جوہری تعاون پر بات چیت سے کافی مطمئین ہیں

**کنعان** · 26-03-10, 02:58 AM

پاکستان کی وزارتِ خارجہ کے ترجمان عبدالباسط کا کہنا ہے کہ امریکہ کی پاکستان پالیسی میں بڑی اہم تبدیلی آئی ہے اور وہ پاکستان سے افغانستان اور بھارت سے آزاد تعلقات رکھنا چاہتا ہے۔
یہ بات انہوں نے بی بی سی سے بات کرتی ہوئے کہی۔

’اب وہ چاہتے ہیں کہ پاکستان اور امریکہ کے تعلقات آزادانہ ہوں اور ان کا تعلق افغانستان یا انڈیا کے ساتھ نہ ہو۔ وہ باہمی تعلقات کو فروغ دینا چاہتے ہیں۔‘

انہوں نے کہا کہ پاکستان اور امریکہ کے درمیان سٹریٹیجک ڈائیلاگ میں پاکستان نے سکیورٹی کے حوالے سے امریکہ کو چند تجاویز دی ہیں اور پاکستان کی یہ کوشش ہے پاکستان کو درپیش چیلنجز کے متعلق غور کیا جائے۔

انہوں نے کہا کہ یہ پہلی مرتبہ ہے کہ وزراء کی سطح پر ایسے سٹریٹیجک مذاکرات ہوئے ہیں اور یہ ایک عمل کا حصہ ہے۔ ’ہم قطعاً یہ امید نہیں کرتے کہ تمام چیزیں اسی راؤنڈ میں حل ہو جائیں اور ہم نے جو بھی تجاویز پیش کی ہیں وہ چاہے طاقت کے شعبے میں ہو، زراعت، سائنس اینڈ ٹیکنالوجی یا سکیورٹی کے بارے میں ہو ہم یہ امید نہیں کر رہے تھے کہ ان پر ایک ساتھ معاہدے ہو جائیں۔‘

ان کا کہنا تھا کہ یہ ایک عمل کا حصہ ہے۔ ’دونوں طرف سے بڑی سنجیدہ خواہش ہے کہ ان تعلقات کو بہتر کیا جا سکے۔‘

ڈاکٹر عبدالقدیر خان ماضی کا ایک قصہ ہے۔ میرے خیال میں امریکی حکام کو پاکستان کے نئے کمانڈ اور کنٹرول سٹرکچر کا علم ہے۔ میرے خیال میں وہ ہمارے سکیورٹی اور حفاظتی نظام سے مطمئین ہیں اور وہ اس بات کو سراہتے ہیں۔

پاکستانی وزیرِ خارجہ
دوسری طرف وزیر خارجہ شاہ محمود قریشی نے برطانوی خبر رساں ایجنسی رائٹرز کو انٹرویو میں کہا کہ وہ امریکی حکام کے ساتھ جوہری تعاون پر بات چیت پر ’کافی مطمئین‘ ہیں۔

’میں کافی حد تک جوہری تعاون کے حوالے سے بات چیت پر مطمئین ہوں اور اس مرحلے پر میں مزید کچھ کہنا نہیں چاہتا۔‘

پاکستانی ایٹمی سائنسدان ڈاکٹر عبدالقدیر خان کے حوالے سے وزیر خارجہ نے کہا ’وہ ماضی کا ایک قصہ ہے۔ میرے خیال میں امریکی حکام کو پاکستان کے نئے کمانڈ اور کنٹرول سٹرکچر کا علم ہے۔ میرے خیال میں وہ ہمارے سکیورٹی اور حفاظتی نظام سے مطمئین ہیں اور وہ اس بات کو سراہتے ہیں۔‘

واشنگٹن میں پاکستانی صحافی انور اقبال نے بی بی سی سے بات کرتے ہوئے کہا کہ امریکہ کے مشیر برائے نیشنل سکیورٹی جنرل جیمز جونز نے پاکستانی وفد کو وائٹ ہاؤس بلایا ہے جس میں آرمی چیف جنرل اشفاق پرویز کیانی بھی شامل ہیں۔

