عدنان دانی

سائنسدانوں کے مطابق شمالی امریکہ میں پائی جانے والی مونارچ نامی تتلیاں ہجرت کرتے وقت منزل کے تعین کے لیے جس چوبیس گھنٹے کے کلاک کی مدد لیتی ہیں وہ ان کے دماغ کی بجائے اینٹینا (سینگ جس سے کیڑے ٹٹولتے ہیں) میں ہوتا ہے۔

جرنل سائنس میں شائع ہونے والی تحقیق میں اس دریافت کو حیرن کن قرار دیا گیا ہے کیونکہ اس سے پہلے سائنسدانوں کا خیال تھا کہ تتلیاں نقل مکانی کے دوران منزل کا اندازہ اپنے دماغ میں موجود چوبیس گھنٹے کے کلاک (دن اور رات کا اندازہ رکھنے والا نظام) سے کرتی ہیں۔

آسمان پر جیسے جیسے سورج اپنی جگہ تبدیل کرتا ہے تو اس تبدیلی کو مد نظر رکھتے ہوئے تتلیاں اپنی منزل کا تعین کرتی ہیں۔

خیال رہے کہ ہر سال تقریباً دس کروڑ مونارچ تتلیاں موسم خزاں میں شمالی امریکہ سے جنوب کی جانب چار ہزار کلومیٹر کا سفر کرتی ہیں۔

پچاس سال پہلے کی گئی ایک تحقیق کے مطابق تتلیوں کے اینٹینے اگر ہٹا دیے جائیں تو وہ صحیح سمت میں سفر نہیں کر سکتی ہیں۔

یونیورسٹی آف مانچسٹر برطانیہ کے مطابق امریکہ کے سائنسدانوں نے حالیہ تحقیق کے دوران تتلیوں کے ایک گروپ کے اینٹینے ہٹائے تودوسری تتلیوں کے برعکس انہوں نے مختلف سمتوں میں اپنا سفر شروع کر دیا۔

تحقیق میں شامل ڈاکٹر سٹیون ریپرٹ نے بی بی سی سے بات کرتے ہوئے بتایا کہ یہ ثابت کرنے کے لیے کہ تتلیوں کے اینٹینوں میں روشنی محسوس کرنے کی صلاحیت اور چوبیس گھنٹے کا کلاک موجود ہوتا ہے انہیں دو گروپوں میں تقسیم کیا گیا۔

انہوں نے بتایا کہ ایک گروپ کے اینٹینے پر کالا رنگ جبکہ دوسرے پرشفاف رنگ کیا گیا اور دنوں گروپس کی حرکت پر نظر رکھی گئی۔ جس گروپ کے اینٹینے پر کالا رنگ گیا تھا انہوں نے غلط سمت کی جانب سفر شروع کر دیا اور جن کے اینٹینے پر شفاف رنگ تھا ان پر کوئی اثر نہیں پڑا۔

انہوں نے کہا کہ تجربے سے حاصل ہونے والے نتائج کے مطابق تتلیوں کے اینٹینے پر کالا رنگ کرنے کی وجہ سے وہ دن اور رات کا اندازہ لگانے سے قاصر رہیں جس کی وجہ سے ان کے اندر موجود گھڑی اپنا اندازہ درست نہیں رکھ پائی۔

تحقیق میں یہ رائے بھی دی گئی ہے کہ ہو سکتا ہے کہ دوسرے حشرات جن میں چونٹیاں اور شہد کی مکھیاں شامل ہیں وہ بھی اپنے اینٹینے کو اسی طرح استعمال کرتی ہوں۔

بشکریہ بی بی سی اردو

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !

زارا

ناصحی

مونارچ تتلیاں نہیں مانک (مان اک) تتلیاں
بی بی سی کی اردو سروس والوں میں سے جس کسی نےMonarch butterflies کے اورجینل انگلش آرٹیکل کا ترجمہ کیا ہے اسکی انگریزی کمزور ہے!

__________________

کنعان

السلام علیکم!

بھائی پاکستان والوں کی غلطیاں نہ نکالا کریں شائد آپ سے کوئی غلط خبر سرچ ہو گئی ہو گی۔

یہ خبر مونارچ تتلی پر ھے مانک تتلی پر نہیں۔

بی۔بی۔سی لندن والوں کی جیسی انگلش ھے ویسی ہی پاکستان والوں کی انگلش ھے یقین نہ ہو تو بی۔بی۔سی والوں کا انگلش حوالہ بھی پیش خدمت ھے

یہاں پر کلک کر کے انگلش خبر بھی دیکھی جا سکتی ھے

Butterfly 'GPS' found in antennae

25September 2009

North America's Monarch butterflies use a 24-hour "clock" in their antennae to help navigate the 4,000km to overwinter in Mexico, say scientists

اور جو بھائی نے اوپر اردو خبر لگائی ھے اس کا اردو حوالہ جس میں انگلش ترجمہ کی آپ نے غلطی نکالی وہ بھی پیش خدمت ھے۔

یہاں پر کلک کر کے بی۔بی۔سی اردو خبر دیکھی جا سکتی ھے

تتلیوں کے اینٹینے میں جی پی ایس نظام

27 ستمبر 2009

سائنسدانوں کے مطابق شمالی امریکہ میں پائی جانے والی مونارچ نامی تتلیاں ہجرت کرتے وقت منزل کے تعین کے لیے جس چوبیس گھنٹے کے کلاک کی مدد لیتی ہیں وہ ان کے دماغ کی بجائے اینٹینا (سینگ جس سے کیڑے ٹٹولتے ہیں) میں ہوتا ہے۔

والسلام

__________________

ناصحی

جہاں تک مجھے علم ہے دنیا میں تتلی کی کوئی ایسیspecies نہیں جسکا نام مونارچ ہے اگر آپ جانتے ہیں تو بتا دیں۔ آرٹیکل کے فوٹو میں جو تتلی دکھائی گئی ہے وہ مانک (Monarch ) تتلی ہے۔ ایسی غلطی درست کرنا میرے خیال میں ضروری ہے۔ میں پاک نیٹ پر روز بروزانگلش کی غلطیاں دیکھتا ہوں لیکن صرف وہاں ہی پوائنٹ آوٹ کرتا ہوں جہاں مناسب اور ضروری ہو۔

میں نے اپنا جواب پوسٹ کرنے سے پہلے بی بی سی کا اوریجنل انگلش آرٹیکل اور اس کا اردو ترجمہ دیکھے تھے ۔ میں نے کوئی غلط خبر سرچ نہیں کی ہے، مجھےاچھی طرح معلوم ہے کے میں کیا کہہ رہا ہوں۔

کنعان

السلام علیکم!

میں نے جو مراسلہ پیش کیا ھے وہ آپکی اس پوری عبارت کے مطابق تھا مگر آپ اس کے مطابق اپنی بات آگے نہیں بڑھا پائے، ورنہ میں اور بھی بہت کچھ پیش کرتا۔ خیر کسی اور کا رستہ دیکھتے ہیں شائد اس کے ساتھ میں بات آگے بڑھا سکوں۔

والسلام

عروج

بے شک اللہ ھرچیز پر قادرھے۔۔۔۔۔۔۔۔۔۔ شکریہ۔