رسول اللہ صلی اللہ علیہ و علی آلہ وسلم کی مسکراہٹوں کے بارے میں ایک مضمون “نبوی مسکراہٹیں” پیش کیا جا چکا ہے۔ اب ہم چند ایسی احادیث کا مطالعہ کرتے ہیں جن سےمعلوم ہو گا کہ وہ کون سے مواقع تھے جب رسول اللہ صلی اللہ علیہ و علی آلہ وسلم کی آنکھ مبارک سے آنسو نکل پڑے۔ یہ صرف علمی مطالعہ نہیں بلکہ اس کا مقصد غمی اور دکھ کے موقع پر اسوہ حسنہ کو سمجھنا بھی ہے۔

قرآن سن کر رونا:

حَدَّثَنَا صَدَقَةُ أَخْبَرَنَا يَحْيَى عَنْ سُفْيَانَ عَنْ سُلَيْمَانَ عَنْ إِبْرَاهِيمَ عَنْ عَبِيدَةَ عَنْ عَبْدِ اللَّهِ قَالَ يَحْيَى بَعْضُ الْحَدِيثِ عَنْ عَمْرِو بْنِ مُرَّةَ قَالَ
قَالَ لِي النَّبِيُّ صَلَّى اللَّهُ عَلَيْهِ وَسَلَّمَ اقْرَأْ عَلَيَّ قُلْتُ آقْرَأُ عَلَيْكَ وَعَلَيْكَ أُنْزِلَ قَالَ فَإِنِّي أُحِبُّ أَنْ أَسْمَعَهُ مِنْ غَيْرِي فَقَرَأْتُ عَلَيْهِ سُورَةَ النِّسَاءِ حَتَّى بَلَغْتُ
{ فَكَيْفَ إِذَا جِئْنَا مِنْ كُلِّ أُمَّةٍ بِشَهِيدٍ وَجِئْنَا بِكَ عَلَى هَؤُلَاءِ شَهِيدًا }
قَالَ أَمْسِكْ فَإِذَا عَيْنَاهُ تَذْرِفَانِ(صحیح البخاری کتاب تفسیر القرآن باب فکیف اذا جئنا من کل امۃ بشھید۔ ۔ ۔)
“عبداللہ بن مسعود رضی اللہ عنہ کہتے ہیں کہ نبی صلی اللہ علیہ و علی آلہ وسلم نے مجھ سے فرمایا “مجھے قرآن پڑھ کر سناؤ”۔ میں نے کہا “میں آپ کو قرآن سناؤں حالانکہ آپ پر تو قرآن نازل کیا گیا ہے”۔ فرمایا “مجھے اپنے سوا کسی دوسرے سے سننا پسند ہے”۔ عبداللہ رضی اللہ عنہ کہتے ہیں کہ میں نے سورۃ النساء پڑھنی شروع کی یہاں تک کہ میں اس آیت پر پہنچا “پس اس وقت کیا منظر ہو گا جب ہم ہر امت میں سے ایک گواہ کھڑا کریں گے اور آپ کو ان سب پر گواہ بنا کر لے آئیں گے “
تو رسول اللہ صلی اللہ علیہ و علی آلہ وسلم نے فرمایا” بس، رک جاؤ”۔
میں نے دیکھا تو ان صلی اللہ علیہ و علی آلہ وسلم کی آنکھوں سے آنسو جاری تھے”

صحابی کی وفات پر رسول اللہ صلی اللہ علیہ و علی آلہ وسلم کے آنسو:

عن عائشة رضي الله عنها أن رسول الله قبل عثمان بن مظعون وهو ميت وهو يبكي أو قال عيناه تهرقان
(الشمائل المحمدیۃ للترمذی کتاب ما جاء فی بکاء رسول اللہ صلی اللہ علیہ و علی آلہ وسلم باب قبل عثمان بن مظعون و ھو میت)
(مختصر الشمائل المحمدیۃ للالبانی ص 171)

"عائشہ رضی اللہ عنہا کہتی ہیں کہ رسول اللہ صلی اللہ علیہ و علی آلہ وسلم نے عثمان بن مظعون رضی اللہ عنہ کو ان کی وفات کے بعد بوسہ دیا جبکہ آپ صلی اللہ علیہ و علی آلہ وسلم رو رہے تھے۔”

بیٹی کا جنازہ:
[font=]عن أنس بن مالك قال شهدنا ابنة لرسول الله ورسول الله جالس على القبر فرأيت عيينة تدمعان فقال أفيكم لم يقارف الليلة قال أبو طلحة أنا قال انزل فنزل في قبرها (الشمائل المحمدیۃ للترمذی کتاب ما جاء فی بکاء رسول اللہ صلی اللہ علیہ و علی آلہ وسلم باب افیکم رجل لم یقارف اللیلۃ)[/font]
(مختصر الشمائل المحمدیۃ للالبانی ص 171)

"انس بن مالک رضی اللہ عنہ کہتے ہیں کہ ہم رسول اللہ صلی اللہ علیہ و علی آلہ وسلم کی بیٹی (کے جنازے میں) حاضر تھے۔ رسول اللہ صلی اللہ علیہ و علی آلہ وسلم قبر کے پر تشریف فرما تھے میں نے دیکھا کہ ان صلی اللہ علیہ و علی آلہ وسلم کی آنکھیں (غم سے) بہہ رہی تھیں۔