اسلام و علیکم،

یہ فورم ان سب پاکستانی بھایٔ بہنوں کو خوش آمدید کہتا ہے جو کچھ کر دکھانے کا جزبہ رکھتے ہیں۔

جیسا کہ نام سے واضح ہے کہ اس فورم کا مقصد کیا ہو سکتا ہے، لیکن میں "کچھ کر دکھانا ہے" کی مزید وضاحت چاہتا ہوں۔

اصل میں کچھ کرنے کا مطلب صرف ظاہری عمل تک محدود نہیں ہوتا ہے، اس ضمن میں آپکی سوچ، کوشش اور عوامل - سب ہی شامل عمل ہوتے ہیں۔ اس فورم کا بنیادی مقصد ، ایسے لوگوں کو دعوت دینا ہے جو زندگی میں کچھ ایسا کر چکے ہیں کہ جس پر باقی سب پاکستانیوں کو فخر ہونا چاہیے اور جو کچھ کرنا چاہتے ہیں ان کی سوچ کو سب تک پہنچانا ہے۔

ہم ، ہر روز کچھ نہ کچھ سوچتے ہیں، اپنے احباب سے ڈسکس کرتے ہیں۔ لیکن اکثر اوقات وہ سوچ وہ باتیں اسی ڈسکشن سے آگے بڑھ نہیں سکتی ہیں۔ یہ فورم اس مقصد کو پورا کرے گا۔ آپ کے پاس جو بھی سوچ ہے، جو بھی آییڈیا ہے، اسے یہاں پیش کریں، سب لوگوں سے ڈسکس کریں۔

میں سمجھتا ہوں کہ ہمیں عمل سے پہلے ایک اچھی اور قومی سوچ کی اشد ضرورت ہے۔ ایک ایسی سوچ جو سب کیلیے ہو۔ جو کسی کی زندگی میں تبدیلی لا سکے۔ یاد رکھیے تبدیلی یا انقلاب، چند لمحوں کا عمل نہیں ہے، یہ مہینوں، سالوں اور نسلوں پر محیط ہو سکتا ہے۔

کسی بھی سوچ کی کامیابی یا کسی بھی عمل کی کامیابی اسی میں ہے کہ اس سے متعلقہ عناصر مستفید ہوں اور ایک مثبت تبدیلی کا عمل شروع ہو جاۓ۔

آییے ، آپ، میں اور ہم سب مل کر کچھ کر دکھاییں۔ مسلہ قومی ہو، ذاتی ہو یا چند لوگوں کا - حل کی تلاش بہت ضروری ہے۔ آیئے ملکر ایک دوسرے کی مدد کریں اور آیندہ نسلوں کے لیے اچھی سوچیں اور فکر پیدا کریں۔

اجازت چاہتے ہوے یہ ضرور کہوں گا کہ جب تک ہم خود اپنا خیال نہیں کریں گے، کویئ ہمیں پوچھے گا بھی نہیں۔ اپنے تابناک ماضی کو یاد کر کے افسردہ ہونے کی بجائے، اپنے مستقبل کو شاندار بنانے کی طرف توجہ فرمایئں۔

میرے اللہ ہر برایئ سے بچانا مجھ کو
نیک جو راہ ہو اسی راہ پہ چلانا مجھ کو (آمین)

اپنا خیال رکھیے گا۔

فقط مخلص،

وقاص بن حسن