معلوم ہوا ہے کہ دہشت گردی کے نام پر جو فوج قبائلی علاقوں میں کاروائی جاری ہے اس کے تحت بہت سے افراد کو شک اور کچھ کو یقین کی بنیاد پر پکڑا جاتا ہے کہ یہ لوگ ملک دشمن عناصر کے ساتھ ملے ہیں یا قتل و غارت میں ملوّث ہیں۔ اسطرح کے لوگوں سے قبائیلی علاقوں کی انتظامیہ جسکو پولیٹکل انتظامیہ کا نام انگریزی حکومت نے دیا ہے کے قید خانے بھرے ہوئے ہیں۔ یہ لوگ چونکہ فوج یا دفاعی انتظامیہ کے براہ راست پہنچ سے الگ ہوتے ہیں اسوجہ سے ان لوگوں‌کو رہا کرانے کے نام پر یہ پولیٹکل انتظامیہ کی تنظیم کافی پیسہ ان لوگوں سے بٹور رہی ہے۔ ان لوگوں کے علاوہ بھی عام لوگوں‌کو جن کا کوئی خاص پوچھنے والا نہ ہو انکو دفاعی اداروں کے ہاتھوں‌گرفتار کروانے یا انکو مشکوک پیش کرنے کی دھمکی کے پردے میں ایک الگ دھندے کا باب کھُل گیا ہے۔ اس تمام کام میں فوج کے وہ بڑے افسران جو اس پکڑدھکڑ کے اصل ذمّہ دار ہیں وہ اکثر خبرہی نہیں‌رکھتے ہیں کہ انکی صاف کوشش کے سایے میں کیا کالا دھندا چلانے کی الگ رسم چل نکلی ہے۔ دراصل یہ پولیٹکل انتظامیہ ایک ایسی حکومتی تنظیم ہے جس کے قوانین انسانیّت کے قوانین سے گرے بدترین اصولوں‌پر مبنی ہیں جو انگریز نے صرف ان لوگوں‌کو ایک رسّی میں‌باندھے رکھنے کے لئے وضع کئے تھے۔ اب یہ انتظامیہ طالبان تحریک کا خاص نشانہ رہی ہے اور یہ کھُلے عام رشوت ستانی سے عاجز ہے تو انہوں نے کمائی کا یہ نیا ذریعہ ایجاد کیا ہے کہ جس کودہشت گردی کے شبے میں قید کی دھمکی دیں‌ وہ راتوں‌رات پیسہ لے کر حاضر ہو جاتا ہے۔ اسکے علاوہ وہ دھشت گردی کے شبے میں قید رہے لوگوں کو آزاد کرانے کا جھانسہ دیکر دفاعی اداروں‌ کوغلط مشورے دینے کا بھی ٹھیکہ لینے کی کوشش کرتے ہیں۔ ایک وقت میں تقریبا" دو تین سو قیدی ہاتھ آتے ہیں تو یہ لوگ انکو اپنی کمائی کے لئے الگ الگ زاویے سے ناپنے کی کوشش کرتے ہیں۔