ان کا کہنا تھا کہ توقع یہ ہے کہ شاید صدر اوباما بھی کسی موقع پر اس میٹنگ میں شریک ہوں۔ ’اسے یہاں ’ڈراپ اِن‘ کہتے ہیں اور اس کی وجہ یہ ہے کہ پروٹوکال کے مطابق امریکی صدر آرمی چیف یا وزیر خارجہ کو خود نہیں بلا سکتے۔ وہ انہیں کسی جونیئر اہلکار سے بلواتے ہیں اور پھر خود شامل ہوجاتے ہیں۔ امریکی چاہتے ہیں کہ پاکستان کو احساس دلایا جائے کہ امریکہ ان مذاکرات کو بہت زیادہ اہمیت دے رہا ہے۔‘

مذاکرات کی اہمیت پر انور اقبال نے کہا ’آج کی بات چیت کا کوئی مخصوص ایجنڈا نہیں ہے۔ تاہم اس میں اب تک ہونی والی بات چیت کا جائزہ لیا جائے گا اور آئندہ جو بات چیت ہوگی، چھ ماہ بعد اسلام آباد میں، یا پھر مستقبل کے تعلقات ہیں اس پر بات چیت ہوگی۔‘

اس سٹریٹیجک ڈائلاگ کے حوالے سے انہوں نے کہا کہ اس دورے کے بارے میں میڈیا ہائپ کی وجہ سے پاکستان میں خاص طور پر لوگوں نے غلط توقعات وابستہ کرلی ہیں۔ ’شاید اس کے نتیجے میں پاکستان کو نیوکلیئر پلانٹ مل جائے یا کوئی بڑا پیکج مل جائے جبکہ ان مذاکرات کا یہ مقصد نہیں تھا۔‘

انور اقبال کا کہنا تھا کہ ’یہ مزاکرات پاکستان۔امریکہ تعلقات کو ایک دھارے پہ لانے کے لیے تھے ۔۔۔ اور اس سلسلے میں انہوں نے وزارتی سطح پر سٹریٹیجک ڈائلاگ کا ڈھانچہ بنا لیا اور اس کا اگلا اجلاس اسلام آباد میں ہوگا۔‘

تصویر لنک
بحوالہ خبر

**عارف اقبال** · 26-03-10, 10:03 AM

السلام علیکم
بہت اچھی شئیرنگ ہے

26-03-10, 10:03 AM	#2
عارف اقبال Senior Member تاریخ شمولیت: Jan 2010 مراسلات: 979 کمائي: 15,199 شکریہ: 1,882 726 مراسلہ میں 1,803 بارشکریہ ادا کیا گیا	السلام علیکم بہت اچھی شئیرنگ ہے Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
اسلام پھیلنے کیخلاف برطانیہ میں پرتشدد مظاہرے ،پولیس افسر سمیت متعدد زخمی ، چار افراد گرفتار	جاویداسد	خبریں	5	10-10-10 12:59 AM
عراق ، بم دھماکہ اور تشدد کے دیگرواقعات میں رکن پارلیمنٹ سمیت 20 افراد ہلاک ، متعدد زخمی	ابن جلال	خبریں	0	10-10-08 05:03 AM
(ق) لیگ کے متعدد اراکین اسمبلی (ن) لیگ میں شمولیت پر تیار	عبدالقدوس	خبریں	0	21-02-08 04:02 AM
نگراں وفاقی کابینہ میں مزید 2 وزراء کی شمولیت کا امکان، تعداد 26 ہوجائے گی	خرم شہزاد خرم	خبریں	0	21-11-07 08:33 AM
صدر کی اہلیت کا کیس جلد نمٹانے کا فیصلہ، ججوں کی تعداد پوری کرنے میں دشواری	عبدالقدوس	خبریں	0	08-11-07 03:23 PM

Currently Active Users Viewing This Thread: 1 (0 members and 1 guests)