جب سے مستونگ واقعہ کی خبر سنی ہے طبیعت خراب ہو گئ ہے سر درد سے پھٹ رہا ہے کیا یہ وہی پاکستان ہے جس کے لیے میرے آباو اجداد نے قربانیاں دی تھیں۔ یہ میرے ملک میں کیا ہورہا ہے جس شہر کو دیکھو وہاں خون ہی خون ہے ،بے گناہ خون ہر شہر کی سڑکوں پہ بہایا جا رہا ہے۔

میری اقتدار کے بھوکے اور اقتدار کے نشے نشے میں انسانیت کا سبق بھول جانے والوں سے بس اتنی سی التجاء ہے خدارا اگر ہماری حفاظت نہیں کر سکتے تو کم سے کم میرے ملک کی جڑیں کھوکھلی کرنے میں دشمن کی مدد تو نہ کرو آخر کب تک میرے پیارے ملک میں ،کبھی مذہب ،تو کبھی زبان کے نام پہ قتل و غارت گری کا کاروبار کر کے اپنی سیاست چمکاتے رہو گئے۔ قاتلو ظالمو بتاو میرے ملک کو چھوڑ نے کے لیے کتنا مال و دولت لو گئے کتنی معصوم جانوں کی قربانیاں لو گئے ایک بار ہی لے لو پر خدا کے لیے تھوڑی غیرت کرو پر تم میں غیرت کہاں تم تو چند ڈالروں کی خاطر قوم کی بیٹی اور بیٹوں کو غیروں کے آگئے بچ دیتے ہو غیرت تو ان میں ہوتی ہے جن کا قبلہ آج بھی کعبہ شریف ہے تمھارا قبلہ تو وائٹ ہاوس ہے اور یہ مذہب کے ٹھیکے دار بتائیں کہاں اسلام کہہ رہا ہے کہ اگر تم سنی ہو تو شیعوں کو مارو اور اگر شیعہ ہو تو سنیوں کو مارو ، بلوچ ہو تو پنجابی ، سندھی تیرے دشمن ، اگر سندھی ہے تو مہاجر ، پٹھان تیرے دشمن ہم سب ہی ایک دوسرے کے دشمن ہیں پھر اصلی دشمن تو ہماری کمزوری کا فائدہ اٹھاے گا ۔ کہتے ہیں کے بلوچستان کے حالات خراب کرنے میں غیر ملکی ہاتھ شامل ہے آخر وہ کون سا غائبی ہاتھ ہے جو نظر نہیں آرہا یا اس غائبی ہاتھوں نے ان کی آنکھوں پہ مال و دولت کی پتی باندھ دی ہے جو اس کو دیکھتے ہوئے بھی اندھے بن جاتے ہیں ۔ مجھے اس وقت کچھ سمجھ نہیں آرہا ڈپریشن میں کیا لکھ گیا ہوں اگر کچھ غلط لکھ گیا ہوں تو مظلوم عوام سے معذرت پر قاتلوں اور ظالموں سے نہیں ۔
از " محمد یاسر علی "

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