پروگرام خبرناک کے سفر ناک سیکشن میں ساہیوال کے بارے میں تذکرہ کیا گیا ہے ۔ یہ ساہیوال کا بہت ہی مختصر سا تعارف ہے ساہیوال کی بہت سی چیزوں کو یہاں مس کر دیا گیا ہے اس تھریڈ کا لگانے کا مقصد کچھ باتوں کی تصحیح کرنا ہے یہاں کچھ آوٹ ڈیٹڈ معلومات دی گئی ہیں۔پہلے آپ اس پروگرام کو دیکھ لیں


یہاں ساہیوال ریلوے پلیٹ فارم کا تذکرہ کرتے ھوئے۔ بتایا گیا ہے کہ یہ ایشیا کا بڑا پلیٹ فاتم گنا جاتا ہے ایک زمانے میں یہ بات درست تھی لیکن میری معلومات کے مطابق اب یہ پاکستان کا بڑا پلیٹ فارم بھی نہیں ہے بلکہ یہ دوسرے نمبر بڑا پلیٹ فارم ضرور ہے۔

یہاں کا ٹی وی بوسٹر کبھی ایشیا کا دوسرے نمبر کا بڑا بوسٹر گننا جاتا تھا تازہ معلومات میرے پاس بھی نہیں ہے ۔ یہ بوسٹر ایکچولی ری براڈکاسٹنگ کے لیئے لگایا گیا تھا۔



یہاں بھینس کا ذکر کیا گیا ہے ساہیوال کی بھینس بھی مشہور ہے لیکن نیل گائے زیادہ مشہور ہے خاص کر آسٹریلیا میں کافی مقبول ہے۔

ساہیوال کو حال ہی میں ڈیویژن کا درجہ دے دیا گیا ہے جس میں تین اضلاع اوکاڑا، ساہیوال اور پاکپتن شامل ہیں ایک وقت تھا جب یہ تینوں اضلاح ضلع ساہیوال کی تحصیلیں ھوا کرتی تھیں۔ اور ان اضلاّع کی موجودہ تحصیلیں ضلح ساہیوال کی ہی سب تحصیلیں ھوا کرتی تھیں۔

ساہیوال کا گورنمنٹ کالج ساہیوال ملک کا ایک ایسا ادارہ ہے جو کہ رقبہ کے لحاظ سے پنجاب کا دوسرا بڑا کالج ہے لیکن اس کالج نے ملک کو بہت سو مایا ناز سپوط مہیا کیئے ہیں۔ ملک کا شاید ہی کوئی بڑا ادارہ ہو جسے گورنمنٹ کالج ساہیوال نے ہنر مند ہاتھ مہیا نہ کیا ہو۔ فوج، پی ٹی وی ، عدلیہ ، بیوروکریسی،ادب ، تعلیم، صحت ، اٹامک انرجی ، پبلک سروس کمشن وغیرہ کوئی بھی ادارہ ایسا نہیں جسے گورنمنٹ کالج ساہیوال نے معمار مہیا نا کیئے ہوں۔ اس کالج کی چند تصاویر میں نے ایک دفعہ مہیا کی تھیں۔ گوورنمنٹ کالج ساہیوال

ساہیوال جیل بھی ملک کی ایک مشہورو معروف جیل ہے اور بڑے بڑے نام اس جیل میں اپنے دن گزار کر گئے ہیں جن میں چند یہ ہیں جواہر لعل نہرو،مولانا ظفر علی خاں، مولانا ابوالکلام آزاد، فیض احمد فیض، ذولفقار علی بھٹو، شیض مجیب الرحمان، حبیب جالب، سردار عبدالقیوم خاں اور آغا شورش کاشمیری
ساہیوال جیل پر بھی میں نے ایک آرٹیکل شئیر کیا تھا۔
چلوچلو، ساہیوال جیل چلو!! ......آن دا ریکارڈ…جبار مرزا

ساہیوال مانچسٹر کےٹاؤن راچڈل کے ساتھ Twinned city کے طور پر بھی مشہور ہے راچڈل میں ایک سائن بورڈ نصب ہے جو کہ پاکستان کی طرف ڈائیریکشن ظاہر کرتا ہے لیکن وہاں پاکستان کی بجائے کیٹیگوریکلی ساہیوال کا نام میشن ہے۔ Sahiwal 3960 miles یہ الفاظ اس پر درج ہیں اس وقت کوئی تصویر مل نہیں سکی ورنہ شئیر کرتا۔

مشاہر میں نوبل انعام یافتہ واحد پاکستانی ڈاکٹر عبدالسلام، ڈاکٹر صابر علی دھوتھڑ پی ایچ ڈی میٹا فزکس [آکسفورڈ] جو کہ پاکستان اٹامک انرجی کمیشن میں پرنسپل آف سائنس رہے، مشہور شاعر مجید امجد ،پاکستان کے پہلے ٹی وی اناونسر طارق عزیز، مشہور غزل گو گلوکار مہدی حسن، طفیل محمد شہید، ان سب کا تعلق ساہیوال سے رہا ہے۔ مہندی حسن چیچہ وطنی میں سائکلوں کی دکان پر کام کیا کرتے تھے اور طارق عزیز تقریریں لکھ کر دیا کرتا تھا اور ان سے اپنا خرچہ پانی چلاتا تھا۔


ملک کی مشہور نہر لوئر باری دواب تو میرے گھر سے صرف پانچ کلومیٹر کے فاصلے پر ہے۔



یہ تو میں نے مختصر سا تعارف کروایا ہے ۔ انشاءاللہ کسی دن ساہیوال کے بارے میں تفصیل سے مضمون لکھوں گا۔ اس تعارف کا مقصد صرف اس پروگرام میں بتائی گئی معلومات میں تھوڑا اضافہ کرنا اور تصحیح کرنا تھا۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