ALI-OAD

جناب عالی اب ہمارے سفر کی داستاں شروع ہوا چاہتی ہے
اس بقرا عید کے کچھ دن بعد میرا پنجاب بھر کا سفر شروع ہوا جسمیں میں نے
کراچی سے رحیمیارخان
رحیم یار خان سے خان پور
پھر واپس رحیم یار خان
رحیم یار خان سے ملتان
ملتان سے کوٹ ادّو
کوٹ ادو سے عبدالحکیم
عبدالحکیم سےچیچہ وطنی
چیچہ وطنی سے لاہور
لاہور سے واپس کراچی

ALI-OAD

مجھے بچپن ہی سے ٹرین کے سفر کا شوق ہےاور اسی شوق کے ہاتھوں مجبور جب میں کراچی سے پنجاب کے سفر کے لئے نکلا تو وہ جمعہ کا مبارک دن اور تاریخ بھی دل چسپ تھی
11-11-11
دن ،مہینہ ۔ سال، کا ہندسہ بھی ایک اور سفر میں میں بھی اکیلا ایک
گھر سے نکلتے ہوئے میرے ذہن میں یہ ہی خیال تھا کہ ریلوے اسٹیشن ویران پڑا ہوگا ریلوے کی خراب کارکردگی کی وجہ سے لوگوں نے ٹرین کا سفر کم کردیا ہوگا جیسا کہ میڈیا پر آئے دن ریلوے کے بارے میں خبریں سننے،پڑھنے کو ملا کرتی تھی ۔۔۔اسی خیال کے پیش نظر اسٹیشن پر جاتے ہی مجھے سیٹ اور برتھ کے حصول میں کوئی دشواری نہ ہو گی
مگر جب میں ریلوے اسٹیشن گیا تو مجھے اپنی آنکھوں پر یقین نہیں آرہا تھا اسٹیشن کا منظر دیکھ کر کیوں کہ یہاں پر ویرانی کی بجائے آدم ذات کا ایک جم غفیر تھا یہاں پر تو مجھ سے بھی بڑھ کر ٹرین کے سفر کے شیدائی موجود تھے ہر طرف سر ہی سر پلیٹ فارم پر تل دھرنے کو جگہ موجود نہیں تھی۔۔اسٹیشن پر سیٹ کا حصول تو دور کی بات صرف ایک ٹکٹ بڑی مشکل سے ملی دھکے کھا کھا کر
شام کوٹرین اپنے مقررہ وقت 5:30 پر روانہ ہوئی میں بڑا خوش تھا ٹرین اپنے وقت پر روانہ ہوئی،، تو جناب جب میں رحیم یارخان پہنچا تو میری خوشی اور حیرت کی انتہا نہ تھی مجھے مقررہ وقت صبح 4:بجے پہنچادیا
میرے تمام خدشات اوروسوسےدور ہو گئے جو میڈیا نے میرے ذہن میں بھر رکھے تھے ریلوے والوں کی عزت اور اہمیت میرے دل میں زیادہ ہو گئی

ALI-OAD

تیل اور تیل کی دھار
،

جب میں نے رحیم یار خان سے ملتان کا سفر کیا زکریہ ایکسپریس سے تو جیسے جیسے سفر اور وقت بیت رہا تھا ویسے ہی میڈیا کی سنی اور پڑھی ہوئی باتیں ایک ایک کرکے سچ ہو رہی تھی اور اور ریلوے والوں کا جو احترام دل میں جگہ بنا پایا تھا اسکی جگہ غصہ اور بدعا نے لے لی
رحیم یار خان سے خانپور کا سفر محض 35سے 40 منٹ کا تھا جو کہ 1:15 گھنٹے میں طے کیا ملتان اسکا پہنچنے کا وقت دن 12 بجے کا تھا مگر یہ شام کو 5 بجے پہنچی ٹرین چلنے کی رفتاراتنی تھی کہ قریب میں چلتےہوئے موٹر سائیکل ٹرین کو کراس کر رہے تھے
آج کل صرف ٹرین ہی نہیں بس والے بھی بے حس ہو چکے ہیں
جب میں چیچہ وطنی سے لاہور روانہ ہوا تو ٹرین کی کھجل کھاری سے تنگ آکر بس میں سفر کیا جناب بس والے بھی اس وقت تک گاڑی نہ چلائیں جب تک کہ بس سواری سے فل نہ ہو جائے سائیوال میں پورا 1 گھنٹہ رکی رہی پھر اوکاڑہ میں بھی سواریوں کے احتجاج کرنے پر 45 منٹ کے بعد روانہ ہوئی

