وسیم

یا رب غمِ ہجراں میں‌ اتنا تو کیا ہوتا
جو ہاتھ جگر پر ہے وہ دستِ دعا ہوتا

اک عشق کا غم آفت اس پہ یہ دل آفت
یا غم نہ دیا ہوتا یا دل نہ دیا ہوتا

ناکامِ تمنا دل اس سوچ میں‌رہتا ہے
یوں ہوتا تو کیا ہوتا، یوں ہوتا تو کیا ہوتا

امید تو بندھ جاتی تسکین تو ہو جاتی
وعدہ نہ وفا کرتے وعدہ تو کیا ہوتا

غیروں سے کہا تم نے غیروں سے سناتم نے
کچھ ہم سے کہا ہوتا، کچھ ہم سے سنا ہوتا


(چراغ حسن حسرت)

ام غزل

ہمیں‌ نہ دیکھ زمانے کی گرد آنکھوں سے۔۔۔۔۔
تجھے خبر نہیں ہم تجھ سے کتنا پیار کرتے ہیں

ام غزل

صرف چلنے کی خوشی تحفہ منزل ہے عدم
راستے تو سبھی دشوار ہوا کرتے ہیں۔۔۔

ام غزل

داغٍ دل ہم کو یاد آنے لگے۔۔
لوگ اپنے دیئے جلانے لگے

کچھ نہ پاکر بھی مطمعیئن ہیں ہم
عشق میں ہاتھ کیا خزانے لگے۔۔

خود فریبی ہی خود فریبی ہے
پاس کے ڈھول بھی سہانے لگے

اب تو ہوتا ہے ہر قدم پہ گماں
ہم یہ کیسا قدم اٹھانے لگے۔۔

ایک پل میں ہم وہاں سے اُٹھے
بیٹھنے میں جہاں زمانے لگے

اپنی قسمت سے ہے مقر کس کو
تٍیر پر اُڑ کر بھی نشانے لگے۔۔۔

شام کا وقت ہو گیا باقی
بستیوں سے پیام آنے لگے

باقی صدیقی۔۔

رضی

میرے صبر کا نہ لے امتحان،میری خاموشی کو صدا نہ دے
جو تیرے بغیر نہ جی سکے اسے جینے کی دعا نہ دے

راجہ صاحب

امید تو بندھ جاتی تسکین تو ہو جاتی
وعدہ نہ وفا کرتے وعدہ تو کیا ہوتا

کیا خوب شعر ہے

ثانیہ

بہت خوبصورت کلام ہے ۔

ام غزل

سب نے پوچھا درخت کیسا ہے
دیکھ لو دل کا بخت کیسا ہے۔۔

دیکھنے آئے ہیں نگر والے۔۔
شیشہ لخت لخت کیسا ہے

بے قراری ، اداسیاں اور غم۔۔
ایک شاعر کا رخت کیسا ہے

لوگ حیرت زدہ ہیں بستی میں
دل موقف میں سخت کیسا ہے

دیکھنے آ کبھی میرے اندر۔۔
پیار کا تاج و تخت کیسا ہے

فرحت عباس شاہ۔۔

فیصل ناصر

ام غزل

ام غزل

عشق کو یہ کمال حاصل ہے
وقت بے وقت اچھا لگتا ہے

ام غزل

یہ عشق نہیں آساں بس اتنا سمجھ لیجیئے
اک آگ کا دریا ہے اور ڈوب کے جانا ہے۔۔

ام غزل

کہاں‌جاؤ گے مجھے چھوڑ کے میں‌یہ پوچھ پوچھ کے تھک گئ
وہ جواب مجھ کو نہ دے سکا وہ تو خود سراپا سوال تھا۔۔۔۔
وہ ملا تو صدیوں‌کے بعد بھی میرے لب پہ کوئ گلہ نہ تھا۔۔
اُسے میری چُپ نے رُلا دیا جسے گفتگو میں کمال تھا۔۔۔۔۔۔

فیصل ناصر

فیصل ناصر

بہت اچھے !