Ajmal Anjum

السلام ُ علیکم دوستو !!!
آج سے کم و بیش ایک سال پہلے ہارون اعظم جی نے یہ سلسلہ شروع کیا کہ دوست اپنے ذخیرہ ء کتب کی فہرست یہاں پیش کریں تاکہ بوقت ضرورت اراکین فورم ان سے رابطہ کر کے حسبِ منشا استفادہ کر سکیں ۔۔۔۔۔ خاصے وقفے کے بعد ہی سہی ، لیکن الحمدُ للہ یہ سلسلہ اب چل نکلا ہے اور توقع یہی ہے کہ چلتا رہے گا ۔۔۔۔۔ شروع دنوں میں ہم نے بھی ایک دو بار دوستوں سے اس ضمن میں اپیل کی تھی ، اب جبکہ یہ کام شروع ہو چکا ہے تو ہم معذرت خواہ ہیں کہ اپنی علالت کے باعث تین ماہ تک ہم انٹر نیٹ سے دور رہے ، اب جو دوستوں کے کتاب خزانے دیکھے ہیں تو ان پہ رشک آنے کے ساتھ ہی ساتھ احساس ندامت بھی ہوا کہ ہم خود کیوں پیچھے رہ گئے ۔۔۔۔۔ بہر حال حاضر ہیں اپنی اُن کتب کی فہرست کے ساتھ جو دوستوں کو پسند نہیں آئیں اور ہماری بُک شیلف میں پڑی رہ گئیں ۔۔۔۔۔ برسبیل ِ تذکرہ ، صرف ایک مثال کہ ہم اوائل ساٹھ کی دہائی سے ابنِ صفی مرحوم کی عمران سیریز کے زبردست فین ہیں اور اب ریٹائرمنٹ تک کم از کم سات مرتبہ وہ سیٹ مکمل کر چکے ہیں ، جبکہ اس وقت ہمارے پاس اس سیریز کی مھض 60 فیصد کتابیں موجود ہیں ۔۔۔۔۔
ہم نے اپنی سہولت کی خاطراپنی بک شیلف کو مختلف سیکشنز میں بانٹ رکھا ہے تاکہ بوقتِ ضرورت کسی مخصوص کتاب کو کھوجنے میں زیادہ دقت کا سامنا نہ کرنا پڑے ۔۔۔۔۔ تو سب سے پہلے دینیات سیکشن جی ۔۔۔۔۔

