوس میں لایا جاتا ہے اور بعد ازاں انکو روات پہنچا دیا جاتاہے۔ اس نے بتایا کہ انکو نماز پڑھنے کی اجازت نہیں ہوتی اور ٹریننگ کیمپ میں موجود مسجد کو ہر وقت تالا لگا کر رکھا جاتا ہے۔ اس کے مطابق انکو جدید ٹیکنالوجی کے دھماکہ خیز مواد اور گھات لگانے وغیرہ کی ٹریننگ دی جاتی ہے۔
اس کمانڈو نے "امت" کو بتایا لپ سب سے پہلے انکو ایسی فلمیں دکھائی جاتی ہیں جن میں لال مسجد آپریشن، پاکستان کا پرچم جلائے جانے کی فوٹیج اور دیگر ایسی فوٹیج دکھائی جاتی ہیں جن میں گیر ملکیوں کے ہاتھوں پاکستانیون کی تذلیل و تحقیر شامل ہیں۔ دوران تربیت بار بار انکو احساس دلایا جاتا کہ یہ ہو تم پاکستانی۔کیا حیثیت ہے تمہارے پاکستان کی۔تربیت حاصل کرنے والوں کو ہر طرح سے پاکستانی ہونے پر شرمندہ کیا گیا اور انکو سکھایا گیا کہ عزت سے زندہ رہنے کی خاطر ان سے سمجھوتہ کر لو۔۔

روزنامہ امت" کے نامہ نگار نے بذات خود اس ٹیننگ سینٹر کا دورہ کیا اور روات انڈسٹریل اسٹیٹ کے 4 کلومیٹر اندر "کار اینڈ کرافت" کی ورکشاپ ہے۔ حالانکہ ورکشاپ ہے اس کے باوجوداس کے چاروں کونوں پر باقاعدہ چوکیاں بنائی گئی ہیںجہاں مسلح اور چاکو چوبند گارڈز 24 گھنٹے موجود رہتے ہیںچاروں طرف خار دار باڑ لگی ہوئی ہے۔اس کی عمارتوں کی بعض حصوں کو تڑپال ڈال کر چھپایا گیا ہے۔ہر طرف سیکیورٹی کیمرا لگے ہوئے ہیں۔ حالت سے لگتا ہے کہ یہاں عرصہ سے کوئی گاڑی ریپیر ہونے کے لیے نہیں آئی۔ کار واش کے ملازموں کے بجائے آتشیں اسلحہ والے ملازم ہر وقت ٹہلتے رہتے ہیں۔۔
اس وقت نامہ نگار کے ساتھ موجود ایک کمانڈو نے اس کو متنبہ کیا کہ اس عمارت میں ایسا سکیورٹی سسٹم موجود ہے کہ ایک کلومیٹر تک تمام نقل و حمل نوٹ کی جاتی ہے اور تمام موبائل کالز سنی جاتی ہیں۔

ماہرین نے خدشہ ظاہر کیا ہے کہ بلیک واٹر پاکستان میں متحرک ہے اور ملک میں جاری بلوے اور قتل وغارت کی وارداتوں میں ممکنہ طور پر اسی فورس کا ہاتھ ہے۔
"روزنامہ امت" نے سیکیورٹی ایجنسی کے مالک سے رابطہ کرنے کی بار بار کوشش کی لیکن سیکیورٹی ایجنسی میں کسی نے نمبر اٹینڈ نہیں کیا۔