السلام علیکم ورحمتہ اللہ و برکاتہ
پنجابی

یہ ایك بہت قدیم زبان ہے ۔ پنجابی صوبہ پنجاب كی زبان ہے۔ ا س زبان كا رابطہ اس علاقے كی قدیم ہڑپائی اور دراوڑی زبان سے ملتا ہے۔ تاریخی وجغرافیائی تبدیلیوں كے باعث اس كے چھے لہجے یا بولیاں ہیں۔ ان كو مختلف ناموں سے موسوم كیا جاتاہے ۔ ماجھی پوٹھوہاری٬ چھاچھی ٬ سرائیكی٬ دھنی اور شاہ پوری۔ ماجھی لہجہ معیاری لہجہ سمجھا جاتا ہے۔ جو لاہور اور ا س كے آس پاس كے علاقے میں مروج ہے۔ شروع میں یہ زبان ہندو جوگیوں اور مسلمان صوفیوں دونوں كا حصہ تھی۔

پنجابی زبان كے علم و ادب كی نشان دہی محمود غزنوی كی آمد كے زمانے سے ہوتی ہے۔ اس سلسلہ میں حضرت بابا فرید گنج شكر كا نام آتا ہے ان كی شاعری كا موضوع تصوف٬ پیار محبت اور حب الوطنی ہے۔

مجموعی طور پر پنجابی شاعری میں تصوف كے اسرار و رموز كا بیان خاص طور پر یا جاتا ہے۔ ان میں شاہ حسین ﴿مادھو لال حسین﴾ سلطان باہو بلھے شاہ اور خواجہ فرید شامل ہیں۔ تصوف كے ساتھ ساتھ اپنے زمناے كے معاشرتی و سیاوسی حالات كے رنگ و اثرات ان پر غالب تھے۔ اس كا اظہار خاص اور عام فہم علامتوں میں نظر آتاہے۔ یہی وجہ ہے كہ ان كا كلام عوام میں بے حد مقبول ہے۔

پنجابی شاعری میں داستان گوئی بھی ایك خصوصی مقام ركھتی ہے۔ جن شعرائ نے پنجابی كی لوك داستان كو منظوم كیا ان میں وارث شاہ كا قصہ ہیر رانجھا٬ ہاشم شاہ كاقصہ سسی پنوں ٬ فضل شاہ كا قصہ سوہنی مہینوال حافظ برخوردر كا قصہ مرزا صاحباں وغیرہ مشہور ہیں۔ ان قصوں میں اعلیٰ درجے كی شاعری كے علاوہ اس وقت كی پنجاب كی تاریخ نیز معاشی٬ مذہبی اور معاشرتی زندگی كی بھرپور جھلك بھی دكھائی دیتی ہے۔ پنجابی زبان میں ناول بھی لكھے گئے ۔ مشہور ناول نگاروں میں دبیر سنگھ٬ میرن سنگھ اور سیداں بخش منہاس كا ناول بہت مشہور ہیں۔

پنجابی ادب اپنے اظہار كے حوالے سے ایك بھرپور موثر اور بے باك تصویر پیش كرتاہے۔ جس كی دنیا كے ادب میں نظیر نہیں ملتی۔ اس كے اصناف سخن كی تعداد زندگی كے ہر شعبے پر پھیلی ہے۔ جن میں زندگی كی چھوٹی چھوٹی محسوسا ت تك كا اظہار كرنے كی صلاحیت پائی جاتی ہے۔ ان مین وار ڈھوٹ ماہیا٬ دوھے٬ گھوڑی٬ سٹھنیاں٬ ٹپے سمی بولیاں وغیرہ شامل ہیں۔

بیسویں صدی سے پہلے پنجابی نثر میں بہت كم كام ہوا اور جو ہوا وہ بھی صرف مذہبی علم تك محدود تھا۔ بعد میں ناول نویسی ٬ ڈرامہ نویسی٬ تذكرہ نویسی٬ تحقیق و تنقید اوردوسرے اصناف نثر میں مختلف لوگوں نے گراں قدر كام كیاہے۔ اب ٹیلی وژن اور ریڈیو كی وجہ سے جدید ڈرامہ نویسی میں بھی ترقی ہو رہی ہے۔ پنجاب یونیورسٹی میں شعبہ پنجابی بھی قائم ہے۔ جہاں ایم اے پنجابی اور پی ایچ ڈی كروائی جاتی ہے۔

__________________