تفہیم القرآن ( ترجمہ و تفسیر قرآنِ پاک ) مکمل سیٹ
از مولانا ابو الاعلیٰ مودودی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضیا القرآن ( ترجمہ و تفسیر قرآنِ پاک ) مکمل سیٹ
از پیر محمد کرم شاہ الازہری
۔۔۔۔۔۔۔۔۔۔۔۔۔۔۔۔۔۔۔۔۔۔۔
عرفان القرآن ( ترجمہ و مختصر وضاحت قرآنِ پاک )
از علامہ محمد طاہر القادری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشکواۃ شریف ( انتخاب احادیث شریف از صحاح ستہ ) مکمل سیٹ 3 جلد
امام ولی الدین محمد بن عبداللہ الخطیب العمری رحمۃ اللہ علیہ
۔۔۔۔۔۔۔۔۔۔۔۔۔۔۔۔۔۔۔۔۔۔۔
سیرت ِ رسولِ پاک ﷺ بروایت محمد بن اسحاق بن یسار
اردو ترجمہ علامہ محمد اظہر نعیمی چیرمین رویت ہلال کمیٹی پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔
الرحیق المختوم ( سیرت ِ نبی آخر الزماں ﷺ )
صفی الرحمٰن مبارک پوری
۔۔۔۔۔۔۔۔۔۔۔۔۔۔۔۔۔۔۔۔
پیغمبر ِ آخر و اعظم ﷺ ( سیرت ِ طیبہ)
ڈاکٹر نصیر احمد ناصر
۔۔۔۔۔۔۔۔۔۔۔۔۔۔۔۔۔۔۔
سیرت ِ رسولِ عربی ﷺ
علامہ نُور بخش توکلی
۔۔۔۔۔۔۔۔۔۔۔۔۔۔۔۔۔۔
انسانِ کامل ( سیرتِ ہادی برحق ﷺ )
محمد بن علوی المالکی الحسینی ، استاد مسجد الحرام مکہ مکرمہ
۔۔۔۔۔۔۔۔۔۔۔۔۔۔۔۔۔۔
اقول ِ محمد ﷺ ( مختلف موضوعات پر احادیث ِ مبارکہ )
مرتبہ : خالد سراج
۔۔۔۔۔۔۔۔۔۔۔۔۔۔۔۔۔۔
سیارہ ڈائجسٹ چودہ صدیاں نمبر ( چودہ سو سالوں میں مختلف شعبہ ہائے زندگی میں اسلام اور مسلمانوں کے کردار پر ایک بھرپور نمبر )
مکتبہ سیارہ ڈائجسٹ ، لاہور
۔۔۔۔۔۔۔۔۔۔۔۔۔۔۔۔۔۔
اردو ڈائجسٹ ، رحمۃ اللعالمین نمبر جلد اول و دوم
مکتبہ اردو ڈائجسٹ ، لاہور
۔۔۔۔۔۔۔۔۔۔۔۔۔۔۔۔۔۔
ضیائے حرم میلاد النبی ﷺ نمبر
ماہنامہ ضیائے حرم ، لاہور
۔۔۔۔۔۔۔۔۔۔۔۔۔۔۔۔۔۔۔
کشف المحجوب
حضرت داتا گنج بخش رحمۃ اللہ علیہ ، اردو ترجمہ محمد الطاف نیروی
۔۔۔۔۔۔۔۔۔۔۔۔۔۔۔۔۔۔۔
نشر الطیب فی ذکر النبی الحبیب ﷺ
مولانا اشرف علی تھانوی رحمۃ اللہ علیہ
۔۔۔۔۔۔۔۔۔۔۔۔۔۔۔۔۔۔۔
تاریخ ِ اسلام
شاہ معین الدین احمد ندوی
۔۔۔۔۔۔۔۔۔۔۔۔۔۔۔۔۔۔۔
تاریخِ اسلام
ڈاکٹر حمید الدین
۔۔۔۔۔۔۔۔۔۔۔۔۔۔۔۔۔۔
تاریخِ طبری جلد چہارم ( چار جلدیں ہی ہم نے خریدی تھیں ، پہلی تین نہ جانے کس کس کے پاس ہیں )
ابی جعفر محمد بن جریر الطبری
۔۔۔۔۔۔۔۔۔۔۔۔۔۔۔۔۔۔
خلافت و ملوکیت
سید ابو الاعلیٰ مودودی
۔۔۔۔۔۔۔۔۔۔۔۔۔۔۔۔۔۔
تنقیحات
سید ابو الاعلیٰ مودودی
۔۔۔۔۔۔۔۔۔۔۔۔۔۔۔۔۔۔

کسی آئیندہ نشست میں انشا اللہ جاری رہے گا

محمدخلیل

ان میں کام کی کونسی کتاب ہے؟؟؟؟؟؟؟

سیپ

السلام علیکم ورحمتہ اللہ و برکاتہ
بہت اچھی کتابیں آپ کے پاس

عبیداللہ عبید

ماشاء اللہ اچھی اچھی کتابیں ہیں آپ کے پاس ۔

مزید کے منتظر رہیں گے

سیپ

السلام علیکم ورحمتہ اللہ و برکاتہ

کتابیں تو ساری ہی کام کی ہوتی ہیں

کشف المحجوب اور سیرت ِ رسولِ پاک میں نے پڑھی ہیں

__________________

حیدر

ماشا اللہ۔ ابن صفی کا سُن کر دل شادمان ہو گیا۔
اللہ آپ کو صحت کاملہ اور عاجلہ عطا فرمائے اور اپنی رحمتوں کا سایہ قائم رکھے ۔ آمین

