طاھر

السلام علیکم،



پورے سفرنامے کا حاصل مطالعہ جملہ

ارے نہیں بھائی --- باقی سفر نامہ بھی بہت اچھا ہے۔

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

محمدعدنان

ہاہاہاہاہاہا
بہت خوب سرمد بھائی
ویسے جب میں‌بھی پہلی بار ملا تھا ان صاحب سے تو میرا بھی یہی حال تھا ان کو دیکھ کے

__________________

ابو عمار

مجھے ڈر ہے کہ میرا ایسے لکھنے پر عبدالقدوس یا رضی ناراض نہ ہوگئے ہوں

راجہ اکرام

ارے سرمد بھائی
یہ دونوں چیزیں ویسے ناراض ہونے والی ہیں تو نہیں
اگر ہوں تو مجھے بتانا

منتظمین

سرمد سٹاف میں اس بارے ایک تجویز پیش کی گئی ہے وہ بھی دیکھ لیں اور اپنی رائے سے نوازیں۔

والسلام

__________________
تم سپاہی نہیں ہو پیشہ ور قاتلو!

معظم

چلیں اب تو آپ کو اور سب کو اندازہ ہو گیا۔۔۔ امید ہے خدمت کا موقع دیں گے ۔۔

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

عبدالقدوس

شکر ہے آپ نے راز و نیاز لکھے نہیں وگرنہ مجھے بھاگ کر جان بچانا پڑتی

ابو عمار

ہا ہا ہا، بَچُو یہ راز و نیاز کی باتوں کی ہی وجہ سے میں نے چھوڑ دیا ورنہ تو خیر نہیں تھی آپ کی

عبدالقدوس

ہاہاہاہا چلو عزت رہ گئی اس کی وجہ سے

محمد کاشف حبیب

آپ کے نام کے ساتھ ہی تو لکھا ہے معاملہ فہم
واہ جی کیا بات ہے ۔ ۔ ۔ اس کار کو تو شادی اور منگنی والے فورم میں بیھج دینا چاہیے

ابو عمار

آہاں، بیٹا ادب سے بات کرتے ہیں۔ 'اس کی وجہ سے' نہیں بلکہ 'اُن کی وجہ سے' کہتے ہیں

مزمل فاروق

سرمد بھائی بقیہ اقساط کب پوسٹ کررہے ہیں ؟
شدت سے انتظار ہے -

ابو عمار

مزمل بھائی میں انتہائی معذرت خواہ ہوں کہ میں اپنی مصروفیات کی بنا پرقسطیں بہت دیر سے دے رہا ہوں۔ میں کوشش کروں گا کہ اسے جلد از جلد مکمل کر لوں۔

ابو عمار

کاروان پاک۔نیٹ لاہور سے کراچی

29 ستمبر 2009 کا دن‌ ہم نے لاہور میں‌ ہی گزارا۔ اس دن پہلے تو ہم خوب سوئے پھر ہم نے بچوں کو چڑیا گھر گھمایا اور آتے جاتے بابے دی کلفیاں کھائیں۔

لاہور سے واپسی پر ہمارا یہ ارادہ تھا کہ ایک رات بہاولپور میں کسی ہوٹل میں ٹھہریں گے اور اگلے دن کراچی کے لیے چل پڑیں گے۔ جب یہ روٹ ہم نے اپنے چچا سے ڈسکس کیا تو انہوں نے کہا کہ کسی ہوٹل میں ٹھہرنے کی ضرورت نہیں ہے میرے دوست کے بڑے بھائی وہاں ہوتے ہیں میں ان سے بات کرلیتا ہوں اور انہی کے پاس رات رہ لینا۔

30 ستمبر 2009 کو صبح 9:30 پر ہم لاہور سے بہاولپور کے لیے چل پڑے۔

لاہور سے نکلتے وقت کی تصویر:



نیشنل ہائی وے کی چند تصاویر:



راستے میں ہم نے اس ڈائیوو والے کے ساتھ بہت ریس لگائی۔ کبھی میں اس سے آگے ہوجاتا اور کبھی اسے آگے جانے دیتا



راستے میں باجرے کی فصل :



چچا نے بہاولپور میں ان انکل کو فون کر کے بتا دیا تھا کہ میرا بھتیجا آپ کے پاس آرہا ہے۔ یہ انکل کسی بڑی پوسٹ پر ہی ہیں جس کا اندازہ ہمیں ان کے گھر جا کر ہوا۔ میری ان سے آج تک ملاقات نہیں ہوئی تھی مگر وہ انکل اتنے سوئیٹو نکلے کہ وہ اپنے دفتر سے جلد ہی 4 بجے گھر آگئے اور بار بار ہمیں فون کر کے خیریت پوچھنے لگے کہ راستے میں تو سب ٹھیک ہے نا، ابھی اتنا وقت ہوگیا ہے آپ کو تو یہاں تک پہنچ جانا چاہئیے تھا، سب خیر تو ہے نا۔ حتٰی کہ ہمارا ارادہ تھا کہ راستے میں ہڑپہ سے ہوتے ہوئے جائیں گے مگر انکل کے محبت بھرے اتنے فون آئے کہ ہمیں ہڑپہ کا پروگرام کینسل کر کے ڈائرکٹ بہاولپور ہی جانا پڑا۔

