جنگوں میں انسانی جانوں کے ضیاع کے لیۓ عام طور پر ایک اصطلاح استعمال کی جاتی ہے "کولیٹرل ڈیمج" شاید اس کو اب زبانوں کے ضیاع تک بھی وسیع کرنا چايئے۔
جب جنوبی وزیرستان میں دہشت گردی کی وجہ سے ملٹری آپریشن شروع کیا گیا، ارمری جو کہ برقی قبیلے کی زبان ہے، بھی متاثر ہوئی۔ ارمری زبان کے بولنے والے ملک کے مختلف علاقوں میں پھیل چکے ہیں اور اب یہ زبان تباہی کے دہانے پر ہے۔
یہ زبان کنی گرام کے علاقے میں پروان چڑھی جو کہ جنوبی وزیرستان میں ایک وادی ہے۔
ملک کے مختلف علاقوں میں ہجرت کرنے سے پہلے کنی گرام وادی میں کوئی 10،000 لوگ رہتے تھے جو یہ زبان بولتے تھے۔آج، برقی قبیلے کے لوگ اب کافی تعداد میں لاہور، پشاور، بنوں اور کنی گرام اور افغانستان میں لوگاڑ اور پکتیا کے علاقوں میں پھیل چکے ہيں۔ لیکن زیادہ تر لوگوں نے نئے علاقوں کی بڑی زبانوں اپنا لیا ہے جیسا کہ پشتو، اردو اور پنجابی۔
روزی خان کا کہنا ہے کہ" اگرچہ زبان کا نقصان لوگوں کو اقتصادی طور پر تو متاثر نہیں کرے گا لیکن یہ علاقائی تاریخ اور رسم و روایات کو دفن کر دے گا۔ " مختلف پودے اور علاقائی ہربل ادویات اپنا نام کھو دیں گی۔ کچھ پرندے ارو جانور اپنا نام کھو بیٹھیں گے اور وہاں کی کہاوتیں اور کہانیاں بھی ساتھ ہی دفن ہو جائیں گی"۔

میری ذاتی رائے کے مطابق شاید ہم اس کا اندازہ نہ کر پائیں کہ ایک شخص کتنے کرب سے گزر رہا ہو گا جب اس کے سامنے ہی اس کی رسم و روایات کو دفن کیا جا رہا ہو، واپس اصل مسئلے کی طرف آتا ہوں دہشت گردی نے جہاں انسانوں کو متاثر کیا ہےوہاں تہذیبیں بھی خطرے میں ہیں۔ اللہ اس علاقے سے شدت پسندی کا خاتمہ کرے اور لوگوں کے ساتھ ساتھ ان کی زبان کی بھی حفاظت کرے۔ آمین
-ٹرائیبیون ایکسپریس