champion_pakistani

سابق آسٹریلوی لیگ اسپنرشین وارن کا کہنا ہے کہ آسٹریلیا بھارت کے خلاف ٹیسٹ سیریز میں وا پس آسکتی ہے۔

میلبورن کرکٹ گرائونڈ میں میڈیا سے بات کرتے ہوئے سابق شہرہ آفاق اسپنر شین وارن کا کہنا تھا کہ موہالی میں شکست آسٹریلوی کھلاڑیوں کیلئے بڑا دھچکا ہے، لیکن آسٹریلیا ٹیسٹ سیریز میں شاندار انداز کے ساتھ واپس آنے کی صلاحیت رکھتی ہے،
جو آسٹریلیا کا شاہانہ انداز ہے۔

وارن نیکپتان رکی پونٹنگ، کلار ک اوراوپنرمیتھیو ہیڈن پرزور دیا کہ وہ بڑی اننگز کھیلیں تاکہ ٹیم پر پریشر کم ہو۔

ان کا کہنا تھا کہ بھارت میں کھیلی جارہی سیریز بہترین ہے اور وہ مستقبل میں مزید اچھا کھیل دیکھنے کیلئے کافی پرامید ہیں۔

شین وارن نے انٹرنیشنل کرکٹ میں واپسی سے متعلق سوال پرکہا کہ ان کا کرکٹ میں واپسی کا کوئی ارادہ نہیں اور وہ ایک خوش وخرم ریٹائرڈ زندگی گذار رہے ہیں۔