ALI-OAD

اپنی زندگی کا سب سے طویل سفر


دوستوں جب میں لاہور سے کراچی کے لئے روانہ ہوا تو خوائش تھی کہ بس کے زریعے سفر کیا جائے یہ تھوڑا کم خوار کریں گے لیکن جب میں بس اڈے پر گیا تو پتہ چلا کہ رائیونڈ اجتماع کی وجہ سے اکثر بسیں بک ہو چکی ہیں لہذہ انتظار کرو
لیکن مجھ کو جلدی تھی چارو ناچار میں نے ریلوے اسٹیشن کا رکھ کیا اور دیکھا یہاں بھی رش ہے بڑی مشکل سے عوامی ایکپریس میں ایک سیٹ ملی جسکا وقت لاہور سے رات کو 7 بجے کا تھا میں 6 بجے اسٹیشن پہنچ گیا اور ٹرین 3 گھنٹے لیٹ رات 10 بجے لاہور سے روانہ ہوئی لیٹ ہونی کی وجہ یہ تھی کہ راولپنڈی سے لاہور کی طرف آتے ہوئے کوئٹہ ایکسپریس کا انجن فیل ہوگیا تو عوامی ایکسپریس کی ٹرین سے اسکو بھی جوڑ دیا اب ایک انجن 2 ٹرینوں عوامی اور کوئٹہ تقریبا 29 بوگیوں کو کھینچ کر لاہور لایا
25-11-2011 رات 10 بجے ٹرین لاہور سے اللہ اللہ کر کے روانہ ہوئی خانیوال تک تقریبا صیحح سفر کیا اسکے بعد ہر جگہ جہاں پر اسکا اسٹاپ نہ تھا یہ رکتی گئی زیادہ سے زیادہ یہ 20 منٹ چلتی اور اسکے بعد 10 سے 30 منٹ کی بریک روڑی ،،سکھر ،،، اسکا وقت شام 5 بجے کا تھا مگر یہ رات کو 12 بجے پہنچی روڑی پر تقریبا پونے دو گھنٹے رکی یہاں پر اسکے رکنے کا وقت صرف 30 منٹ ہے اسکے بعد روانہ ہوئی اور ہر چھوٹے اسٹیشن پر رکتی گئی
حیدرآباد پہنچ کر پھر رک گئی اور 45 منٹ ہو گئے مگر اسکو چلایا نہ جائے اب مسافروں کے صبر کا پیمانہ لبریز ہونا شروع ہو گیا تو مسافروں نے نعرے بازی اور ہلڑبازی شروع کری تب جا کر ٹرین کو کراچی کی طرف چلتا کیا اور27-11-2011 کو صبح 6بجے کراچی پہنچایا 25 گھنٹے کا سفر 35 گھنٹے میں طے ہوا
جب میں کراچی ریلوے اسٹیشن پر اترا تو ایک عجیب ہی منظر تھا ریلوے پلیٹ فارم ایک مسافر خانے کا روپ دھارے ہوا تھا کیونکہ ،خیبر میل ایکسپریس جسکو رات 9:30 پر روانہ ہونا تھا وہ اگلی صبح 6 بجے روانہ ہوئی اسکے مسافر انتظار کرتے کرتے لمبی تان سو ئے ہوئے تھے

ALI-OAD

پا کستان ریلوے ۔۔۔۔ ؟؟؟؟؟؟؟؟؟؟؟؟؟؟؟؟؟؟؟؟؟

ALI-OAD

اس سال پاکستان ریلوے کے 150 سال کی سالگرہ بھی تھی
1861سے 2011

ننھا بچہ

زندہ باد جی
مُجھے بھی بھی شوق تھا لیکن کبھی پورا نہیں ہوا
اب بلور کی مہربانی سے شوق بھی نہیں رہا