دوپہر 3:40 پر ہم خانیوال پہنچ چکے تھے۔ اس کے آگے لودھراں تک روڈ ٹو وے ہوجاتا ہے اس لیے ہمیں گاڑی کافی آہستہ چلانی پڑی۔

شام 6:30 پر ہم بہاولپور شہر پہنچ چکے تھے۔ یہاں ہماری منزل فوارہ چوک کے ساتھ والی آفیسر کالونی تھی۔

یہ فوارہ چوک کی تصویر ہے:



بہاولپورشہر میں داخل ہوتے وقت ہم نے چڑیا گھر اور ایک دو اور جگہیں دیکھی تھیں۔ اس لیے انکل کے گھر فریش ہوکر جلدی سے باہر نکل آئے کہ آج کے باقی دن ہم یہ شہر بھی گھوم لیں۔ جب چڑیا گھر گئے تو پتہ چلا کہ یہاں پر اکثر مقامات عصر کے بعد بند ہوجاتے ہیں۔ ہمیں راستے میں ایک ہینڈی کرافٹ کی شاپ بھی نظر آئی تھی، لہٰذہ ہم اس کی طرف چل پڑے۔

یہ ہینڈی کرافٹ شاپ کی تصاویر ہیں:



اس شاپ میں سب چیزیں ہی کافی مہنگی تھیں اور تھی بھی فکسڈ پرائس۔ ہمارا چونکہ ہوٹل میں‌ٹھہرنے کا کرایہ بچ گیا تھا اس لیے ہم نے یہاں سے ایک بہت خوبصورت سے لکڑی کی بنی ہوئی وال کلاک لی، جس پر کلمہ طیبہ لکھا ہوا تھا۔ یہ کلاک ہمیں وہ 500 کی دے رہے تھے مگر تھوڑی بات کی تو انہوں نے 400 کی دے دی۔ اس کے علاوہ یہاں سے دو خوبصورت سے بال پین بھی خریدے۔

ایک رات انکل کے پاس ٹھہر کر اگلے دن 1 اکتوبر 2009 کو صبح 8:45 پر ہم بہاولپور سے کراچی کے لیے نکلے۔ ہمارا ارادہ تھا کہ ہم دن دن میں سندھ کا سفر کرکے شام سے پہلے کراچی پہنچ جائیں گے۔ مگر ہمارا اتنی صبح نکلنے کا کوئی فائدہ نہیں ہوا کیونکہ وہاں گاڑی نے پھر سے سی این جی پر کنورٹ ہونے سے انکار کردیا۔ اب اتنی صبح ہمیں بہاولپور میں کوئی بھی سی این جی مکینک نہیں مل رہا تھا۔ بڑی مشکل سے ایک مکینک کا پتہ چلا تو اس بیچارے کو جاکر سوتے میں سے اٹھایا۔ جب اس نے گاڑی چیک کی تو پتہ یہ چلا کہ لاہور میں پیرانِ پیر یا الیکٹریشانِ الیکٹریشن جناب شاہ جی صاحب نے جو 'ریلے' لگایا تھا اس نے کام کرنا چھوڑ دیا تھا، جس کی وجہ سے والو کام نہیں کررہا تھا۔ جب اس کو ڈائرکٹ کیا تو سب صحیح ہوگیا اور اس کے بعد کراچی تک گاڑی نے سی این جی کے لیے تنگ نہیں کیا۔ یہاں میں قارئین کو پھر سے تنبیہ کیے دیتا ہوں کہ اس سے ہرگز یہ مت سمجھیں کہ اس کے بعد گاڑی نے ہمیں تنگ نہیں کیا۔ ابھی تو:


