کھوتا
ساڈے معاشرے وچ جتھے وڈے وڈے کم چور،نااہل،محنت توں نظر چران والے موجود نے اوتھے ساڈے کول اللہ دے فضل نال بڑے بڑے محنتی ۔باہمت۔باحوصلہ اور دن رات کم کرن والیاں چیزاں وی موجود نے جناہں نے دن رات محنت کرکے انسان نوں اس ترقی یافتہ دور وچ لیا کھڑا کیتا اے۔پوری انسانیت اس محنت ،لگن،ہور کج کرن دا حوصلہ رکھن والی
چیز توں سبق حاصل کردی اے۔جی جناب اس محنتی چیز دا ناں اے
کھوتا
کھوتا ہک ایہو جئی چیز دا ناں اے جیہڑی محنت تے سخت جانی دا نشان بننڑ گیا اے۔ساڈے معاشرے وچ جو بندہ وی محنتی ہوندا اے انہوں سارے ای کہن لگدے نے ۔۔۔۔
اے بندہ کھوتے ورگا کم کردا اے۔
اے بندا کھوتے جنا کم کردا اے۔
اے تاں کھوتے ورگا محنتی اے۔
اکثر ایہو جئی ای گلاں سنڑ کے دل کردا اے کھوتے نوں انسان بنا دیئے تے آپ کھوتے بن جائیے اکثر ابے نوں جدوں غصہ چڑھدا اے تے اوہ وی کھوتے دی عظمت نوں سلام کہندیاں ہویاں اپنڑے ای پتر نوں کہہ ریہا ہوندا اے
اوے کھوتے دیا پُترا۔۔۔۔
کیونکہ اکثر ابے آپ تے سست کم چور ہوندے نے لہذا اپننڑے آپ نوں کھوتے نال ملا کے خوش ہوندے نیں۔

ویسے کہندے نہیں کھوتے دیاں اکھاں بڑیاں سوہننڑیاں ہوندیاں نے
کسی شاعر نے کھوتے دے بارے وچ ہی لکھیا ہونا اے۔۔
تیری آنکھوں کے سوا دنیا میں رکھا کیا ہے۔۔۔۔۔۔۔

باقی زندگی رہی تے کھوتے دی عظمت بارے ہور وی لکھاں گے

__________________