__________________

اب تو اتنی بھی میسر نہیں مے خانے میں

نبیل خان

مبارک ہو بھائی 35 گھنٹے میں پنچ تو گئے ۔
میں لاہور سے رحیم یار خان 24 گھنٹوں میں پنہچا ہو ں۔ علامہ اقبال ایکسپریس میں ۔
جن میں سے 12 گھنٹے لاہور اسٹیشن میں اور 12 سفر میں ۔ ہر آدھے گھنٹے کے بعد عملہ یہی بتاتا تھا کہ آدھے گھنٹے میں ٹرین پنہچ رہی ہے ۔ مگر ” دھلی ہنوز دور است “ والی بات ہوئی ۔ اور جب مسافروں نے توڑ پھوڑ شروع کردی اور عجیب عجیب قسم کے نعرے بشمول گالیوں کے بلند ہونا شروع ہوئے اور خاص کر عمر رسیدہ عورتوں کا انداز جاحانہ تھا ۔ اب اس انداز کی برکت سے ٹرین بھی آگئی اور رات 2بجے روانہ بھی ہوگئی ۔اور ہر اسٹیشن پہ بلور صاحب کے نام کے ساتھ بہت کچھ لکھا ہوا نظر آیا

محمد یاسرعلی

ویسے آپ نے بھی یہ جو سٹا لگا لگا کے پوسٹ کیا ہے اس سے آپ کے سفر کا حوال مکمل پڑھ لیا۔

ویسے ہم نے بھی آج سے کوئی 10 سال پہلے ایک سفر کیا تھا راولپنڈی سے لاہور کا شام پانچ بجے ٹرین چلی تھی اور صبح 9 بجے تقریباً پہنچایا تھا ۔ ٹکٹ صرف 40 روپے تھا شاید اور ٹرین پسنجر تھی نام شاید یہی تھا یاد نہیں آرہا اور آج کل تو میرے خیال میں چلتی بھی نہیں۔

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔

معظم

السلام علیکم!

بھائی آپ کے سفر کا حال سن کر تلخ یادیں اور سٹیشنوں پر گزاری گئی سرد راتیں یاد آگئیں۔ میں بھی ایک دور میں پڑھائی کے شوق میں‌لاہور گیا تھا جہاں سے ہر دوسرے ماہ سفر کرنا پڑتا تھا اس دوران لاہور ریلوے اسٹیشن پر راتیں بھی گزاریں ہیں ۔ پھر اخیر نتیجہ یہ نکلا کہ سفر کا دورانیہ بڑھا دیا یعنی تین ماہ میں ایک مرتبہ لیکن کرتا ڈائیو سے تھا۔ ان کی سروس فی الحال پاکستان میں‌واحد امید ہے لیکن ان کی بھی روز بروز بڑھتی قیمتیں ڈسٹرب تو کرتی ہیں لیکن دو تین سو کے لیے بندہ دس گھنٹے کا سفر نہیں اجیرن کر سکتا۔ اور میں نے تو رحیم یار خان سے بہاولپور کا سفر ٹرین پر ساڑھے آٹھ گھنٹے میں طے کیا ہے سکول دور میں ٹیبل ٹینس ٹورنامنٹ کے لیے گئے تھے ۔ ٹرین کی رفتار یوں تھی کہ پلیٹ فارم پر اتر جاؤ اور ساتھ ساتھ پیدل چلتے رہو تو آپ اپنی بوگی سے آگے نکل جاؤ

اور پی آئی اے کا حال کیا سناؤں اور آپ کیا سنتے ہیں۔ مارچ میں رحیم یار خان سے کراچی کی فلائٹ رات 7 بجکر 45 منٹ پر تھی جس نے 9 بجے کراچی پہنچا دینا تھا۔ رحیم یار خان ائیر پورٹ لاؤنج میں بیٹھے رات کے 1 بج گئے جب جہاز تشریف لائے اور ڈھائی بجے کراچی ائیرپورٹ پہنچایا گیا۔
انٹرنیشنل فلائٹ کا تجربہ تو بہتر ہے لیکن سامان کے ساتھ چھیڑ خانی چھوٹی موٹی چیزوں کا غائب ہونا ایک معمول ہے۔

