گلاب خان

لندن (اے ایف پی/ رائٹرز/ جنگ نیوز) پاکستانی کرکٹرز انگلینڈ کے خلاف ون ڈے انٹر نیشنل جیتنے کے بعد بھی کرکٹ کرپشن کے الزامات کی زد میں آگئے ہیں۔ آئی سی سی نے ایک برطانوی اخبارکی خبر کو بنیاد بنا کر تحقیقات کرانے کا اعلان کیا ہے۔ ایک برطانوی اخبار اور صحافتی ذرائع کے حوالے سے معلومات حاصل کرنے کے بعد آئی سی سی نے جامع تحقیق کی ضرورت پر زور دیا ہے۔ اس سلسلے میں انٹر نیشنل کرکٹ کونسل کے چیف ایگزیکٹو ہارون لورگاٹ نے بتایاکہ برطانوی جریدے کو خفیہ ذرائع سے یہ اطلاع ملی تھی کہ متذکرہ میچ میں رن ایک مخصوص انداز میں بنائے جائیں گے۔ میچ کے بعد یہ اطلاع درست نظر آتی ہے۔ لورگاٹ نے مزید کہا کہ اس حوالے سے ہم مکمل تحقیق ضروری سمجھتے ہیں۔ تاہم یہ بات ابھی ثابت نہیں ہوئی کہ میچ کے دوران کوئی غیر معمولی بات رونما ہوئی اور تحقیقات مکمل ہونے کے بعد ہی حتمی طور پرکچھ کہا جا سکے گا۔ ان کا کہنا تھا کہ آئی سی سی میچز میں کسی بھی صورت میں کرپشن برداشت نہیں کر سکتی اور ذرائع سے قطع نظر اس سلسلے میں حاصل کردہ کسی بھی معلومات پر جامع تحقیق ضروری سمجھتی ہے ۔میچ کی شفافیت کو یقینی بنانے کے لئے کسی بھی کھلاڑی یا افسر کوکرپشن میں ملوث ہونے کی صورت میں مکمل قانونی کارروائی کا سامنا کرنا پڑے گا۔ قبل ازیں ایک برطانوی اخبار نے دعویٰ کیا کہ پاکستان اور انگلینڈ کے درمیان گزشتہ روز ہونے والے تیسرے ون ڈے میچ کے فکسڈ ہونے کے شواہد ملے ہیں۔ اخبار کے مطابق اس کی تحقیقات کے دوران یہ بات سامنے آئی کہ بکیز پاکستان ٹیم کی اننگز کے بارے میں تفصیلات میچ شروع ہونے سے پہلے ہی جانتے تھے۔ اخبار کی خفیہ ٹیم نے اس بارے میں تفصیلات سے آئی سی سی کو میچ شروع ہونے سے پہلے بتا دیا تھا۔ جس کے بعد کرکٹ حکام نے میچ میں پاکستان کے اسکور پر نظر رکھی جو اخبار کے مطابق وہی تھا جس کے بارے میں ایک فکسر نے بکیز کو پہلے ہی بتا دیا تھا۔ اخبار کا کہنا ہے کہ میچ کے مجموعی نتیجے کو فکسڈ نہیں سمجھا جا رہا، بلکہ صرف پاکستانی اننگز کے کچھ حصے میں اسکورنگ ریٹ پر شکوک ہیں۔ یہ میچ پاکستان 23 رنز سے جیتا۔ اخبارکا کہنا ہے کہ اس کی ٹیم نے ڈرامائی تحقیقات اس وقت شروع کیں، جب اخبار کو دبئی کے ایک بد نام میچ فکسر اور دلّی کے بکی کے درمیان ٹیلیفونک گفتگو کی تفصیلات موصول ہوئیں۔ جس پر آئی سی سی کی اس اینٹی کرپشن ٹیم کو اطلاع کی گئی جو سابق پولیس چیف سرونی فلے نیکن کی سربراہی میں کام کر رہی ہے۔
روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

عبدالقدوس

دودھ سے دھلے بھی نہیں یار یہ لوگ ان کی اتنی حمایت نا کرو کہ یہ خود کو شیر سمجھنے لگ جائے

__________________

یاسر عمران مرزا

عجیب مضحکہ خیز دعوے کر رہے ہیں برطانوی اخبار، میچ فکس نہیں ہوا بلکہ رن ریٹ فکس ہوا ہے، کیا رن ریٹ کو کسی طرح فکس کیا جا سکتا ہے جو ایک بال نو ہو جانے پر تبدیل ہو جاتا ہے؟ اور آئی سی سی میں بھی پاکستانی دشمن ہی بیٹھے ہیں جو اس فضول الزام کی تحقیقات کی تصدیق کر رہے ہیں۔ ایک جیت نہیں برداشت ہو رہی برطانویوں کو۔ لعنت ہے ایسے ملک پر

برطانوی اور بھارتی گٹھ جوڑ ہی کہہ سکتے ہیں اسکو، جب بکر دہلی کے ہیں اور رپورٹر برطانوی میڈیا کے۔ کیا پاکستانی ٹیم کو فوراّ یہ دورہ منسوخ کر کے وطن واپس نہیں آ جانا چاہیے۔ جتنی بے عزتی اور جگ ہنسائی برطانیہ نے کر دی اتنی تو شاید بھارتیوں نے بھی نہیں کی ہو گی۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

مرزا عامر

رنز بنانے پر اس قدر کنٹرول ۔ اگر یہ سچ ہے تو انگلش ٹیم کی مدد کے بغیر ناممکن ہے۔ اس طرح کی خبر یقینا کسی ردّی اخبار نے لگائی ہو گی۔ مشہور یا معیاری اخبار میں شاید اس طرح کی کوئی خبر نہیں

__________________

میں اک دن لَوٹ کے آوں گا