خیر جناب یہ سب کام کروا کر ہم 10 بجے تک فارغ ہوئے۔ یہاں ہم نے بہت لوگوں سے پوچھا کہ اس شہر کی کوئی خاص چیز جو ہم اپنے ساتھ لے جا سکیں یا کوئی خاص کھانے کی چیز جو ہم جاتے جاتے چکھ لیں۔ مگر کسی نے کوئی خاص جواب نہیں دیا۔ ایک چوک پر مجھے ایک موٹا سا ٹریفک پولیس والا نظر آیا تو میں نے سوچا یہ ضرور کسی اچھی جگہ کا بتا دے گا۔ اور میرا خیال صحیح ثابت ہوا کیونکہ اس نے ہمیں بتایا کہ یہاں پر 'داتا سوئیٹ' بہت مشہور ہے آپ لوگ وہاں سے ضرور کچھ لیتے جائیے۔ داتا سوئیٹ ہمارے راستے میں ہی تھی۔ جب وہاں پہنچے تو وہاں لسی پینے والوں کا رش لگا ہوا تھا اور لسی پینے کا شوقین ہونے کا باوجود میں پینے کا رسک نہیں لے سکتا تھا کیونکہ لسی پینے کے بعد نیند بہت آتی ہے اور ابھی مجھے تقریباً 800 کلومیٹرگاڑی چلانی تھی۔ شاید اسی وجہ سے انگریز اسے وائٹ وہسکی بھی کہتے تھے۔ تو جناب ہم نے اس بیکری سے سفید پتیسے خریدے اور محترمہ کو لسی پلائی۔ یہاں کے پتیسے انتہائی لذیذ تھے، کم از کم میں نے اتنے مزے دار پتیسے نہیں کھائے۔ کراچی میں بھی جس کو کھلائے سب ہی کو بہت پسند آئے۔ اس کے بعد ہم نے اپنا سفر دوبارہ شروع کیا اور نیشنل ہائی وے پر آگئے۔

صادق آباد ہم لوگ دوپہر کے 1:15 پر پہنچ گئے تھے۔

پنوں عاقل کراس کرنے کے بعد ہمیں بہت بھوک لگ رہی تھی تو ہمیں ایک ہوٹل نظر آیا جس کا نام 'آل پاکستان چاچڑ ہوٹل' تھا۔ یہاں فیملی کے لیے الگ جگہ بھی تھی۔ ہم لوگ یہاں پر فریش ہوئے اور کھانے کے معاملے میں کوئی رسک نہ لیتے ہوئے صرف دال منگائی۔ اور یہاں کی دال کی بھی کیا بات تھی، بہت اچھی دال تھی۔ ہمیں یہ دال اتنی اچھی لگی کہ ہم نے رات کے کھانے کے لیے بھی پارسل کروا لی۔

اس طرح روہڑی ہم 4:30 پر پہنچ گئے تھے۔

ایک بار پھر روہڑی کی پہاڑیاں:



کھجور کے باغات کی کچھ تصاویر:



اسکے بعد میرے کیمرے کی بیٹری ختم ہوگئی تھی اور میں مزید تصاویر نہیں کھینچ سکا۔

روہڑی سے گزرتے ہوئے ہمیں روڈ کے کنارے کئی جگہوں پر 'رَلیاں' بیچنے والے نظر آئے۔ 'رَلی' ایک سندھی چادر ہوتی ہے جو مختلف رنگوں کے کپڑوں کے چھوٹے چھوٹے ٹکڑوں کو ملا کر بنائی جاتی ہے۔ دیکھنے میں نہایت دیدہ زیب ہوتی ہے اور یہ سندھ کی ثقافت کا حصہ بھی ہے۔

میں بیٹری ختم ہونے کی وجہ سے رَلی کی تصاویر تو نہ کھینچ سکا مگر آپ لوگوں کے لیے نیٹ سے یہ تصاویر حاضر ہیں:



رَلی لینے کے لیے میں جان بوجھ کر ایک کھجور بیچنے والے کے پاس گیا اور اس سے پوچھا کہ کیا آپ کے پاس رَلی ہے۔ اس کے انکار کرنے پر میں نے اس سے پوچھا کہ ایک اچھی رَلی کتنے میں آجائے گی تو اس نے کہا کہ بھائی یہاں پر لوگ آپ سے 600 تک مانگیں گے مگر رَلی کی قیمت 300 سے زیادہ مت دیجئیے گا۔ اب مجھے اندازہ ہوگیا کہ رَلی کی کیا قیمت ہوسکتی ہے۔

ایک دکان پر ہمیں بہت ساری خوبصورت رَلیاں نظر آئیں۔ جب قیمت پوچھی تو کسی کی قیمت 500 اور کسی کی 600۔ میں نے اس سے دو رَلیاں پیک کرنے کو کہا اور زرا بات چیت کرنے کے بعد دونوں رَلیاں 550 میں خرید لیں۔


نیشنل ہائی وے پر واپسی والے ٹریک پر کام ہو رہا تھا جس کی وجہ سے آنے جانے والی ٹریفک ایک ہی روڈ پر چل رہی تھی اور رفتار بہت کم رکھنی پڑ رہی تھی اور ہمارا سفر بہت سستی سے کٹ رہا تھا۔

