بسم اللہ الرحمٰن الرحیم
السلام علیکم ورحمتہ اللہ وبرکاتہ

مینوں کم پے گیا پیراں نال
میری ان بن ہو گئی ویراں نال

مینوں کم پے گیا پیراں نال

میں کر اعتبار زمانے تے

ٹر گیا اوہدے پیر خانے تے

اوچی دینی سلام کہیا

بابے نے مینوں پچھان لیا

بابا کہندا بچہ اگے آ

میرے ہتھاں دے وچ ہتھ پھڑا

میرا ویکھ کے نکلیا ہا سا جی

میں بہہ گیا ہوکواسا جی

اوتھے وچ پنڈھارے چاء سی

بابے دا ناں ؛ پسٹل شاہ ؛ سی

وچوں بولی فیر اک مائی جی

میں دوروں چل کے آئی جی

ایتھوں پائے فیض لکھ جی

تہاڈی ہرنی ورگی اکھ جی

تہاڈی شیراں ورگی چال جی

تہاڈے ریشم ورگے وال جی

میرے کول اے اک ہی بال جی

میں لے کے آئی آں نال جی

اک پتر ویڑےتھوڑا اے

میں لینا تہاڈے کو لوں جوڑا اے

اے کم کر دیو ساڈا جی

میلے تے بکرا تہاڈا جی


پیر صاحب۔۔۔۔۔۔۔۔۔۔۔۔۔۔۔۔۔۔۔


میں سن لئی تیری گل بچہ

اج جاو آنا کل بچہ


عورت۔۔۔۔۔۔۔۔


میں آئی بیٹھی آں پیر جی

پکا کی لیا ئی آں میٹھی کھیر جی

جنہے رانجھا لیا جی تہاڈے تو

میں اوہو جیہی اک ہیر جی

پھسی وچ شکنجے جان میری

ہالے رہندی اک ننان میری

کوئی کرو تعویز یا گنڈا جی

میری سس دا کڈھ دیو کنڈا جی

کوئی کرو منتر ڈا ڈھا جی

میں پانی بھراں گی تہا ڈا جی


پیڑصاحب۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔


گل سن لی تیری ساری اے

کل آونا

اج بندیاں دی واری ا ے

اوتھوں منڈا فیر یک بولیا

اونے بھید جو دل دا کھولیا

کہندا سنو میری پکار جی

مینوں سچا ہو گیا پیار جی

تہانوں لوکی کہن سرکار جی

میری کشتی لاو پار جی

اودا پتا ٹھکانہ تھاں دسدا واں

اوہدا نالے اوہدی ماں دا ناں دسدا واں

جے وعدہ کرو تے تاں دسدا واں

او ندی پور دے رہن والی

او پی سی او تے بین والی

گل کیتی رب سپرد اے جی

اودی ماں نہادی مردے جی

مینوں ایسے گل دا پالا اے

اوہدا ابا وی کردا کالا(کالا علم) اے

میرے بچن دا دس دیو راہ جی

اوہدے ابے دا ناں ۔ پسٹل شاہ جی

میرا حل کرو اے پرچہ جی

میلے تے کراں گا لما خرچہ جی



گل سن کے بابا کہن لگا

اینوں پھڑ لو بچہ جاوے ناں

گل کسے نوں ہور سناوے ناں

اینہے گل کیتی بھلا کی جے

جی دا ناں لیندا میری دھی جی



مینوں لوکاں کیتا سرکار جے

میں ندی پور دا کمہار جے

__________________