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

عبداللہ آدم

2006 میں میں پہلی دفعہ شہر سے باہر اکیلا گیا تھا اور یہ لاہور کا سفر تھا، کیا بات تھی جی اس وقت تو ، نائٹ کوچ بولتے ہیں راولپنڈی سے لاہور جو ریل رات 12 بجے روانہ ہو کر صبح 6 بجے لاہور. لوئر اے سی میں گیا تھا اور بہت زبردست یادوں میں سے ایک ہے. اصل میں پنجاب گورنمنٹ نے "کل صوبائی" مقابلہ کروایا تھا مضمون نگاری کا، اس میں مابدولت اتفاق سے اول اگئے تھے، انہوں نے پرنسپل کو فون کیا کہ انعام لینا ہے تو بچے کو لاہور بھیجو تقریب انعامات میں، جو الحمرا ہال میں ہونی تھی، خیر جی امجد اسلام امجد نے ایوارڈا بھی اور تسویریں شسویریں بھی بنائی گئیں. . . مجھے اچھی طرح یاد ہے کہ میں نے اصرار کے باوجود تصویر نہیں بنوائی تھی، اب تو کافی:لبرل: ہو گیا ہوں !!!

واپسی پر ٹرین چل پڑی تو اکانومی میں گھس گیا اور چیکر سے ٹکٹ کٹوایا بمع جرمانہ، وزیر اباد تک زلت برداشت کی کھرے ہونے کی اور بعد ازاں آگے پارلر میں منتقل ہو گیا، سواد ا گیا بادشاہو.
بھوک بھی شدید لگی ہوئی تھی، اب جن لوگوں ے سفر کیا ہو وہ جانتے ہوں گے دوران سفر وہ ایک مرغی نما چیز لے کر اتے ہیں کہ جی اسے قبولیے اور بندہ پہلی دفعہ یہ سمجھتا ہے کہ کیا پتہ اس کے چارجز ٹکٹ میں ہی شامل ہوں گے، نہ اس سے پہلے اور نہ ہی بعد میں کبھی میں نے پورا مرغا ہڑپ کیا ہے ایک ہی نشست میں، لیکن اس دن تو

پندی کے قریب پہنچ گئے لیکن کسی نے یہ نہیں پوچھا کہ میاں تمہارا ٹکٹ کدھر ہے، شاید یہ سمجھتے ہوں کہ ایسی حرکتوں والے اکانومی میں ہی پائے جاتے ہیں. . . . خیر جی ایک وردی پوش کو بلا کر سارا ماجرا کہا تو اس نے اضافی رقم لی اور کچھ اور لیکیں شیکیں مار دیں ٹکٹ پر. واپسی پر بھی ایگزیکٹ ٹائم 6 گھنٹے !!!

آآآآآآآآآہ. . . . اور اب تو بقول پروین شاکر::
اب جو پلٹ کے دیکھیے بات تھی کچھ محال بھی

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

wajee

میں نے حیدرآباد سے فیصل آباد تک کا ٹرین میں‌سفر کیا ماشااللہ پورے دو دن میں پہنچایا

عبداللہ آدم

شکر نہیں کرتے کہ پہنچ گئے.. . . . . عجیب ناشکری عوام ہے یار پاکستان کی

ھارون اعظم

علی اوڈ بھائی،

آپ ایک ہی سفر سے اکتا گئے۔ میں نے ٹرین کا سفر تو نہیں کیا، البتہ بس کے ذریعے بہت سفر کیا ہے اور ایسے ایسے واقعات ہیں کہ آج بھی یاد کرکے بے اختیار ہنسی آتی ہے، مثلاً میانوالی کی پہاڑیوں کے قریب بس خراب ہوگئی اور تمام مسافروں نے تقریباً دو کلومیٹر تک بس کو دھکا لگایا۔ پٹرول پمپ تک بس کو لے جانے کے بعد وہاں مستری نے چیک کیا تو بس کا فیول ختم ہوچکا تھا۔

__________________


http:// haroonazam.wordpress.com

ھارون اعظم کا بلاگ۔