بشکریہ اردو پلیس

پنجابی زبان بھارتی پنجاب، پاکستانی پنجاب، پاکستانی کشمیر اور صوبہ سرحد کے خاصے بڑے علاقے میں بولی جانے والی زبان ہے۔ پاکستان کے علاوہ یہ انگلستان، کینیڈا، امریکہ اور عرب ملکوں کے پنجابیوں کی زبان ہے۔ پنجابی زبان کا تعلق انڈویورپین زبانوں کے گروہ سے ہے۔ بولنے والوں کی تعداد کے لحاظ سے دنیا میں اسکا نمبر 15 واں ہے۔ اس کے بولنے والوں کی تعداد 10 کروڑ سے اوپر ہے۔

ہندوستان والے پنجاب ميں پنجابى كگورمکھی رسم الخط ہے ليكن پاكستان ميں شاہ مکھی رسم الخط استمال ہوتا ہے۔

یہ دنیا کی ان چند زبانوں میں سے ایک ہے جس کے دو مختلف اسکرپٹ ہیں۔گرو گرنتھ صاحب سمیت سکھوں کا سارا مذہبی لٹریچر دیوناگری رسم الخط سے نکلے ہوئے گورمکھی اسکرپٹ میں لکھا گیا ۔لیکن مہاراجہ رنجیت سنگھ کے دور میں بھی برصغیر میں صدیوں سے چلی آ رہی فارسی رسم الخط کی روائیت کو جوں کا توں برقرار رکھا گیا۔سرکاری زبان فارسی رہی اور پنجابی زبان کا اسکرپٹ بھی فارسی یا شاہ مکھی رسم الخط کہلایا۔ بیشتر پنجابی ادب اور سرکاری ریکارڈ شاہ مکھی میں لکھا اور سمجھا جاتا رہا۔اسکی ایک وجہ یہ بھی تھی کہ سکھ حکمرانی کے باوجود مسلمانوں اور ہندؤوں کے مقابلے میں اقلیت میں تھے اور مسلمانوں اور ہندؤوں میں فارسی رسم الخط ہی مستعمل تھا۔

__________________