عبیداللہ عبید

ایک دفعہ میں ایک ایسے کتب خانے میں چلا گیا جس کے مالک کو یہ علم تھا کہ تکڑا مرغا ہے سو وہ مختلف کتابیں میرے سامنے پیش کرتا تھا کہ اتنی اچھی ہے فلاں ادیب نے آتے ہی فورا مجھ سے خریدی تھی اور فلاں صاحب بھی لے کر گئے تھے وغیرہ وغیرہ اس قسم کے ترغیبی الفاظ بولے جارہے تھے، جبکہ اپنی یہ عادت ہے کہ چپ چاپ کتابیں ایک نظر دیکھنے کے بعد دوبارہ اپنی دلچسپی کے موضوعات پر کتابیں اٹھاکر چیک کرتا ہوں ، پسند آئے تو رکھ لیتا ہوں ۔
میں اس کی باتوں سے تنگ آیا تو اسے کہا کہ آپ کی دکان میں کافی عرصے سے پڑی کتاب جو ابھی تک بکی نہ ہو اور گاہک کے انتظار میں سڑ رہی ہو ؟؟

اس نے حیرانی سے میری طرف دیکھتے ہوئے کہا کہ چاہے کتنے عرصے سے پڑی کتاب ہو لیکن ایک نہ ایک دن بکتی ضرور ہے اور کبھی ہمارے پاس نہیں رہی۔

میں نے اسے کہا کہ یہی آپ کے ترغیبات کا جواب ہے کہ ہر آدمی کے نزدیک اچھی اور بری کتاب کسی فرد کے خرید نے کے پیمانے سے نہیں تولی جائے گی بلکہ خود اس کی پسند و ناپسند سے وہ کتاب پسند / ناپسند کرے گا۔

یہی جواب اوپر کے سوال کے بارے میں ہے ممکن ہے بک شیلف والے کے نزدیک وہ تمام کتابیں کام کی ہوں اور یہ بھی ممکن ہے کہ کسی دوسرے فرد کے لیے اس میں ایک کتاب بھی کام کی نہ ہو۔

محمدخلیل

بھائی جان نام سے تو کتاب کا پتا نہیں چلتا۔
میں نے کچھ دن پہلے ایک کتاب پڑھی ہے
Das Capital
پتا چلتا ہے کہ وہ ایک کتاب ہے۔ کمال کی

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟

مفتی

خلیل صاحب یہ "کمال" کب سے رائیٹر بن گیا ؟

شمشاد احمد

ميرا خيال ہے تمام وہ احباب جو اپني كتب كي فہرست يہاں شائع كر رہے ہيں انہيں اپني فہرست خليل بھائي كے ہاں مقبول كراني ہے تو اس ميں نہج البلاغہ كا نام بھي لكھ ديا كريں۔۔۔ تا كہ انہيں بھي سكون ميسر ہو اور آپ كي فہرست كو بھي شرف قبوليت حاصل ہو۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

محمدخلیل

جیسے آپ نام کے مفتی ہیں۔۔۔۔

محمدخلیل

ہاہاہہاہاہاہا
اسی کو کہتے ہیں جلا اور سڑا ہوا جواب۔

خیر اللہ کا لاکھ لاکھ شکر ہے کہ نہج البلاغ کے ساتھ میرا نام کسی نے لے لیا ہے۔

مفتی

جیسے آپ دکھاوے کے دوست ؟؟؟

Miss Khan

وعلیکم السلام ۔
ماشاءاللہ جناب ، ابن صفی کا سن کے تو میرے منہ میں پانی آجاتا ہے، فریدی اور عمران تو میرے پسندیدہ کردار ہیں ، اب دل مچل رہا کہ پھر ان کو پڑھوں ، لیکن ۔۔۔۔۔۔۔! خیر

آپ نے کتب کو جس ترتیب سے رکھا ہے اندازہ ہو رہا ہے جناب ، بہت اچھے طریقے سے فہرست تیار کی ہوئ ہے آپ نے بھی ،

باقی کا بھی انتظار رہے گا ،

عبیداللہ عبید

جی ہاں کمال کی کتاب ہے ایک طرزََ معیشت کو لے ڈوبا اور اب دوسرے کی باری ہے ان شاء اللہ