شام 6:55 پر ہم 'مورو' سے تھوڑا دور تھے۔ یہاں ایک سی این جی اسٹیشن سے ہم نے سی این جی بھرائی۔ جیسے ہی میں اس اسٹیشن سے باہر نکلا تو میری گاڑی ایک دم گرم ہونا شروع ہوگئی۔ فوراً ایک سی این جی پمپ پر اپنی گاڑی روکی۔ ہم اسی چیز سے ڈر رہے تھے کہ سندھ سے رات ہونے سے پہلے پہلے نکل جائیں مگر ہماری گاڑی سندھ میں اور عین مورو شہر سے تھوڑا پہلے خراب ہوگئی۔ ویسے ہی ہم نے سن رکھا تھا کہ مورو چوروں کا شہر ہے اور اب اندھیرا بھی ہونے والا تھا۔ ابھی تک اس پورے سفر میں میری گاڑی گرم نہیں ہوئی تھی اور یہ پہلی مرتبہ ہوا تھا۔ خیر میں نے گاڑی کا بونٹ کھولا اور احتیاط کے ساتھ ریڈئیٹر کا ڈھکن کھولا تو پتہ چلا کہ اس میں تو کافی پانی کم تھا۔ میں نے پانی فل کیا اور گاڑی اسٹارٹ کی تو فوراً ہی گرم ہوگئی اور پانی اچھالنے لگی۔ یہاں پھر سے میں نے اپنے ٹولز کی پوٹلی نکالی اور شروع ہوگیا سب کچھ چیک کرنے۔
اگر گاڑی گرم ہو رہی ہو تو اس کی تین وجوہات ہوسکتی ہیں۔ ایک یا تو گاڑی کا 'ہوس پائپ' لیک ہوسکتا ہے یا گاڑی کی 'واٹر باڈی' کام کرنا چھوڑ سکتی ہے یا پھر ریڈئیٹر کا فین بند ہوسکتا ہے۔ سب چیزیں دیکھنے کے بعد یہ پتہ چلا کہ میری گاڑی کا فین نہیں چل رہا۔ میں نے اس کو ڈائیرکٹ کرنے کی کوشش کی مگر وہ پھر بھی نہیں چلا۔ اب کافی اندھیرا بھی ہوچکا تھا اور میری پریشانی بھی بڑھتی جا رہی تھی۔ پمپ والوں سے پوچھنے پر پتہ چلا کہ مکینک یہاں سے قریب ہی ہیں اور منشی نے میری پریشانی دیکھتے ہوئے مجھے اپنی موٹرسائیکل دے دی اور کہنے لگا کہ آپ جاکر مکینک کو لے آئیں، میں پمپ چھوڑ کر نہیں جاسکتا۔ اب میں اپنی فیملی کو اس ویرانے میں اکیلا چھوڑ کر کیسے جاسکتا تھا مگر میرے پاس اس کے علاوہ کوئی حل بھی نہیں تھا۔ بہرحال میں وہاں الیکٹریشن کے پاس موٹرسائیکل پر چلا گیا، اس نے تسلی دی کہ آپ گاڑی آہستہ آہستہ یہاں تک لے آئیں میں اسے صحیح کردوں گا۔ میں واپس پمپ پر آیا، منشی کا شکریہ ادا کیا، گاڑی میں پھر سے پانی بھرا اور آہستہ آہستہ گاڑی الیکٹریشن کی دکان تک لے گیا۔ الیکٹریشن نے گاڑی دیکھی تو پتہ چلا کی فین کو 'ارتھ' نہیں مل رہا تھا، اس نے کچھ نٹ ٹائٹ کیے اور فین چلنا شروع ہوگیا۔ پیسے پوچھے تو وہی 50 روپے۔ مورو چاہے جتنا بھی بدنام ہو ہمارے ساتھ یہاں کے لوگ بہت اچھے رہے۔ خیر وہاں سے ہم نے اپنا سفر دوبارہ شروع کیا۔

رات کے 10:30 پر ہم سعیدآباد پہنچ چکے تھے۔

اور 12:05 پر ہم حیدرآباد پہنچ گئے تھے۔

اور آخر کار رات کے 2:30 پر ہم کراچی پہنچ گئے۔ اور اس طرح ہمارا یہ سفر جو ہم نے 12 دن پہلے شروع کیا تھا اپنے اختتام کو پہنچا۔

wajee

واہ واہ بہت خوب ویسے حیدرآباد میں جاتے وقت آپ المنظر کا بھی نظارہ کر لیتے تو مزہ آ جاتا چھوٹی سی جگہ ہے دریا کے ساتھ لیکن ہے بہت خوبصورت فیملی کے لیے ہے ۔

__________________