منتظمین

سرورق کے لیے پیش کریں‌ اور پہلی فرصت میں‌لگا دیں۔

ھارون اعظم

مشال خان

بھائی بہت اچھا لکھا ہے، اللہ انکو جنت الفردوس مین جگہ عطافرمائے. کہ زندگی نے ایک دن ختم تو ہونا ہی ہے، بس جاو تو اس عزت سے کہ جانے کے بعد بھی لوگ عزت سے یاد کریں، ایسی عزت کسی کسی کو ہی نصیب ہوتی ہے. اللہ ان کے گھر والوں کو صبر جمیل عطا فرمائے. ؂

Osho

واقعی ڈاکٹر صاحب ایک عظیم انسان اور محقق تھے۔ یہ سانحہ ایسا ہے کہ جس کا خلا بہت دیر سے پر ہو گا۔

سلمان علی

ڈاکٹر فاروق: ایک قتل ناحق By ریحان احمد یوسفی
ڈاکٹر محمد فاروق خان صاحب کے قتل کی خبر سے مجھے صدمہ تو ہوا، حیرت نہیں ہوئی۔ جس معاشرے میں ۔کفر کے فتو وں کی فیکٹریاں لگی ہوئی ہوں ، ایمان و اخلاق کے بجائے تعصب اور نفرت کی فصل کاشت کی جا رہی ہو، اپنے گروہ اور اپنے فرقے کے سوا ہر دوسرے شخص کو گمراہ قرار دیا جاتا ہو، علم کے بجائے جہالت کا غلبہ ہو، اختلاف رائے کو ایک جرم سمجھا جاتا ہو؛ وہاں قیمتی انسانی لہو کو ارزاں ہونا ہی تھا۔

میں تنہا ڈاکٹر فاروق کا مرثیہ کیا کہوں ، کتنے ہی علمائے کرام، مصلحین اور صالحین اس خونی بارش کی نذر ہو چکے ہیں ۔ میں مرثیہ کہنے کا عادی بھی نہیں ہوں ۔ میری ذمہ داری اپنے رب کا پیغام اس کے بندوں تک پہنچانا ہے ۔ تاکہ ہر قاتل اور قاتلوں کا ہر حمایتی یہ جان لے کہ جب وہ خدا کے حضور پہنچیں گے تو ان کا کس طرح استقبال ہو گا۔

قرآن مجید میں جن جرائم کی سخت ترین سزا بیان ہوئی ہے ان میں سے کوئی جرم ’قتل مؤمن‘ سے بڑ ھ کر نہیں ۔ یوں تو ایک بے گناہ انسان کے قتل کو بھی اللہ تعالیٰ نے انسانیت کی موت قرار دیا ہے ، (مائدہ32:5) مگر کسی مؤمن کو جان بوجھ کر قتل کرنے پر اللہ تعالیٰ نے اپنے غضب اور اس جرم کی سزا کا جو بیان قرآن مجید میں کیا ہے ، اس کی کوئی اور نظیر نہیں ملتی۔ ارشاد باری تعالیٰ ہے :
’’وہ شخص جو کسی مؤمن کو جان بوجھ کر قتل کر دے تو اس کی سزا جہنم ہے جس میں وہ ہمیشہ رہے گا۔ اس پر اللہ کا غضب اور اس کی لعنت ہے اور اس کے لیے اللہ نے ایک بڑ ا عذاب تیار کر رکھا ہے ۔‘‘، (نساء 92:4)

اس آیت میں قتل مؤمن کی پانچ سزائیں بیان ہوئی ہیں :
۱) جہنم کی سزا: جہنم کی سزا کا مطلب یہ ہے کہ قاتل جنت کی عظیم نعمت سے محروم ہو چکا ہے اور اس کے بجائے قیامت کے دن اس کا ٹھکانہ جہنم کی وہ جگہ ہو گی جو بدترین جائے قیام ہے ۔

۲) خلود: قاتل کی دوسری سزا یہ ہے کہ اسے جہنم میں اس لیے نہیں ڈالا جائے گا کہ کچھ سزا کے بعد باہر نکال لیا جائے بلکہ اسے ہمیشہ ہمیشہ کے لیے جہنم میں رہنا ہو گا۔ جہنم کی ابدی سزا اصل میں کفار اور متکبرین کی سزا ہے ۔ اس کا مطلب یہ ہے کہ قاتل مؤمن کے ساتھ اللہ پر اپنے ایمان کو بھی قتل کر دیتا ہے ۔ نتیجتاً اس نے اگر کوئی نیک عمل کیا ہے تو وہ ختم ہوجاتا ہے ۔ جس کے بعد اس کی کوئی گنجائش نہیں رہتی کہ اسے جہنم سے کبھی باہر نکالا جائے ۔

۳) اللہ کا غضب: قاتل کی تیسری سزا یہ ہے کہ دنیا و آخرت میں اسے اللہ تعالیٰ کے غضب کا سامنا کرنا ہو گا۔ خاص کر جب روز حشر یہ مجرم اللہ کے حضور پیش ہو گا تو اس قاتل کو اللہ تعالیٰ کے شدید قہر و غضب کا سامنا کرنا ہو گا۔ یہ غضب وہ نفسیاتی اور روحانی عذاب ہے جس کا مقابلہ کوئی جسمانی عذاب نہیں کرسکتا۔

۴) لعنت: قاتل کی چوتھی سزا یہ ہے کہ اس پر اللہ کی لعنت ہو گی۔ لعنت کا مطلب اللہ کی رحمت سے محرومی ہوتا ہے ۔ ایسا قاتل دنیا اور آخرت دونوں میں اللہ کی رحمتوں سے محروم رہتا ہے ۔

۵) عذاب عظیم: پانچویں سزا یہ ہے کہ اس شخص کے لیے اللہ تعالیٰ نے بہت بڑ ا عذاب تیار کر رکھا ہے ۔ قرآن مجید میں جگہ جگہ اس عذاب عظیم کی تفصیل بیان ہوئی ہے ۔ اس کا خلاصہ یہ ہے کہ اس کے بعد انسان نہ زندوں میں رہے گا نہ مردوں میں ۔ بلکہ آگ، پیپ، کانٹے ، ہتھوڑ ے ، کھولتے ہوئے پانی میں لمحہ لمحہ تڑ پنا، چیخنا اور رونا اس کا مقدر ہو گا۔

ہم جس معاشرے میں زندہ ہیں وہاں قاتل خود ہی مدعی ہوتے ہیں اور خود ہی منصف بھی۔ خود ہی گواہ بنتے ہیں اور خود ہی جلاد بن جاتے ہیں ۔ مگر خدا کا فیصلہ واضح ہے ۔ مؤمن کا قاتل صرف جہنمی ہوتا ہے ۔ صرف ملعون ہوتا ہے ۔ صرف مغضوب ہوتا ہے ۔ اور کچھ نہیں ہوتا۔