اسلام علیکم
پولیس اور عوام کا حال دیکھیے اور بتایے فائیدہ کس کا نقصان میں کون؟


لیہ میں زیرحراست ملزم کی ہلاکت پر مشتعل افراد کا تھانے پرحملہ، زبردست توڑ پھوڑ
لیہ (آئی این پی) زیر حراست ملزم کی ہلاکت کیخلاف لواحقین نے تھانے پر دھاوابول دیااورریکارڈ کو توڑ پھوڑو فرنیچر کو جلا دیا ‘ مظاہرین کے پتھراؤ سے ڈی پی او لیہ سمیت 4اہلکار زخمی جبکہ تھانے میں بند 4حوالاتی فرار ہوگئے‘ ڈی پی او لیہ نے ایس ایچ او کو معطل کردیا۔لیہ کے تھانہ فتح پور میں پولیس نے موٹر سائیکل چوری کے الزام میں ایک شخص الله دتہ کو گرفتار کیا تھا جو منگل اور بدھ کی درمیانی شب تھانے کی حوالات میں ہلاک ہوگیا۔ لواحقین نے الزام عائد کیا ہے کہ الله دتہ پولیس کے تشدد سے ہلاک ہوا ہے۔ پولیس واقعے کو غلط رنگ دے رہی ہے،بعدازاں لواحقین نے تھانہ پر دھاوا بول دیا اور شدید احتجاج کیااور ریکارڈ اور فرنیچر کو جلا کر توڑ پھوڑ کی گئی،مظاہرین نے تھانے میں کھڑی موٹر سائیکلوں اور گاڑیوں کو بھی آگ لگا دی،اس دوران تھانے کے حوالات میں بند 4حوالاتی موقع کا فائدہ اٹھاکر فرار ہوگئے۔ پولیس نے موقف اختیار کیا ہے کہ ملزم نے خودکشی کی ہے اور اس نے الماری کے ساتھ رسی کو باندھ کر گلے میں پھندا ڈال کر اپنی زندگی کا خاتمہ کیا ہے ۔ احتجاج کی خبر سنتے ہی ڈی پی او لیہ جائے وقوعہ پر پہنچ گئے اور مظاہرین سے مذاکرات کرنے کی کوشش کی مگر مظاہرین نے پتھراؤ کاسلسلہ جاری رکھا جس سے ڈی پی او لیہ اور ڈی ایس پی سمیت متعدد اہلکار زخمی ہوگئے ، ڈی پی او لیہ نے ایس ایچ او ملک عبدالمجید کو فوری طور پر معطل کرنے کے احکامات جاری کردیئے۔ مظاہرین کے احتجاج کی وجہ سے لیہ میانوالی روڈ کئی گھنٹے تک بند رہا جس کی وجہ سے مسافروں کو شدید مشکلات کا سامنا کرنا پڑا اور سڑک کی دونوں جانب گاڑیوں کی لمبی قطاریں لگ گئیں۔ بعدازاں مظاہرین نے نوجوان کی لاش کو فتح پور چوک میں رکھ کر احتجاج کیا اور ٹائر جلائے۔ این این آئی کے مطابق مظاہرین نے حوالات کے دروازے کھول کر 4 حوالاتی بھگا دیئے۔ مشتعل مظاہرین نے تھانہ میں توڑ پھوڑ کی اور ہاتھ آنے والے ایک کانسٹیبل صدیق کو تشدد کا نشانہ بناڈالا۔پیٹی بند بھائی کو چھڑانے کے لئے پولیس نے مظاہرین پر آنسو گیس کی شیلنگ اور ہوائی فائرنگ کی۔ ڈی پی او نے مظاہرین کے مطالبہ پر ایس ایچ او سمیت 7 اہل کاروں کے خلاف مقدمہ درج کرلیا۔ جس کے بعد مظاہرین منتشر ہوگئے۔